صالات السفر والقدوم

[خالد القحطاني]

أخواني اخواتي أعضاء هذا المكان الجميل

اولا اوجه شكري الى من وجه لي الدعوه لأحل ضيفا بينكم

جئت الى هنا متصفحا ورغما عني ها أنا ذا احل عضوا بينكم

وما ذلك الا مما وجدته ولكسته بينكم من تفاهم وترابط ادبي نادر

هذه احدى قصائدي وددت ان تكون اول مشاركه لي معكم

يالله حنا عبيدك منك وانا اليك=نرجع ونلجأ ليا من ضايقتنا الهموم
استغفرك من خطايا غفلتي وارتجيك=عفوك لأني عن الزلات غير معصوم
ياقلب ياللي هواك من الصغر مبتليك=ومن الجروح القديمه صرت كلك وسوم
لعل قلب سكنته بالوفا يحتويك=ولعل طبع الموده في حياتك يدوم
لـبـيـك ياللي تمنيتك قبل ما التقيك=من بعد كنتي خيال وشف بال وحلوم
صدفه لقيت الضلوع الحانيه تحتويك=في وسط قلب تلوعه عاتيات السموم
اغليك واشتاق لك واهواك واموت فيك =الا ورا ذا الغلا كله علوم وعلوم
ومادام قلبي يبيك وغايتي تشتهيك=تدللي لان قسمك من خيار القسوم
لكن قبل تطلبين وقبل هذي وذيك=ابسألك كيف جيتي بين ليل ويوم
فجأه وانا اللي نويت استغفلك وآغزيك=أستسلم الك الدفاع ومات جيش الهجوم
من ماجنيته شف آثار الدمى في يديك=ياعنك مالك على العشاق قلب رحوم
ارحم عسا اللـــه يرحم عثرة امك وابـيك=وش لك بحرب المشاعر وانكسار الخصوم
جددت ماضي عذابي حسبي الله عليك = من بعد عزلت تال العصر رقي الرجوم
يابعد دارك علي والصبر عندي وشيك=والوقت روووح وشوفي عن سماك محروم
ودي ازورك ولكن قبل ازورك واجيك=ياكثر ما امر صالات السفر والقدوم
كف المواصل نمده في رجا راحتيك = واللي بقى لايهمك واسترح ومخدوم
البعد ضلمه وشوفك بين الاعماق شيك=والعجز ماهو بطبعي وانت طبعك ضلوم

اخوكم الشاعر

خالد نايف القحطاني

[هديل .]

يابعد دارك علي والصبر عندي وشيك‎ ‎,
... والوقت روووح وشوفي عن سماك محروم !

الأخ الفاضل / خالد ،
أسعد الله صباحك بكل خير وبركة ،
وأهلا كبيرة بك حيث وطن البوووح .
مشاركة أولى تجعلنا نرقب الأجمل منك ،
وتفاعلك حيث جنبات هذا الوطن .
شكرا لك شاعرنا .

[ ]

[صَمتْ الرمَـال }]

الشاعر / خالد

شكراً لحضورك وشكراً ايضاً لمن وجه الدعوه
فقط منحنا الشرف بقرأتك

[وَنَّـة خَفوقْ،]

ال / خالد :

وحدها صالات السفر والقدوم تعي ما إكتنزتـ هُ تلك الحقائب،التي نودع فيها الكثير منا ،
ونحنُ نرتب الكثير من المشاعر في داخلها ..ذات سفر تارة وقدومٍ تارة أُخرى،
وبذات الكيفيـ ة يأتي الحرف ولكن دون ترتيب و دون تأشيرة وختم قبول على تذكرة مشاعرنا فيكتب ما يُحمل على جناحيّ أشواقنا إليهم .هي فلسفـ ة الشعر في قلم يعلم جيداً ما معنى شعر وشعور .
صح أحساسك .


بك أهلاً ..وشكراً لذات الروح التي كانت سبباً لتكون هُنا .

[خالد القحطاني]

الغاليه هديل الجرح

مرورك هنا يزيد القصيده جمالا ويضيف لها رونقا خاص

اطلالتك اسعدتني واطرائك يشرفني

احترامي

خالد