الموضوع: { .. سالفة عشاق ,
عرض مشاركة واحدة
  #142 (permalink)  
قديم 14-01-2014, 12:33
الصورة الرمزية فال
فال فال غير متصل
فالكم .. طيّب !
 
بداياتي : Aug 2006
المشاركات: 5,000
تقييم المستوى: 10
فال is on a distinguished road
افتراضي .. مهدي بن سعيد ..





,.,


هربت من الزمان اللي يسمونه صباح النور
وزبنتك يا الظلام وستر مجروح الزمن ثوبه

لقيتك ماسمعت احلى النصايح والعتب والشور
على زين النهـار اللي لقيت اشتقت لغروبـه

تجاهلت الشموس ولاالتفت لنورها المنشور
وتلقيت الطريق المظلمه دوب القدم دوبه

حسبت خطاي وعيوني مداها للعصى والسور
صحيح الشوف لكني خذيت من العمى اسلوبه

انا لي بالعمر مبدا ثبت بي والسنين اتدـور
ملبسني لبـاس المنتصر .. والنفس مغلوبه

يجملني بضحكه في صداها خاطرٍ مكسور
يغنّـي في شمالـه واـلدموع تهلّ لجنوبه

أنا خصمي زمن واقوى سلاحي حظي المعثور
اسـوق به الركـاب محمّله و تـردّ مسلوبـه

يعاند غيرة ٍ فيني ربت صدق وثقه وغرور
تسامت في زمانٍ يفـرش الهامات لدروبه

أدوّر للوجيـه المقبلـه وجهٍ حيـاه يثـور
ابي منه احتجاج على الزمان المر وعيوبه

تهجيت الملامح والسطور اللي قريت سطور
طـريق ودخلتني في قيود الذنب والتوبه

تصدّد بي عيوني من حياها والدروب سفور
تورينـي وجيه في زوايا الذنب مصـلوبه

تقلبها اليـدين العابثه كن اليـدين صخور
عليها ذكـريات مؤلمـه بالدمـع مكتـوبه

أنا وشلون ابستوطن رحابك ياصباح النور
وانا فيني وطن ينزف قبايل دين .. وعروبه




____________________________________

,.,


رد مع اقتباس