| |
 |  |  | ||
| |||||||
 |  |  | ||
| إخـتِـيـارُ ذَوَاتُـكُـمْ . . للقَـصَـائـدْ المُـختَـارة والمنقُـولـةْ .. |
 |
| | | |
| | LinkBack | أدوات الموضوع | إبحث في الموضوع | انواع عرض الموضوع |
15-04-2015, 10:32
| ||||
| ||||
 طاغي بالزيـن غيـر ومنـك طعـم الغـلا غيـر يـا طاغـي بعـضـك عـلـى كــل غـيـرك حـلـمــت فــيــك ولا تـحـريـتـك تـصــيــر وصحيـت يلثـم فجـر عـمـري عبـيـرك لقـيـت بــك سـحـر الـزهـر والعصافـيـر كـنـه يسـولـف عــن خـفـايـا ضـمـيـرك زيـنـك وحـبـك ينـعـش الـــروح ويـثـيـر عـذب القصيـد الـلـي بصـدقـه يثـيـرك حاولت لكـن مـا وصفـك أي تصويـر الـى وصفـت اولـك مـا طلـت اخـيـرك وش لون أوصف وانت كل التعابيـر تحتـاج باطـراف الـحـلا فــي صغـيـرك كنت الخلـي اللـي يحسـب انـه بخيـر وكنـت الطليـق وليتنـي كنـت أسيـرك لو جيت في بالـي وأنـا تـوي اصغيـر سبقـت عـمـري لـيـن يـاصـل حـريـرك ولا دعــيــتـــك لـلـســنــيــن الـمـبــاكــيــر ووافـــق مـسـيـري بـالـمــودة مـسـيــرك وبقربـنـا يسـجـع مــن الفـرحـة الطـيـر كـنــه يــحــس أنــــه بـحـبــي خـشـيــرك حــبـــي وحــبـــك سـطــرتــه الـمـقــاديــر مـهـمـا تـحــذرت الـحــذر مـــا يـجـيــرك لــو يجتـمـع صــدق الـغـلا والمحـاذيـر ما جيت من واسع فضاي استجيرك والحـب مـا هـو بــاب حكـمـة وتفكـيـر يالـلـي جنـونـك عـنــد عـقـلـك كـثـيـرك ابــعــتـــذر لـــومــــا تــفــيـــد الـمــعــاذيــر للـعـمـر قــبــل ادري بـصـافــي غــيــرك يالـلـي بحـبـك غـيـر وبـنـاظـري غـيــر يــا طـاغـي بالـزيـن هــو فـيـه غـيــرك ... علي المفضي لله الأمر ..  |
|
15-04-2015, 10:48
| ||||
| ||||
| سنا نور تقول ما تمشي معي لأول السور نصف الطريق امشه معي كان بتخاف دامك تشوف الدرب مظلم ومهجور لا تلتفت يا قرة العين .. لخلاف قلت اصبري لعل يبدا سنا نور وإلا فـ ظلام الليل نورك بينشاف من صاحب القمرا إلا خاف معذور نور القمر من دونه الليل شفاف أخاف أنا من ظلم شهادة الزور وأنا أدري إن ثيابنا بيض ونظاف ... بدر بن عبدالمحسن لله الأمر .. |
|
15-04-2015, 10:58
| ||||
| ||||
| سيد الناس الما ركـد والجريد الغض .. ماهـزّه نسـايمٍ والـزمـن لا جـا ولا راحي جمحت يا مهر حظي وأثر بك فـزّه ما طـوّلت كلها غـارة ومشـواحي لو كنت رمحٍ ٍ بكفّي كنت باهـزّه لاشـك من هـو عليه أهوش بسلاحي ولو كنت بيرق عقيدٍ ويـن أبارزّه وأطـول طويلٍ أشوفه .. هضبة جراحي يا سـيّد الناس .. شمسك مالها حـزه تعبت أمـاري بشمعي وضي مصباحي من مس نورك جبينه يبشـر بعـزّه ومـن مـر غيمك عتيمه بارقـه لاحي يا سـيّد النـاس .. كلٍ لابس ٍبـزّه صعبٍ نفرّق ما بين الخبل والصاحي كم واحدٍ مـر .. قال عيـوني تخـزّه هو ما درى إني عمى عن قاصر أشباحي أنـا عيـوني تتـل النجم .. وتكـزّه عن حـارك الفلك .. هذي عادة رماحي وما ألوم حظي .. تعب من كثر ما دزّه لو هـو لغيري . .نسـاه الهم .. وإرتاحي ... بدر بن عبدالمحسن لله الأمر .. |
