|
رد: أنحناءة حرفْ .. !! لا ضاقت بك الدنيا وخانتك أجمل لياليها لا تهتم لأمرها وخل تصريفها لباريها ..! وانسى زلة الأحباب والنفس على الخير اجبرها وربيها ..! كم خايف امسى بديرةٍ ما بات عاويها وكم ضحكةٍ تنطلق وكنّ الحزن زنادها وكاويها ..! |
رد: أنحناءة حرفْ .. !! إنحناءة آسف للنفس إن الطريق يا انتي لم يعد ممهداً بما يكفي لأن تُطلقي العنان للأماني والأحلام بـ صدقٍ ..! اندثر الكثير من المعاني ولا قيمة لشي عند من لا يهتم لأمر إي شيء..! |
رد: أنحناءة حرفْ .. !! ياللي رحل يا عُمر المودة وقف ترى باقي للود باقي خذني لو بقايا وهم وآخذك حقيقةٍ لو هي حلم اعيش بك باقي سنيني وانت عش بي لو ثواني ..! حظيظ |
رد: أنحناءة حرفْ .. !! للحقيقه صوت واحد..! وللكذب اكثر من صوت..!! لذلك من يستمع لصوت واحد فهو يسمع حقيقة ومن يقع بين ضجيج الاصوات فكثير منها كذبـ..!! |
رد: أنحناءة حرفْ .. !! يا صباحات الشتاء يا رحيل الدفا وين خلٍ كل حكيه كان عن الوفا يومي امد له كف الوصل ليه ..؟ اهداني مع تالي الكلام كف الجفا. |
رد: أنحناءة حرفْ .. !! دلعو صغير السن لو أفعاله كبيره خلوه يتهنى بحياته خلوه يا جعل من دلعه فدوةٍ له افرح لمن شفت شخص صادق في حبه وكلامه وحنينه ..! لولا الحياء جيت انا بأسم الدلع لكن نهرني لا ابين اسمه خشية زعل مدلعينه ..! دلعوه يا ناس ونا بردد اسمه وبغني تدليعه كل ما لاح لي مثله او شفت زوله او شبيهه..! دلعوه فدى الدلع اسمه وبعضه وكله حلال مدلعينه دلعوه ما يضر بس اصدقوا تكفون ياللي انتم مدلعينه..! انا عن نفسي احبه بس فاشل بالمحبة ولا اجيد حلو الكلام لأجل ذلك ما كنت بيوم خله ولا انا من مجاملينه ومدلعينه ..! بس احب اللي يدلعه واحب اكتب له حلو المعاني يسبني ويرفع الضغط ونا بالمقابل اردد كلام مدلعينه ..! |
رد: أنحناءة حرفْ .. !! ليه ياورق الشجر يكثر حفيفك ليه تكسر هدوء الليل وسكونه .؟ ادري إن ليالي الشتاء ترعد وتبرق وادري انها تعلن قربه وبروده..! ما ضرني قيض الزمان جاني وراح .. بـحره ولهيبه مختزنت منه للدفء معطف ولا لفيت منه على كتوفك شال ولا غطيت غرتك منه بـ شيله ..! لا تمني ربيع الوقت وانتي تعرفي انه اقفى لا قطفت فيه زهرك ولا اخذت منك له تذكار كل ما صار اني كنت اتعجب في جملة وروده..! والخيبات في زمان الضيق مدري ليه صارت كثيره وادري اني مقصود بمجملها ونا الذي يصفح عن قسوة الوقت اللي اجدب فيها ثرى قلبي وانتي اللي كنت انا اشاور عليها وسميتك الغيمه..! راحت الأيام يا خلي محدٍ بك وسط قلبي درى ولا بغيم تمر بالسماء منيت او واعدت فيها قلبي وبللت بها قاسي الثرى ..! وإنتي إنتي إن رحتي لوحت لك بكفوف وداعٍ ومنديل بها اعتبرته منك تذكار للي صار وجرى. وإن اقبلتي هميت بك حضنٍ والقاك متصدده كني الجاني وكنك إنتي اللي يطلبه الثار يا قسوة الزمان بك عليه لله الحكم في المكتوب وانا راضي بـ مقاديره ..! |
رد: أنحناءة حرفْ .. !! ليه العجب والتساؤل ليه تنتظر يا اكحل العين جديد ايامك ..؟ صاحبك من ينجيه من موجك وبحرك وليه ما يغرق في عيونك..؟ خط الكحل شاطي والخطوات فوق الرمش يا هي مغرية وجميله وظِلال الأهداب وارف مستجيرٍ بظِلها من عبر او ظل تح الهدب واقف..! وعيونك للسماء ترقى بنظر والسماء بالطل تغرق خدودك وليه ما يغرق وعيونك .. له بحر .. وسماء ..! |
رد: أنحناءة حرفْ .. !! الناس توقف على جال النهر وتنظر في عميق مايه ولا تدري الناس وين موصله ولا تخبر مصبه ..! ولا يدري النهر من وقف على جاله ولا يجري لعين مخلوق ولا بكت السماء حزن على مضيومْ ولا مضيومٍ درى عن اللي يشيل همه..! ولا همٍ يستحي من اللي يستوطنه ولا وطن يقدر يزيح همه وكل همْ يزيد ما يستسمح من هم به يسكنه ولا همه ..! |
رد: أنحناءة حرفْ .. !! الدمع ما هو عيب رح علم اللـي يقول عمره ما بكى فـي حياتـه الدمع ما يقطع صـلاة المصلـي والضحك مثل ابليس يقطع صلاته فهد المساعد. |
| الساعة الآن 10:38. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar
جَميِع الحقُوق مَحفُوظه لمنتديَاتْ بُـوووح الأدبيةْ