أخي الصديق !
.
.
ياصاحب الحـس الأنيـق ..
ماكان مفهومك خطـأ
بس انت ضيّعت الطريق!
في قلب وافـي ماغدر،
ماخذ من الدنيا حذر ،
مجروح .. علّمتـــ ه الحياه،
ان البشر ماهــم بشر !
قلب بأمانـ ه ماخدع،
طيّب ولاحب الطمع،
حنون بأحلامـ ه قنـوع ،
عزيز نفــس وماخضع !
قلب ببساطـ ه كان حيّ،
يـبني حياتـ ه شي شي..
حاول يسايرهم قسى ..
واستعجل بموتـ ه شـوي !
تدري منو كان السبب؟!
عالم تحايلها صعب ..
مع كل طيـبــ ه عذبوه،
لأنـ ه .. مايكره يحب ..!
المشكلـ ه مو بالأساس..
يحس او ميّت احساس..
في بيض نيــّاتـ ه يقيـس..
عواطفـ ه بقلـوب نـاس !
صادق معاهم كلهم !
والأصدق انـ ه حبهم..
أحيان يتفاجئ كثيـر،
أن الصراحـ ه ( مو مهـم ) !
ياما نصحتـ ه مايطيع،
من كان بي طفل ٍ رضيــع..
لين امتلأ حُب وكبر ..
أفنيــت روحـ ه للجميـع !
هذا عنا ( قلب ) أغترب ..
مكسور ف عيون التعـب!
هم السبب والاّ عناه؟!
والله ماعرف ش السبب !
خـل السوالف لاتزيـد..
والناس اتركها بعيـد
تعال ابتعمـــّــق معاك
عن جرح ساكن فالوريـد !
ماعشت ف الغربـ ه سنيـن؟!
ماذقـت وش طعم الحنيـن؟!
دريت وشمعنى الحـــزن؟!
ب الليل صحّاك الأنيــن !؟
حبيّـت مره وانجــرحت ؟!
حاولت تخفي وانفـضحـت ؟!
حسيت في برد الضلـوع ؟!
العشق دفـّاك .. استرحــت ؟!
ماعشت .. فقير بغناك!
وكل اللي في أرضك نسـاك!
محروم .. ب أحلامك عطش..
وما امطـر الغيم بسمـاك !
شعــور من بعض الشعور
كومــ ة مشاعر في سطور
حبيـّت أوصّـلهـا إليــك
ارجـّع لظلمـاك نـــور!
هذا شعـوري في الحيـاه..
القلب : عالي مستـواه
الصوت : مبحوح وجميـل
الصمت : متوسّد بْـ آآآآآآآآآه !
ياصاحبي الفذ الأنيـق
يااااااخوي
يا أوفـا صديـق !
لو كنت فاهمني خطـأ !
وصّلتـك الحيـن الطريــق ؟ ؟!

كَمْ بَدت السماءُ قريبـ ة *