|
15-04-2015, 11:37
| ||||
| ||||
| سافر .. سافر بقلبي وغيب ولا تسافر بعيد أزبن ضلوعي ليا جا الليل تمسي بها ماعاد يمديك تسري جا ورى البيد بيد نوْخ اركاب الغلا تعبت مناديبها تعال واحيي العروق الذابلات الهميد انعش حنايا الضلوع اللي عوى ذيبها لو غربة الشوق طالت شاب حرف القصيد والروح شوفك وقربك هي مطاليبها روحي وقلبي ضيوفك يالغزال الشريد وضيوف الاحباب في حكمة معازيبها ذابت عليك المشاعر بين قاف ووريد ونور السعادة طفى .. توحش سراديبها العمر تنقص سنينه وانت حبك يزيد واحلام عمري معك تقبل وتقفي بها غربة زماني حزينة والمواصيل عيد وسود الليالي ترى الفرقا عذاريبها صدق الليالي عنيدة مير راسي عنيد والله ماأذل نفسي في هناديبها ياليل دوك العذاب وهات صبحٍ جديد تعبت أعدي واحول من مراقيبها ماكل حيٍ تمنى يوصل اللي يريد متى الليالي معك تصفي مشاريبها يامنتحي عن عيوني منك وش استفيد تعال ضم الضلوع اللي عوى ذيبها ... عوض القوانه لله الأمر .. |
|
15-04-2015, 12:01
| ||||
| ||||
| لا تقارب غـيب روحـي يا جـديد الخـوه حافـظـن سـدي ولي قـلبن عـليه يلاوي لو بـدى لك ضـوح عـلمي لا تقارب نـوه في زهازيم السـراب وتحـسب انك راوي حـبل ظـنك عـن خـفايا قـلب مثلي طوه ماعـرف قـبلك نديمي ويش قـلبي ناوي لا شـكـيت ولا بكـيت وما بـدى لك سـوه ومن جرحه الوقت يلقى بالزمان مداوي فـقد غالي وانت وظـروف الزمان وسـوِّه اجـتمع هذا وجـمره والبصـير الكاوي حـطها حـدر الخـفـوق وحـرِّقـت بعـلوِّه كية المبغـظ ولا والله طـلبته يااوي من كـثر ما شـفت ضعفي حـطه الله قوه وعقب لوعات الزمان إلحفظ سدي قااوي واه من هـمن عـلى قـلبي جـديدن تـوه كـل ما يقـبل علي الليل جـاني ظاوي اسـتحـل الجاش واوقـد وسـط صدري ظوه كـنها وقـدة دلال دغــيـم الظلمااوي ... عبدالله العطني لله الأمر .. |
|
15-04-2015, 12:06
| ||||
| ||||
| جروح .. مااوحيت فالدنـيا على كثر ما اوحيت مثل الجروح اللي تداوي بعضها جَرّحْتِني في صـد الايام واقفيت وسبّبت للروح الحـزينة مرضــها وليتك بعد جرح اقرب الناس داويت جرح النفوس اللي جفاكم غمــضها بالله قـلي ويش أنا فـــيك سـويت غير السـلوم اللي حيانا فرضها انا لو اني كل ما ضــقت حـطيت قصــيدةٍ من سَمْع فيها حفـظها يمـــدي كتبت من الــدواوين وأبليت حبرالقـلم والروح ماانهت غرضها مالي ومال الشعر.. بيــتٍ ورى بيت لا صـارهجـران الحبايب نقضها تقـــول ما صديت .. وآقول صديت نفسك وش اللي عن غلاناعرضها مـسموح لو صديت يا ذايع الصــيت ماكل حاجـه لازم القــى عوضها مادمت في رد الصدى عني أبطيت ودست العهود اللي لسانك لفـظها ياليتي أنسى ذيـك الايام يــاليت لا صار ماداوت جـروحي بعــضها ... نورة العجمي لله الأمر .. |
|
16-04-2015, 11:52
| ||||
| ||||
