عندما يحضر الحرف العذب ويكون للـ بوووح سالفة عشاق ..
لابد ان تكون الشاعرة / نوره العجمي ( صاحبة الحضور الأول )
هنيـّـك يـالنــجـــوم ..
صدورٍ ما تبوح الاّ الونين بفقدها الـغــالين
وعينٍ ما تشوف الاّ هــــواها اللي معذبها
ليالٍ عذبتني بالفراق وضحكة الـســالين
على دمع العيون وحسبةٍ من وين احسبّها
اسامر كل ليله فالــسما يا عاذلي نـجـمين
هنيك يالـنـجوم الدالـهـه عن من يراقـبها
واقول الله يعدل مايل الدنيا على الحـيين
يحل المشكله ومسامحتكم يا سبايبهــا
واقول اثر الـغـرام الـشين ما يرحم وله حدين
يصيب العين لين تهل من فرقا حبايبهــا
بعد حلو السـنين وعـذبـة الايـام صرنا ويـن ؟
نراجع ذكريات الماضي الحلوه ونكتبهـا
تعال اكتب شعر والاّ تعال اقره مع الغاويـن
تعال وشتت افكاري على كيفك ورتبها
نعم لك حق لكن حـقي الغيره مـن الباقيـن
أخاف يحل غيري في مداراتي وينهبهـا
على غصن الحمامة خايفه ياقع غراب الـبيـن
ولا ذم السنين السود غير اللي مجربـهــــا
عسى عقب القسى والضيق ياهجر الزمان تلين
وعسى عيني توالف نومها من عقب حاربها
نوره العجمــي