~ طفــولة تحــلم بالأمومــة ~

خُلودْ البَدرْ · #1 (**permalink**) 26-12-2006, 21:35

كبرت وصار عمري 20 وكم شهــر

لكن الحنين ذبحــني لك ياطفلتي

صرت كبيرة ايه نعــم

فهمت كثير أشياء كنت أجهلها وأنا صغيره ايه نعم!!

شفت هالدنيا اللي كنت أجهلهــا ايه نعم!!

عشتها بحلوها ومرهـــا..

و تألمت بما فيه الكفاية..

تألمت كثيـــــــــر..

آه ياطفلتي.. ليت الصفر ماكان موجود بين الأرقام..

كان أنا عمري سنتين وكم شهر!!

ماعاد فيني حيــل.. وماعدت أتحمل الهموم..

أحط راسي على مخدتي.. وفي راسي مليون شغله..

بكره امتحان.. وبعده امتحان.. وبعد أسبوع

آخر موعد لتسليم البحث و و و .....

آه ليتك تعودين ياطفلتي... وتواسيني..

وتصبريني على هالحياة الصعبه!!

* * * * * *

تذكرين لما رسمت على هذاك الورق.. (بنوته كبيرة)

وكنت أحكي لك وأسولف.. هذي أنــــــا اذا كبرت !!!

ليتني مزقت الورق.. وليت الزمن وقف وقتها..

وماشفتك وانتي ( كبيرة)..!!

* * * * * *

من كثر شوقي لك ياطفلتي..

صرت أشوفك في وجه كل طفل أشوفــه

واذا شفت دمعه بعين طفل يضيق خاطري

وتعلقت بكل أطفال العــــــــالم..

* * * * * *

صرت اتمنى اليوم اللي أشوف فيه طفلة أنا أمهـــا

أبغى أشوف نفسي فيهـــا.. وألاعبها وأدلعهـــــا!!

وأعيد طفولتي معهــــــــا!!

*

*

ليتني طفلة أكبر همــــــومي لعبتي

أزعل واصيح والكيك يرجع ضحكتي!!!

*

*

سفيــــ7/12/2006ـــــــرهــ

فال · #2 (**permalink**) 27-12-2006, 00:42

سفيرتنـــا

مدري ليه أول ما شفت مشاركتك
صرت اردد قصيدة .. طلال حمــزه

أخيــراً صــرتــي في العشـــرين
عزيـزه .. وغاليــه .. تبــقـــيـــن

طبعاً الابيات معدل فيها ..

سفيـره ..

الطفولة اجمل لحظات العمر .. من كل ضد وضد تلقين فيها
فيها .. جنون العقل .. وخوف شجاع .. وغرور التواضع ..

سفيره ..

الحمدلله ان الصفر جــاء ..
عشان يعرّفنـا على اطيب قلب ..
وعقبال الصفر الثاني ..

.. بوووح قديــم ..

كنت أول أجمل .. و انت كنت أجمل أول
أول و الأول زين .. فـــي كــل حـــاجــه

.. تحـيـاتـي ..

خُلودْ البَدرْ · #3 (**permalink**) 27-12-2006, 12:45

الطفولة اجمل لحظات العمر .. من كل ضد وضد تلقين فيها
فيها .. جنون العقل .. وخوف شجاع .. وغرور التواضع ..

^^^

وفيها البراءه اللي افتقدناها يوم كبرنا!!

وفيها النقاء اللي مازلت أبحث عنه بين الناس!!

وفيها كل الاشياء الحلوة اللي افتقدناها..!!

لكن هذي هي الحيــــاة..

لازم نعيش كل مرحلة فيهــا..

بدون زعل على المراحل الحلوة اللي راحت..

لكن الحنين.. لايزال موجود...!!

الحمدلله ان الصفر جــاء ..
عشان يعرّفنـا على اطيب قلب ..
وعقبال الصفر الثاني ..

بصفر واحد.. شوف حالتي كيف!!

أجل بصفرين...!!

ظنك بوح وقتها بيكون موجود

الله يعطيك طولة العمر ويسعدك في حياتك

وأشكر لك المرور العذب ..

boo7 · #4 (**permalink**) 27-12-2006, 21:32

سفيرة النوايا الحسنة

آه ياطفلتي.. ليت الصفر ماكان موجود بين الأرقام..

كان أنا عمري سنتين وكم شهر!!

لهدرجة موضوع مهم .. أعتقد أني الوحيد المتشددين في هذا الموضوع ..

الطفوله فيها البراءه والخجل ..

وهي أجمل محطات الانسان في حياته ..

ما أجمل تلك الأيام .. البريئة ..

في طفولتنا .. نضحك .. نلعب .. نركض

لا شيء يمكن أن يعكر صفونا ..

اختيارك لموضوع الطفولة جميل جداً ..

يعطيك ربي ألف عافيه ..

دمتي ..

خُلودْ البَدرْ · #5 (**permalink**) 28-12-2006, 18:11

لهدرجة موضوع مهم .. أعتقد أني الوحيد المتشددين في هذا الموضوع ..

الطفوله فيها البراءه والخجل ..

وهي أجمل محطات الانسان في حياته ..

لا يا boo7 منت الوحيــد...

وبالفعل كلامك منطقي...

أنا كل ماكبرت كل ماالاشياء حولي تفقد بريقهــا..

كل شي كان حلـــو.. صــار عادي.. وأخاف من بكره لايصير أسوأ !!

الحمدلله على كل حــال..

أشكر لك مرورك الجميل..

دمت بود

جـروح نازفـة · #6 (**permalink**) 14-02-2008, 07:09

(( السلام عليكم ورحمة الله وبركاته ))

أهلاً و سهلاً بك (( خلود البدر )) ..

ماأروعها من أيام " أيام الطفولة "

ودعنا فيها أجمل وأعذب الذكريات .. لقد كانت معبقة بأريج البراءة والطهر ...

ضحكاتنا كانت تتعالى في الجو ... نطلقها تلك الضحكات كموسيقى تهز ذوائب الأغصان ..

فلله ما أروعها ...

كم يشدني الحنين إليها ... ولكم تساقطت دمعاتي حرقة وشوقًا ..

فياليتها تعود ...

وكبرنا فاانقضت أحلامنا .. بيدينا ندفن الحلم الجميل
قد مضت ذكرى وأبقت عندنا ... طيفها المحزون يبكي كالأصيل

جزاك الله خيرً ا على مانثرته أناملك هنا ...
وسلمت يداك ...

تقبلي مروري ...

مع جزيل الشكر

حياة الورد · #7 (**permalink**) 08-06-2008, 05:38

عزيزتي خلوود

ايقظتي جرحا دفنته بسبات عميق...

ياااااه..كم اتمنى ان اعود حيث ماكنت..

لذلك الزمن وذلك المكان..

اعود لأرسم على القصاصات والصقها بكل مكان..

اعود لاقفز هنا وهناك وبصرخات عاليه ثم اتوقف فجأه لئلا ازعج الاشجار من حولي..

اعود لاكون كما كنت..
اعود لاضحك لتلك الازهار الصغيره التي زرعتها ..
اعودي لاعرف نفسي من جديد..
فانا لم اعد اعرفني ...

امنياتي توافق امنياتك..لكنها ستبقى امنيات..

الذين يشاهدون محتوى الموضوع الآن : 1 ( الأعضاء 0 والزوار 1)