على إيقاع جرح !
عبّري بالرّقص عـن قصّـة حياتـك
إرقصي لا صارت
ايّامك جـروح ..!!
من خلقهاْ الله وهـي تملـك صفاتـك
ماخلقـهـاْ الله لغـيـر الله تـبـوح
كل حزنٍ فـات منّـك
.. يـوم فاتـك
راح أدري
.. وادري انّـه مـا يـروح
إستبدّي فـي انسجامـك ليـن ذاتـك
تخشع لْصخْر الثرى
.. ويصير دوح
!
عبّري
.. قولي ولو بعـض امنياتـك
كود اعدّ خْطاي فـي ذيـك السفـوح
وآتهجّانـي بخصـرك
.. وفْـ شتاتـك
ألتقـي بـي كـل مـا برقـك يلـوح
الموسيقى
.. صرخة لْغيـرك وجاتـك
والجسَد
.. تعبير عن آهـات روح
!!
والدّروس اللـي لفَـت زادت غلاتـك
ياعتيم الصوت
.. يا صمت الوضوح
:
القناعـة والأمـل جملـة غنـاتـك
والفقر فـي قِـل عزمـك والطمـوح
والرّدى أحيـان يكمـن فـي رداتـك
لا تركـت القلـب مستسلـم ينـوح
!
إرقصي تعبيـر عـن قصّـة حياتـك
إن رقصتي جرح .. وان طبتي جروح !