| |
 |  |  | ||
| |||||||
 |  |  | ||
| إخـتِـيـارُ ذَوَاتُـكُـمْ . . للقَـصَـائـدْ المُـختَـارة والمنقُـولـةْ .. |
 |
| | | |
| | LinkBack | أدوات الموضوع | إبحث في الموضوع | انواع عرض الموضوع |
31-10-2006, 08:59
| ||||
| ||||
 ظــروفـــــ الوقـــــــــــــت يشح الوقت بوصالـك وتبقـى للظـروف أحكـام وانـا والله ياعمـري ظـروف الوقـت تشقينـي سمـرت الليـل بغيابـك أخـط النـزف بالأقـلام على ذاك الكتاب اللي رويتـه دمـع مـن عينـي حسبت أن الزمان يجـود ونقضـي باقـي الأيـام عبس وجـه الزمـان اللـي بصكاتـه يجازينـي طفى ضو الليالي عقـب فرقـى فـارس الأحـلام بقايا الليل في فكري .. وصدى الذكـرى يسلينـي يلـوح بناظـري متـن السحـاب وبارقـه قـدام عرفت البرق يم الشرق .... ياكم الشرق يغرينـي تربع بالحشـا حبـك بنـى بيتـه شعـر وخيـام إذا جيته يهلـي بـي .. ويـوم أقفـي يحيينـي كتمت بخافقي نبضك عرفـت إن الفـرح أوهـام يموت الحـب فـي مهـده .. معاليقـي تعزينـي عرفت الحب مايكمل عرفـت إنـه ولـه وهيـام ينابيع الحزن صـدري علـى مضمـاي تروينـي تراك لخافقـي سيّـد حنايـا القلـب لـك خـدام وأنا وأن عشت في حكمك عرفت الحكم يرضينـي نعم وبدنيتـي سيّـد يانبـض الشعـر والإلهـام نعم كـل القوافـي لجـل عينـك تحتمـي فينـي نعم سِيدي .. نعم سِيدي .. تسيّد خافق(ن) بك هام تسيّد مـا أحـد غيـرك قـدر باسمـي ينادينـي قسمت العمر لعيونك .. بصمت القلـب بالإبهـام عرفت النور في عينـك علـى الظلمـة يقدينـي تمايل قلبـي بقربـك بليـل مـن الحفـل بأنغـام عشقت من الطرب لونـك علـى لحنـك تغنينـي سقاك الله ياعشـق(ن) يعيـش بداخلـي أعـوام سقيتك من غـلا قلبـي ومـن نبعـك تساقينـي رعاك الله يا عشـق(ن) وعدتـه دوم ماينضـام منامك بالعيون .. ومسكنـك فـي راحـة يدينـي ظروف الوقت تبعدنـا وتبقـى للظـروف أحكـام وأنا وأن عشت في بعدك .. خيالي لـك يودينـي ___ و أموت يا أمي وفي صدري كلام* التعديل الأخير تم بواسطة ســـاره . ; 31-10-2006 الساعة 09:01  |
|
31-10-2006, 10:02
| ||||
| ||||
| إيــــــه .. طفـــــله .. إيه أنا طفله // مدام إن السكوت أصبح طفولـه و إلا متعوِّد ضجيجي يملأ اغرورك شماتـه ؟! يا رجل مو بالتحدي عرَّفـوا معنـى الرجولـه الرجل : شخصٍ لجل عين الوفا ترخص حياتـه لا تهددنـي و تشعـل طفلـةٍ فـيّ ِ امهبولـه طفله إن قامت تبخِّـر حَكْيَهـا تحـرق عباتـه خذ من اسكوتي شقاي و ترجمه ثـم رد قولـه و اسكن ابدمعي و دوِّن للمـلا قصـة وفاتـه حزني .. علمتـه يغنـي كلمـا دقَّـت طبولـه و إنته علمتـه يبعثـر قلبـي ابلحظـة شتاتـه خلني ما قد طلبتـك تشفـي الجـرح و ذبولـه خلنـي قلبـي تعـوَّد يشفـي اجروحـه ذاتـه و اعتبرني طفلةٍ لـو يعنـي اسكوتـي طفولـه و أوعدك طيش انفعالي لجلك ابيعلن .. سكاته !! ___ و أموت يا أمي وفي صدري كلام* |
|
31-10-2006, 21:13
| ||||
| ||||
| ايام حلوه كانت ايام حبك .. بعد المحبه , علامك مانت طايقني ؟ وانا على خبرك أشواقي هي أشواقي اسلوبك اليـوم يقتلنـي ويحرقنـي سؤال ؟ ابسألك وين اسلوبك الراقي ! حتى كلامك معـي بالحيـل مقلقنـي والشك في داخلـي ماعـاد ينطاقـي ان كان قصدك تقول إرحل وفارقني ! برحل ولكن مصيـر الحـي متلاقـي وان كان قصدك تغلا وانت عاشقني ؟ ابشـرك ماتغيـر شـي بعمـاقـي وان كنت تمزح ؟ أمانه معك روقني تراي مكسور خاطر وانكسر ساقـي بس بصراحه من الآخر وصدقنـي صدمتني واستراحت هقوة الهاقـي ياليتك تحس بحسـاس مضايقنـي وياليت تقرى كلام ٍ داخـل احداقـي حلمك من اول في هالدنيـا تحققنـي واليوم في بحر غدرك ناوي اغراقي ! والحظ الاقشر يوم إنه فيـك علقنـي خلاني دايم على شوفتـك مشتاقـي علمتني كيف ( أحبـك ) لاتوهقنـي علمني ( أنسى ) ولا تستكثر الباقـي كنت احسب إنك اذا جيتـك تعانقنـي أثريك لا طايق شوفي ولا إعناقـي يا هواي اللي بـ صدري ، أختنق لو ( فيك شئ ) . التعديل الأخير تم بواسطة نور الدنيا ; 31-10-2006 الساعة 21:18 |
