سِلّي سيوف الشوق كلّـي نياشيـن
ومن ويـن مـاودّ الغـلا إطعنينـي
إن كان دمّ العشق يامنوتي ديـن !
فِـدْوه ولـو حتّـى بعـد تقتلينـي
تعبت أدوّرني مع النّـاس عاميـن
تعبت أردّد للمخاليق .. " وينـي " ؟
عيني تغورق في غيابـك غيابيـن
غيبة غلاي وغيبتك وسْـط عينـي
عجزت أمنّي فرحتي باللقـا.. ليـن
صاب الورق من معمعتنـا كنينـي
من روحتك ياغلا غلا لين هالحيـن
وانا اشوفك حِلم .. بينـي وبينـي
أهلاً هلابك عـدّ مـا هلّـت العيـن
واكثر من اللّوعـات حـزّة ونينـي
واكثر من مْحارب رقادي وجفنيـن
واكثر من اطيافك بعد مـع حنينـي
ياغايبه عقب البطا ... بسّ تكفيـن
دامك عرفتي واقعـي مـن دفينـي
لاعاد ياحبّي على القلب .. تبطيـن
نبضَه يردّد في غيابـك .. ضنينـي
أبيك مـن ودّك .. تودّيـن قلبيـن
وانا علـى ودّك .. مثـل ماتبينـي
سِلّي سيوف الشوق كلّـي نياشيـن
ومن وين ماودّك .. " أبي تطعنيني "