حيرتني يا زمن واحتار بك غيري
مثلي هي ومعي .. نتقاسم رغيف
الهم ونتجرع كأس حيرهـ ..!
تناظرني بعين العتب وفي عينها
يبحر سؤال ليه الصمت
وين وعدي وين الحب واعذب حكي
وليه ما لد لها بالنظر ..؟!
ونا مقدر اجاوبها ولا اقدر
ارفع ستار العتب
رضيت بالصمت حل وانتظر
من واهب الحكم يسرع بحل ..!
ونا قلبي من همومه تعب
وصبري بي قد بَحل
ليت ان الحظ حاظر بأخذك
معي لابعد مدى وآخر محل..!
واجعل من قلبي لك ديرتك
والنبض لك صوت هالوطن
واخلى جدب الشعور نبتٍ
تزهر وروده لك
وكفي لخدودك سهل ..!
لكن الأقدار عيت تطاوعني
ونصبني اقرب قريب عداه
وش حيلتي لا حاطني من الوقت
عسير الظرف والحظ عني
اقفى وارتحل ..!
قريب بعلن رحيل كل زين
كسبته وابهدي للوقت
بعض الكلام .. وامنح اللي
لنا به من الود باقي شيء
من ذكرياتي واخلي
لفلذة الكبد حرف يسليه
ابي يعرف ان الوقت
يخفي الضيمْ لو كان
ظاهره لنا بالبداية سهل ..!