16-06-2019, 10:01
|
 | فالكم .. طيّب ! | | بداياتي
: Aug 2006
المشاركات: 5,000
تقييم المستوى: 10 | |
 .. مهدي بن سعيد ..
,.,
يا غايبه .. لوغبتي الدهر كلّه
بيني وبينك يوم .. لابد ياتي
كني اشوف ارموشك المستظلّه
تضحك تهنيني بلحن اغنياتي
ياصامته .. والصمت هذا مذّله
الصمت موتي .. والقصيده حياتي
جيتي .. وانا اضيّع طريقي وادلّه
ورحتي .. وانا متورطٍ في شتاتي
عطشان .. والصبّار محدود ظلّه
وش لي بظلٍ مايبلل لهاتي
خاويت هالعالم على كل ملّه
ولالقيت اللي ثباته ثباتي
أول قدوم وجيههم .. مسفهلّه
والى أدبرت .. صارت بلون العباتي
يا غايبه .. لو لي مع الوقت ذلّه
عاتبت وجهي لين ترضى جهاتي
كنّي صدوق .. وعالم الصدق قلّه
ياغربتي ضاع الطريق وعصاتي
كنّي ملول .. وذكرياتي مُملّه
وشلون اهاجر من زمن ذكرياتي
عمري شقاوي.. والفنا غايةٍ له
في يوم ميلادي .. سمعت بوفاتي
بحر( الجنون ) اللي يخيفك مطلّه
انا على شاطيه .. كاتب وصاتي
اما غرقت .. ويضحك البحر كّله
وإلا نجيت .. وفاخري في نجاتي
..  .. ____________________________________ ,., |