|
31-10-2006, 21:36
| ||||
| ||||
| حزين .. مدري ليه ؟؟ من كثر الاسباب .. للزمان اللي تعود يبخل وماهوب وافي للأماني اللي عرفتني من كثر ماني بغيت للهموم اللي ارهقتني في مجيي وانصرافي للعذاب اللي بلاني كلما نمت وصحيت للجروح اللي غزتني وبيحت ماكان خافي للظنون اللي لعبت بي كل مارحت ولفيت للغموض اللي اكتنفني والذهن ماهوب صافي للطريق اللي وطيت اشواك دربه ماشكيت لاغترابي اللي خذاني لابعد حدود المنافي للسراب اللي أشوفه واطرده لين ابتليت جيتك وحسيت ان الأمْر خالطه اختلافي جيتك وياليتني رديت خطاي وبقيت لهفتي ماتت ومات بموتها صوت ارتجافي والخفوق الله يكافي لابكى جرحي بكيت بعد حب سنين شلته كله اسرار وخوافي بعدمااعطيتك عيونٍ مالـ حد غيرك عطيت آه ماأقساه واقسى احساسي اللي كان دافي ومااقسى وقتي اللي حرم عين العنا طعم المبيت كم وكم كنت اتمنى ترجع اوجاعي عوافي بعدماضاق الزمان و غار بي جرحي المميت خايفة مستقبلي المجهول لو يصبح عجافي وخايفة لوقيل بكرة منك يابنت ( اكتفيت ) خايفة جرح العيوف وخايفة هم يشافي وخايفة من شي يحصل في غيابي مادريت كنت احس البرد سيف والقدم دامي وحافي جد انا اللي ارخصت نفسي يومي بجرحي رضيت بداخلي صوت يقول لمشهد التجريح كافي يومه يقول لخفوقي ليه حبيت وهويت؟ كان ودي انك تثمن رحلة الشوق وتكافي وكان ودي انك تحس بخافق عيا يبيت مابقالي غير جرحٍ موحش وليل و قوافي راحت سنيني حسايف مانفعني قول ( ليت ) . . يا هواي اللي بـ صدري ، أختنق لو ( فيك شئ ) . |
|
04-11-2006, 10:15
| ||||
| ||||
| يـــاورد من علمك تجــــــرح ..؟ لاطرحتك سؤال ولا انتظرتك إجابة زاخر ٍ بالتناقض .. صانع ٍ للشكوك ولا جفيتك غرور ولا تركتك مهابة .. .. بس سود النوايا من دروبي خذوك ياحبيب ٍ تأرخ كل جرح بغيابه لا يلومك ضمير ولاعهودي نهوك كلما اشعلت صدري تستلذ بعذابه .. .. خاف تحرقك نارك والحنايا حموك كلما اجرمت حبك واعتمدت ارتكابه كان الإعدام حكمك وانت سنك ضحوك كم حبست الأغاني في عروق الربابة .. .. كم خذتك القساوة والظنون ابعدوك بعد حكم ٍ قضيته بالعنا والكآبة موّت القلب ظلمك والمشاعر سلوك وبس ماجت عليك اصل المطاعن تشابه .. .. أولك وجه ورد وآخرك حضن شوك ___ و أموت يا أمي وفي صدري كلام* |
|
08-11-2006, 11:29
| ||||
| ||||
| منـــــت كفـــــو .. تكون رجـــــــــال مثــلك .. بـلا مبـــدأ بفعـله وقــوله لا وازعٍ دينـــي .. ولاعــرف عقــّـــال رجــــــال .. لكن منــت حــول الرجــــــوله حـرام مثـلك يلبــس .. شـــمــاغ وعــقـــال المشكـلة إنك من سلايــل حمــوله مثلتــها بالشيــن من قــول وأفعـــال حلــم العــصــافيـــر الصغيــره وزولـــه زول البغـــال اللي لهــا قيــد وحبــــال مثلـك عرفنــا مبتغــــــاه وميـــوله شكـــواي لله في ضـعيــفيـــن الآمــال قهــري على مثلك صعــيبٍ وصــوله قومـــي هــل الطولات أجــــاويــد وأبطـــال لي في بحــور الشعــر صولــه وجولـــه مثلــي غــدت بالشعـــر مضـــرب للأمـــثــــال أكتــب قصيـــدٍ عــذب وأعرف أصولـــه رطبــاً طــريـــاً يانعـــاً يشــرح البــــال مــدهش ومنعــش ينعش اللي يقــوله سهــلاً بسيطــاً صافيــاً كنه ازلال وانته قصيـــدك مانهــض من خمولـــــه ميــــر الصحـــافه دورهـــا حيــل فعـــال مانــي من اللي تنهـــزم بالسهـــوله أقــوى من الصخـــرات وأقســى من جبــــــال وإذا علــى بنـــت إنتصــــارك بطــــــوله يافـــرحــة أمــــك جابـــت اليـــوم .. رجـــــــــال ___ و أموت يا أمي وفي صدري كلام* التعديل الأخير تم بواسطة ســـاره . ; 11-11-2006 الساعة 11:51 |
|
« الموضوع السابق
|
الموضوع التالي »
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 07:39.
Search Engine Friendly URLs by vBSEO 3.6.1