جيتي من الماضي مثل طيف الاحلام
صوتك مثل طيفٍ سرى وسط عيني
جيتي من الماضي تشيلين الايام
اللي دفعت حسابها من سنيني
أيام كانت واصبحت مثل الاوهام
ماعاد باقي غير جرحٍ دفيني
جيتي فرح00مدري حزن00مدري الهام
في لحظةٍ دمعي يعانق يديني
كن الدموع اللي بعيني من العام
في مثل هالموقف غدت تحتريني
الله واكبر من يقول الهنا دام
شوفي عجايب لعبة الوقت فيني
قبل امس لاغبتي يجي الليل مانام
واليوم صرت استغرب انك تجيني
نضحك على انفسنا والايام قدام
نحلم00 ونحلم00والحقيقه تبيني
صنيتان المطيري