يا أطهر قلب لا ترحل و إفتح لـ الهوى بابك :

بهذا العيد إرجع لي .. أبي منّك تهنّيني ..


يقولوا فرحتك تَكْمِل حبيبي بـ شوفة أحبابك

وأنا عيدي ترى شوفك يا أجمل من سكن فيني


طلبتك ترجع لقلبي وأرضى بـ قسوة عتابك

وإذا ناوي على الفرقا أمااانه خذ معكْ عيني


دخيلك وش أبي بـ [ عيني ] مدامك معلن غيابك

ولامن جيت تاخذها ترفّق لا تبكّيني !


وأبي تعذرلي قليبي لو إنه حنّ وإغتابك

لجل يهديني " الفرحة " ولا يومٍ ينسّيني !


كساك الطيب يالغالي وأبد هـ الطيب ما عابك :

وأنا بـ أنخاك يالطيّب ترجّع فرحة سنيني !


تراني حالفه مـ أفرح إذا هـ ( العيد ) ما جابك

وأعرفك ترفضه حزني ولا ترضى تعنّيني


هواك أتنفسّه دايم وفيك آموت و .. ( أحيا بك ) ،

وتضيق أنفاسي بْـ صدّك وهـ الغيبات تنهيني


أنا لا مرّني طاريك أروح آشمّها ثيابك

ولامن شفت لك صوره تخيّلتك تواسيني


وتطيّب خاطري لمّا تجي وأضحك من أسبابك :

وبهذا " العيد " أتهنّى وأعيّد يا بعد عيني ...!