| مراهيش نوك ماتبل الورق ياهنّ لها اليوم تاسع يوم تبرق ولا سالت يقولون لا ضاقت عليك الوسيعه غنّ وانا اقول شفت مقرد الخلق وش قالت انا البارحة من يوم غابت الين اذنّ تحلوى عيوني للكرى مير ما احتالت يثوع النعاس من ارمد الجفن يوم تعنّ سراميد غيضٍ بالحشا حبلها فالت ماغير اتدرق باسمر الليل لا لجنّ هجوسٍ تخطرت هيبة الجرح و اختالت هجوسٍ ليا قامت تكرب وقمت آونّ تصرم معاليق الحنايا ليا انهالت ذلول الهجاد اللي نبت في جماها سنّ من العام تثعى في ضلوعي ولا زالت حلال الذهاب الى استشاطت لبسها جنّ يا كيف آتجوّد في نحرها ليا مالت و انا يوم امسّ بطانها ما عليّه منّ يدين الهوان ان حطت اللوم وان شالت ابازم نفسي عن طمان هواه مصنّ واعدي لجفني و ارقب العين وش خالت عليها الملام ولاعليها السلام ابدنّ يدينٍ تبي قصرة يديني ولا طالت بعد مانفضت غبار صدري ولد ياهنّ بعد ماروّت روحي من الغيض و اكتالت يقولون لا ضاقت عليك الوسيعه غنّ و انا اقول شفت مقرد الخلق وش قالت ... مساعد الرشيدي لله الأمر .. |
|
17-05-2015, 15:18
| ||||
| ||||
| رد: طاغي تفداك روحي يا مفارق حبايبك وفداك عمري راحتي وابتهاجي كان الجروح اللي بقلبي سبايبك أنت الذي بارجى حنانك وأناجي طيفك إلى مازارني كيف أعاتبك يا ساكن ٍ وسط الحشا ومتلاجي إنت العذاب وكيف أنا بك أعذبك يامن جرحت القلب جرحك علاجي الله حسيبك قمت أنا أحمل متاعبك وأنا الغريق وحامل ٍ هم ناجي وداعة الله والسلامة تصاحبك حلفت ماعقد في وداعك حجاجي الامير / بدر بن عبدالمحسن لله الأمر .. |
|
17-05-2015, 15:34
| ||||
| ||||
| رد: طاغي يا راعي الغر العذاب المباهيش رش الكبود اليابسه عن عطشها دنق علي وطمن الراس بشويش واحيا العروق الذابله وانتعشها . عبدالله بن عون لله الأمر .. |
|
13-08-2015, 08:43
| ||||
| ||||
| عساك بخير . عساك بخير يازولٍ صدفني فالطريق عصير بعد طول البطا شفته وانا للشوف توّاقي عساك بخير والنظره تفوح من الغلا تقدير شذاها من قديم الوقت واحيت ذابل اشواقي تغانمت الوصل شفقان لايامٍ لها تأثير بقت في صفحة الذكري تعيش بوسط خفّاقي حبيبي وان كبر جرح الغرام وبان بك تقصير تبى تبقى حبيبي والرجا في عودتك باقي قسم بالله ما غابت طيوفك عن سما التفكير ولكن غابت الفرحه وخابت هقوة الهاقي اصبر نفسي بفقدك بعد ماذيّرت تذيير واقول انك ولهت لشوفتي واشتقت لعناقي واناظر للزمن يمكن اشوف لغيبتك تبرير وتاقف شرهتي خجلا بعد ماكلّت احداقي وقف عمر الفرح بعدك ولا ادري وش بعد بيصير رجيتك لاتموّت ضحكتي في قصّة فراقي انا اللي سمني هجرك وكدّر خاطري تكدير وانا اللي من نهار البعد حزني يسكن اعماقي عساك بخير من صدق المشاعر قلتها يا طير تمنّيتك علي غصن اللقا واكشفلك اوراقي سعد الرويس لله الأمر .. |
|
« الموضوع السابق
|
الموضوع التالي »
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 00:52.
Search Engine Friendly URLs by vBSEO 3.6.1