,.,
يا هلا فكرةٍ حنّت .. وحنّ القصيد
المزون المشاعر .. و السحايب أنا
يا قديم المودّه .. مرحباً بك جديد
رد فيني شعورٍ .. كنت أظنّه فنا
ولع الشوق جمره .. والهقـاوي بعيد
وأعرف إني أعيشك .. في غيابك سنا
إلتوى بي غرامك .. صرت عاشق عنيد
مايهزه كلام .. و لا يردّه عنا
أنهل الحب عمرٍ .. والعمر مايزيد
ماتفيد الحسوفه.. لين ضاع الهنا
أصعب العمر للعاشق .. نهاره وحيد
لين وقّف وناظر .. في الهوى وش جنا
ياحبيبٍ نسيته .. بين قلب و وريد
في خفوقي مشاعر .. والكتابه أنا
.. 
..