الموضوع: { .. سالفة عشاق ,
عرض مشاركة واحدة
  #107 (permalink)  
قديم 01-04-2010, 20:19
الصورة الرمزية هديل .
هديل . هديل . غير متصل
.
 
بداياتي : Oct 2008
المشاركات: 3,847
تقييم المستوى: 19
هديل . will become famous soon enough
افتراضي رد: { .. سالفة عشاق ,



تعالي طيف .. دام الليل توّه .. والسهر طاروق
......./ يغنيه السهاد وهاجس المحزون .. وأحزانه


تعالي طيف .. يطلبني من أسفار الديار حقوق
......./ وأنا بذبح على صدري ثلاث أعذار من شانه


تعالي ملّت متون المفارق ثوبها المشقوق
......./ ترى فيني كلامٍ يخنق الأنفاس كتمانه


وإذا جيتي .. مثل عيد " اليتيم التايه المحروق"
......./ ملى صدره جفاف الوقت لين إعتاد حرمانه


هلا بك .. والسما تفرش سحابه زفتّك ببروق
......./ هلابك ..والمدى يخضّر عشب وتورق أغصانه


وقفتي بين لفحات الحنين .. وخاطرٍ مخنوق
......./ كبر في عينه عتاب الخطا .. وعناد غفرانه


لك الله .. من رحلت وكلّ درب بالشقى مطروق
......./تعبت ولا لقيت إلا الندم لي مدّ ذرعانه


أمانه من يفسّر شرهة العاشق على المعشوق؟
......./ إذا من كفّه همومه .. ولوعاته .. وتحنانه


أمانه لا سرق مني حياه وقال أنا المسروق
......./ تراي شلون أبشكيه لعتابه..؟واعقد لسانه


غزيره يالهموم اللي تساقط لا نظرت ل فوق
......./ طويله يالليال اللي تغنّي الحزن طربانه


غريبه يالصدور اللي تحبّ ولا تعرف الشوق
......./ غنايم عشقها ضلعٍ .. ترك لأحبابه أشجانه

وأنا محقوق بالفرقى .. وقلبك ما عليه حقوق
......./ سوى إنه يفتح لوجه المعنّى .. "باب نسيانه"



:‏ عبدالعزيز العنزي ،



[ ]


____________________________________




"أجيب لك قلب ثاني منين؟"

رد مع اقتباس