ازعل وعاتبني ترا ودّي ارضيك
ودّي اشوف إن كان لجنوننا حد

أبْي اختبر نفسي إذا كان تغليك
وأبغى أحلّفها على شلون وش قد

ودّي أبهذلها .. تلعثم تحاكيك
ودّي امشوِرها من رضاك للصد

ودّي أهستر !
أمزح شوي وأبكيك
ودّي ألخبط واخلط الهزل بالجد

ازعل ولاترضى على طول وش فيك ؟!
خلني أفيض أنهـــار من دونهــا ســد

خل أنهمر أمطار وبحور تهميك
في جزرها إحباط .. من شوقها مد

خلني أضيع أوراق برياح واديك
وكلما بنيت أعــــــذار عاجلني بهد

ازعل

ازعل

ازعل ألين تشوف روحي تفاديك

من بعدها يالشين سامحني .. و .. رد