مافي غيرك حدا أغمروا ب عينيْ تَيزهرو فل و رِمَان و شي كم حبّة عنب مغندَر
و وضّبلو ألبي تيغفى و ينام و يحلم و يطير و يطيّرني معو
و بسئيلو ميْ الدّهب تينبت لإلو جناح احمر و بصير جناحو التاني
و بندفى و نتزحلئ ع الغيمات سوى تَنغني للسما و نتغزّل بِ الأَرِض
و نتسمّع ع الحبايب .. و بندعي للعرسان .. و نتخبى عن أهالينا

مافي غيرك حدا
بيغطيني شذى عطرو
و بيِكبَر معي حُبي لأمو
و بتزكر كيف اتلاءَيْنا كأنو امبارح إلْتَميْنا
و بدعي لِابني يشبه لشعراتو .. ضحكتو .. صوتو .. ولدنتو

مافي غيرك حدا
بعتبرو سرّي

دفيها بين شعراتك سما