مُنتدياتْ بوُووح الأدبيهّ

مُنتدياتْ بوُووح الأدبيهّ (http://www.booo7.org/vb/index.php)
-   مَـاتْ حُـبكْ وإنتهينَـا ماعلىَ بالِي تجِـينْ !! (http://www.booo7.org/vb/f32.html)
-   -   .. آنا قادر ! ..|| (http://www.booo7.org/vb/t2779.html)

آخر 28-10-2009 19:15

.. آنا قادر ! ..||
 








الأماكن ، فعلها في الرّوح ماكن ..
والمساكن ، ذكرها في القلب ساكن ..


لا تخاف ..
الهموم إللي في صدرك هاتها
أستوينا من زمان
وعارفين إشْلون نشكي
بسّ مامرّة شكينا
وقادرين إن إحنا نبكي
بسّ مامرّة بيكنا !

لاتخاف !
هات .. عِذرك
هات .. غدرك
هات .. جرحك
وهذا ظهري

والا أقولك !
هذا صدري
هات ..
رمحك ولاتخاف

عندي كل إللي تبيه
كل مانفسك .. تحبه ، وتشتهيه !

تبي تتسلى بجروحي ؟
تبي ترقص على روحي ؟
بعد عندي :
عندي قلب ٍ من كثر ماهو تجّرح
صار يفرح بـ الجديد من الجِراح
وبـ العميق .من الطعون !
ونْ غفى ليله بليـّا جرح طازج
مااااستراح !

وعندي عين ٍ رمشها خاصم جفنّها
ونْ نست ليله تصيييييييييح
عندي دمي ..
قال: أنا جاهز بدال الدمع .. أنزف للصباح !
وكل ماهو / مُفجع / ومؤلم / ونافر / ومُتنافر ..
فيني حافر ، حظّي وافر ، ماااني : كافر ..
حتى لو عني .. تِسافر
ماني زافر .. روووووح ساااافر !

هاتها كل الخناجر
بسمي جاهر
أفتح أفواه وحناجر
فيني تاجر

آنا قادر ماني عاجز
حيل مستمتع بحالي
وعندي كل المُرّ حالي !

آنا قادر ماني راقد !
قادر .. أتصالح مع نفسي وأحب
قادر .. أمشي لك .. وأجيلك حتى لو دربك صعب !

والمسافة الفاصلة مابين أنفاسي وراسي ..
قادر .. أقطعها براحة بال وبصدر ٍ رحب ..

وأشعل إعيوني بدال الدمع :
شمع ..
وأبسط يديني بدال الغِل :
فـُل ..
وأفرش إضْلوعي بدال البرد :
ورد ..

قادر أبكي عَنْكْ
وأحزن عَنْكْ
وأسهر عَنْكْ
وآلتعن وأموت .. عَنْكْ
قادر .. أسكن فيك عَنْكْ


بسّ وين .. ذاك إلي .. إذا قلت له :
يـ ااااااااااااافلان تمّ ..
قال سمّ ..

وين ذاك إللي .. إذا قلت له :
منهو أنت !؟
قال : أنت !









سَما . 29-10-2009 00:00

رد: .. آنا قادر ! ..||
 



يا الله يا آخر ،

وكيف تستطيع ان تحملنا من عالم الى عالم
اي قدرة أخذتني بها حروفك يا آخر ،
حرف يجبرنا على الدهشه وأكثر
باقات من الاحترام لهكذا حرف ،


هديل . 29-10-2009 08:30

.. آنا قادر ! ..||
 



زي لما تروح .. وأمشي !
زي لما تنوح بـ : إمشي ..
زي لما تصيح قايل : آه يارمشي !
مالقيت إلا عيوني تدش فيها ؟
وعند مين ؟
عند هاللي حالفـ ن ما أبكي عليها !
وأنا قادر ،
إني ما أبكي أبد .. لو تغيب ولو تصد ،
ولو تقدم لي الغبينة في صحن ملياان ورد !
والهدايا إنكسارات وطعون وشي يهد ،!
أنا قادر ،
أقبل جروحك هدايآ ،
وأصبح لحزنك مرآيا ..
وأنسى إني كاان قبلي ،
واحد ـن مني مكآبر ، ماقدر يمشي معايا .
أنا وحدي / بس قادر ، حتى في عين الهدايا .


» ووحدك أنت كنت القادر على الإبدااع بخبرة الكبار في هذا الفن الشعري يا آخر . :13: «



الحوراء 29-10-2009 18:27

رد: .. آنا قادر ! ..||
 
وماذا عندي القدرة بعد ذلك ..؟

قادر وماني قادر
اني أسمع أو أناظر
الكل حولي حاقد وحاقر
وين أقول لمين أقول
والكل لاهي ومشغول
أبخلي ذمتي وانا المسؤول ..
قادر وماني قادر
اني أسمع أو اناظر
لإنسان كان أمس قريب
واليوم في عيني غريب
الله عليكي يا دنيا
وفي لمح البصر بعنا
نسينا أو تناسينا كنت أقول اني قادر
والحين للأسف أمحيها ...!

وماذا بعد يا آخر ..
فقد اهتزت داخلي القدرات
أنت رائع ..

ســـاره . 05-11-2009 10:40

آنا قادر ! ..||
 


ومااكتفيت ..
مجرد .. نفس


وسأعود :
{ :2: ..’

جيسيكا 11-11-2009 13:38

رد: .. آنا قادر ! ..||
 
اقتباس:

وين ذاك إللي .. إذا قلت له :
منهو أنت !؟
قال : أنت !

جميله جداً.... :14:

هل آكون سلطآن القلم؟ 13-11-2009 14:52

رد: .. آنا قادر ! ..||
 
بارك الله لك هذا الخيال

ساحر بكلماتك :mad:

حبة سكر 03-12-2009 01:32

رد: .. آنا قادر ! ..||
 
أحساسيس جميله
وتعبير أروع

:)

وَنَّـة خَفوقْ، 05-01-2010 10:03

رد: .. آنا قادر ! ..||
 
يالله يا أنت/
أتعلم كيف نحبسْ أنفاسنا بين حرف وآخر !؟
حُنا فعلتها مره وإثنتين وثلاثاً ..
لِ أختمها بِ بتنهيده عالِقـ ه بين روحي وبيني ،
كيف نؤمن معك أن أحرف الأبجديـ ه تغدوا ألفاً !


طاغٍ ذاك الإحساس والخالِق .
وتبقى كَ أنت 'آخر' :2:


الساعة الآن 13:58.

Powered by vBulletin Version 3.8.7
Copyright ©2000 - 2022, Jelsoft Enterprises Ltd
Translation by Support-ar
جَميِع الحقُوق مَحفُوظه لمنتديَاتْ بُـوووح الأدبيةْ

Security byi.s.s.w

 


Search Engine Friendly URLs by vBSEO 3.6.1