. .
أبكتب اسمك على كلّ الشجر و الزجاج
............ حتى على الظلّ .. و الما و الصُوَر و الهجير
وأقول أحبّك .. بصوووت ٍ يشبه الإبتهاج
............ لو كان حتى الصدى يرجع لصوتي كسير ..!
أنا بضيع إمسك يديني ... " يدينك سراج "
............ لا تترك الليل يجرفني معه للأخير
بيني و بينك مسافات و زمان و سياج
............ لكنّ ما غيرك لباقي سنيني خشير
أنت السما و المشارق .. لحظة الإنبلاج
............ وأنت الهوا .. و الطيور اللي فـ صبحي تطير
إختارني لو مصيرك قرّر الإحتجاج
............ محتاج أكون إختيارك رغم راي المصير
. .