شتات

أحمد المطوع · #1 (**permalink**) 07-02-2008, 20:42

اذكر اني ..

كنت المّك ..

أجمع احساسي ..

و همّك ..

كنّي اتعرّف عليك ..

كان قلبي مايبيك .. أو يبيك ..!!

آتلمّس بعض أطرافي ..

كان قلبي .. غير قلبي

وانتِ قلبك .. لك ينادي

وين حضني .. وين حضني ..؟

و كنتي باحساسٍ شتات ..

هو فرح .. و الا ممات ؟!

فاضت انفاسك عليك ..

تشكي همّك ..

تنده كفوفي تلمّك ..

آآه ياحساسي معك ..

صدقيني قد هلك .. صدقيني قد هلك

و انهدم فيني طموح ..

و استوت عندي الجروح ..

لمّي بعضك ..

جمّعيني .. و ارحلي

و خلّي قلبي ..

و دوْك همّك ..

ودعيني .. و اسألي

و نادي قلبي :

من متى للعشق حاكم ..؟

و من يقول الحسّ ظالم ..؟

آآه ياقلبي معاها ..

لو ذبحك الجرح .. هاجر

و آآه ياذيك الأماني ..

لاستوت معها الخناجر ..

ولانهدم فيها طموح ..

كثر مافيها جروح ..

تنهي الروح .. و تروووح

أحمد المطوع

الذين يشاهدون محتوى الموضوع الآن : 2 ( الأعضاء 0 والزوار 2)