12-06-2019, 08:18
|
 | فالكم .. طيّب ! | | بداياتي
: Aug 2006
المشاركات: 5,000
تقييم المستوى: 10 | |
 .. عبدالله ابو راس ..
,.,
ماهي قضية ( فقد ) موضوعي اكبر
انا مع الايام .. موضوع ثاني
مدري غرقت اشلون وانا على البر
وش راح منّي .. وش بقى من اماني !!
لاطبت ياقلبي ولا هو غدى الشر
برضاك وإلا غصب عنك تعاني
مر الزمان اللي عن انياب كشّر
ماعاد خلّا .. للبلابل اغاني
الى متى و اوراق عمري تبعثر
بين الرحيل و بين غربة مكاني
كريم ياحزني .. يجي منك اكثر
بخيل يافرحي .. وحظي اناني
اذا اعتزلت الناس قالوا تكبّر
واذا بديت الطيب .. يخسر رهاني
العين مخلوقه على شان تسهر
والليل جاملها .. وطوّل عشاني
يذبل زهر واغصان عمري تكسّر
تعصف بي الونّه .. تزلزل كياني
لابارك الله فيك .. يالحظ الاقشر
اللي على ضيم الخلايق حداني
الحلم بعيوني على دمعي ابحر
غادر وخلالي عذاب المواني
هذا العمر عدّى .. و هذا هو اسفر
عن مقتل احساسي .. و صابت حناني
..  .. ____________________________________ ,., |