جبّ لي معك دفتر
وجبّ لي معك ..ليلٍ طويل
وغربه .. ومهجر

لـ حكايتي .. لو دفنت الهمّ وسط كتاب
ــــــــــــ ’ مخذول كثر الحزن والبرد فـ ثيابي
شف عاد كم وجه يوم إني طلبته غاب؟
ــــــــــــ ’ سكتّ.. ما كنّ صوتي غصّ بعتابي
يا وقت .. والليل أدهم .. والنجم كذّاب
ــــــــــــ ’ تشابهت به وجيه أعداي وأحبابي
الله .. ي كمّ ظنّ بمن وثقته .. خاب
ــــــــــــ ’ ويا كمْ نقلت أكثرالخيبات لـ كتابي
الذكريات القديمه .. تحرق الأعصاب
ــــــــــــ ’ مليت وآنا أرتكبها وأحرق أعصابي
ما عاد يغري إنتظار الغايبين .. عتاب
ــــــــــــ ’ شاحب مثل لحظة الفرقى .. مثل بابي
تمرّه الناس .. ذا مجفي .. وذا مرتاب
ــــــــــــ ’ ويسولف لحيرة اللي مرّ .. عن ما بي
خلاص ما عاد يسرقني حنين أحباب
ــــــــــــ ’ غافل .. مثل نظرة الحسره على أهدابي

حتّى الفرح .. نسّاي
راح ومعه .. ضحكة حبيبي
وضحكتي
وأشياي