مُنتدياتْ بوُووح الأدبيهّ - عرض مشاركة واحدة

وشم · #2 (**permalink**) 31-08-2011, 07:34

..

مدخل :

هي صديقة روح ، و هذا عامنا الخامس ..
لمْ التقيها و لكنني أعرفها كما أعرفني ..
و أكثر !!

أنا من لي بخمس سنين عدّت ما أحسّ بْها
أنا ما كنت لو لا الله وحكمة ْ أمره [ انسانة ]

بخمس سنين والدنيا تزهّب لي مآدبها
و افاجأها بجودٍ ما تسدّ الخلق بيبانه

ولو جاؤوا من المشرق إلى آخر مغاربها
لاقابلهم بطيبٍ ما يطيق العقل نكرانه

أنا أشواق بنت شيوخ تِعْجـِزْهُم مآربها
صحف تاريخنا الماضي بهم يا ناس مليانة

أبد مو وحدها الأنساب هي فخر ٍ لصاحبها
وأنا بافخر مع انسابي إذا صاحبت سلطانة

بالأول عيدك مْبارك ؛ بصوتي قمت أجرّبها
وخفت الصوت دون اشعر تعكّر صفوك الحانه

وقلت افضل من انطقها ؛ أقوم الحين واكتبها
وصار الحبر من كثر الفرح تتبدّل الوانه

وأفكّر لاجل أهنيها الكلافة ما تناسبها
وأنا عصفور غرّد بي ضلوع الصدر أغصانه

هدية صدق رمزية : خفوقٍ حيل مات ْبها
وودّه لو يجي له يوم يرجع يسكن اوطانه

وطنـْه ضلوعك اللي ما رأتها عين طالبها
ولا سمعت بها من زينها بالصدفة آذانه

لك الله لي بخمس اعوام دعواتٍ أرتبها
بإني ألتقيك بـْ يوم ما يتغير آوانه

كإني والملا حولي طباعك حيل تطربها
وغيرك داخل المبسم أبد ما يلتقى خانة

إذا كل البشر تفرح إذا شافت أقاربها
أنا والفرْح زعلانين إلين آشوف سلطانة !

مخرج :

أعلاه ليس شعرًا ، بل نزفًا و ابتسامة !