29-12-2008, 02:52
|
 | صبية صالحة . | | بداياتي
: Nov 2006 الـ وطن : في بيتي الصغير (:
المشاركات: 748
تقييم المستوى: 18 | |
 العمر محتاج لـ أماني !
أذكرك مع صدح فيروز الأغاني
مع بداية عامنا ويش الجديد ؟
شوق ، وغياب ، وكسل مشي الثواني
وانتظار الباب ساعين البريد
انتظرتك .. لين برد المـا كواني
انتظرت بفارغ أحزاني .. وحيد
والليالي شمعها ذاب .. وبكاني
من كثر ما استرجع الذكرى واعيد
كل ما شوقي لشبّاكك خذاني
ردني عن شوفك السور الحديد
مرّ عيد .. ولا وصلت ، ومرّ ثاني
وانت تعرف ويش معنى ( يمرّ عيد )
ماني مغيّر مع الفرقى مكاني
لنّـي أدري بك تجي لـوّك بعيد
كنت قنديلي إذا همّي غشاني
والفرح لحضورك الباهي وليد
صاحبي .. لك كل شكري وامتناني
اعتبرني ميّـت احساس وبليد
لا اتّعذر ؛ والعذر غيّـر معاني
لا تذرّ الملح في جرحي التليد
يخت أمانينا هجر حضن المواني
ظنّـك ان مرّ العمر نقدر نصيـد !
صاحبي .. والعمر محتاج لأماني
لاجل تحيا وانت واعي ما تريد
وانت امانيّي ، وتفسير الأغاني
وانت حلمي ، وانت تبرير القصيد
خلّني .. لا جيت ابـ اغرق بك عشاني
لا تنجّيني من الموت السعيد !!
الرائع / أحمد التيمان ، 
____________________________________ وما كنتُ يوما وحدي يا الله وأنت معي * |