[ .. عقبال ياماخذ فوادي مية عام .. ] لـ ابن فطيس

أميرة الخالدي · #1 (**permalink**) 30-09-2010, 19:54

,

جديد الشاعر الإنسان / محمد بن فطيس ..
فكم إنسان إجتمع فيه ليضخ في صدورنا هذا الصدق ؟

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طيرٍ لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لاابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحنيٍ راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك

هديل . · #2 (**permalink**) 30-09-2010, 21:44

اوه ي هالقصيدة !
:‏)‏

[ ]

البيان · #3 (**permalink**) 01-10-2010, 01:11

لله درّه من شاعر ..

وشكراً لتلك الذائقة التي حملت لنا هذا الجمال .

يارا · #4 (**permalink**) 01-10-2010, 04:44

،

الغاليه ذات الذائقه الفاخره تفآصيل ..

حاولت اني اقتبس من هالقصيد مالامس المعاليق .. لكني اكتشفت انها كل على الجرح ولامست حر المعاليق ..

الغاليه تفاصيل ..

شكرا كبيره لاتفي

،

وَنَّـة خَفوقْ، · #5 (**permalink**) 13-10-2010, 07:29

هذا الأنسان يتنفس شعراً يَ أميره .
شُكراً ل عناقيد ذائقتك التي تتدلى جمالاً في كُل مرةٍ تاتين بِها.

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)