الموضوع: .. آنا قادر ! ..||
عرض مشاركة واحدة
  #1 (permalink)  
قديم 28-10-2009, 19:15
الصورة الرمزية آخر
آخر آخر غير متصل
ودنى من هاويةٍ وتدلّى !
 
بداياتي : Jan 2008
الـ وطن : الكويت
المشاركات: 52
تقييم المستوى: 17
آخر is on a distinguished road
افتراضي .. آنا قادر ! ..||







الأماكن ، فعلها في الرّوح ماكن ..
والمساكن ، ذكرها في القلب ساكن ..


لا تخاف ..
الهموم إللي في صدرك هاتها
أستوينا من زمان
وعارفين إشْلون نشكي
بسّ مامرّة شكينا
وقادرين إن إحنا نبكي
بسّ مامرّة بيكنا !

لاتخاف !
هات .. عِذرك
هات .. غدرك
هات .. جرحك
وهذا ظهري

والا أقولك !
هذا صدري
هات ..
رمحك ولاتخاف

عندي كل إللي تبيه
كل مانفسك .. تحبه ، وتشتهيه !

تبي تتسلى بجروحي ؟
تبي ترقص على روحي ؟
بعد عندي :
عندي قلب ٍ من كثر ماهو تجّرح
صار يفرح بـ الجديد من الجِراح
وبـ العميق .من الطعون !
ونْ غفى ليله بليـّا جرح طازج
مااااستراح !

وعندي عين ٍ رمشها خاصم جفنّها
ونْ نست ليله تصيييييييييح
عندي دمي ..
قال: أنا جاهز بدال الدمع .. أنزف للصباح !
وكل ماهو / مُفجع / ومؤلم / ونافر / ومُتنافر ..
فيني حافر ، حظّي وافر ، ماااني : كافر ..
حتى لو عني .. تِسافر
ماني زافر .. روووووح ساااافر !

هاتها كل الخناجر
بسمي جاهر
أفتح أفواه وحناجر
فيني تاجر

آنا قادر ماني عاجز
حيل مستمتع بحالي
وعندي كل المُرّ حالي !

آنا قادر ماني راقد !
قادر .. أتصالح مع نفسي وأحب
قادر .. أمشي لك .. وأجيلك حتى لو دربك صعب !

والمسافة الفاصلة مابين أنفاسي وراسي ..
قادر .. أقطعها براحة بال وبصدر ٍ رحب ..

وأشعل إعيوني بدال الدمع :
شمع ..
وأبسط يديني بدال الغِل :
فـُل ..
وأفرش إضْلوعي بدال البرد :
ورد ..

قادر أبكي عَنْكْ
وأحزن عَنْكْ
وأسهر عَنْكْ
وآلتعن وأموت .. عَنْكْ
قادر .. أسكن فيك عَنْكْ


بسّ وين .. ذاك إلي .. إذا قلت له :
يـ ااااااااااااافلان تمّ ..
قال سمّ ..

وين ذاك إللي .. إذا قلت له :
منهو أنت !؟
قال : أنت !








____________________________________




قلوبنا عصافير صغيرة، لا تدركُ ما الطيران حتّى ينتفوا ريشها !
  • مُحَمَّدْ مَطَرْ.


رد مع اقتباس