#111 (permalink)  
قديم 25-04-2010, 14:22
الصورة الرمزية غياض
.
 
بداياتي : Nov 2007
المشاركات: 85
تقييم المستوى: 0
غياض is an unknown quantity at this point
افتراضي رد: { .. سالفة عشاق ,

لا تدعك القلب ترجي يظهر المارد
ويقول لبيك عبدك باح مكنونه

قنديلك اللي انطفى ليل الشتا البارد
سيان عنده وفيت او توك تخونه

ترجّل الفارس اللي لاجله تطارد
يازين شلفاك ملت تطعن طعونه

كل ماحداك الضما جيت الضما وارد
كنك تعاف القراح وتشرب عيونه

شاب العتب وانقطع ما بينناالوارد
ولولا الندم ما غرس فـ ابهامه سنونه

والحزن سيف على ارقاب الفرح جارد
وكل بسمةٍ في ديون الصبر مرهونه

إن صادفك في طريقك بالي الشارد
قله يموت الهوى .. باعيش انا بدونه



عذوبه تجبرك على الصمت ..

كم هو رائع ذلك البدر
____________________________________




أحزم الناس ( عاقلٌ لمس الجرح وابتسم )
رد مع اقتباس
  #112 (permalink)  
قديم 27-04-2010, 04:57
وهـــم...
 
بداياتي : Mar 2010
الـ وطن : وطن المشاعر
المشاركات: 67
تقييم المستوى: 0
الحزن لعبتـي is an unknown quantity at this point
افتراضي {ضيقــة صــدر }







( ضيقـة صـدر )


يمــر يــوم وكل يـــوم يمـــر .. أحـس إنـي حـــزين
أمسي على ضيقة صـدر .. وأصبح على ضيقة صدر

قالوا : الفرج عقب الصبر .. قلت : الصبر هــــم دفين
قالوا : الوفي طبعه وفي .. قلت : الزمن كلـه غــــدر

قالوا : الصـــدف .. قلــت : الصدف ماعشمت طول السنيـن
قالوا : القدر .. قلت : القدر من اللي يردك يــآا قدر

قالوا : الأمل .. قلت الأمل مثل السراب اللي يبين
قلت : العهـــد وأنا على المطلاع وسط المنحدر

قالوا : تشوفه .. قلت : أشوفه بحلوم النايمين
أصحى على شوفه وأنا خدران وأصحى وأخدر

قالوا : وش اللي تذكره إذا تناولك الحنين ؟؟
قلت : التنهاتـه إذا طــروه والـدمـع يحـــدر

قالوا : يخونك .. قلت أنا ياااكرهني للخايين
لو خاني ضاع الوفا في الناس إلا ماندر

قالوا : نسيته قلت واللي لحن المسلم جبين
ما أنساه كود الناس تنسى الليل ومطلاع البدر

قالوا : كم اللي راح من عمره شقى قلت: سنتين
عامين وأنا أغرب الخطوات والقلب يحدر

قالوا : الكدر ويش الكدرقلت : الكدر مثل السجين
إن عاش في سجنه كدر وإذا طلع عاش الكدر

قالوا : سواتك وش يسوي قلت : بين الحالتين
إما توفى من غبن .. والا قضى عمره هدر




لـ / حمدان المــري
رد مع اقتباس
  #113 (permalink)  
قديم 29-04-2010, 03:34
الصورة الرمزية كادي
.•*´¨روووح`*•.¸
 
بداياتي : Feb 2009
الـ وطن : `*•.روحـــــــه.•*´
المشاركات: 37
تقييم المستوى: 0
كادي is an unknown quantity at this point
Post رد: { .. لــ روووح

صباح النور يانور الصباح ولهفة المشتاق
......................... عسى الله لا يخيّب في بعضنا كـل امانينـا

يهل الغيث ويدن الرعـد ويلـوّح البـرّاق
......................... وحنا مابرح مركب هوانـا فـي موانينـا

محبتنا على صدق النوايا والقلـوب ارزاق
......................... نهني بعضنـا ودموعنـا تسبـق تهانينـا

نعيش بظل حاضرنا وماضينا بـدون اوراق
......................... وحاضرنا يعلمنا نعيـش بـدون ماضينـا

تقزّم في نظرنا الياس كله والأمل عمـلاق
......................... وحنا لو نعيش بدون أمل كثـرت مآسينـا

تربعنا على عرش الوفا والحب والأخـلاق
......................... واذا طحنا من الايام مـا طاحـت مبادينـا

نتيجة حبنا توليـف خفّاقيـن فـي خفـاق
......................... بمعنى مانعيـش الا علـى اوّلنـا وثانينـا

واذا ربي كتب لاقـدر الله للقلـوب فـراق
......................... نموت وننتهي واجسادنـا تقبـل تعازينـا

يادنيا لو نشدتي وش يصير بعالم العشـاق
......................... لهيب حروفنا يعجز يعبـر عـن معانينـا

يقولون العرب سر السلامه في يد السـوّاق
......................... وانا اقول السلامه فالهوى ماهـي بيادينـا

لك الله لاشربنا من بعضنا كاسة الأشـواق
......................... ماعاد نشوف اماكنّـا ولا نسمـع اسامينـا

نغيب ولا نفيق الا وحبر الشوق فـالاوراق
......................... واثرنا قد نثرنا اللي ورى حاجز محانينـا

يفوح الورد ويمور السحاب وتذبل الاحداق
......................... نغنـي والطيـور تطيـر وتغنـي اغانينـا

غرامك غير ياسيدالجهات الست والآفـاق
......................... ولا يمكن نقول لبعضنـا وينـك ياناسينـا

هنا يبقى مكانك ياغلاي بداخـل الأعمـاق
......................... مثل وشم الحنان اللـي وشمنـاه بليالينـا

وصباحك نور يانور الصباح ولهفة المشتاق
......................... عسى الله لا يخيّب في بعضنا كـل امانينـا
____________________________________

رد مع اقتباس
  #114 (permalink)  
قديم 08-06-2010, 22:43
الصورة الرمزية غريبة في مكاني
دايم على البال !
 
بداياتي : Oct 2006
الـ وطن : حيث الـ وطن ..!
المشاركات: 2,526
تقييم المستوى: 0
غريبة في مكاني is an unknown quantity at this point
افتراضي لآهدت نفسي ..!

.
مدخل ..

لحظة صمت ..


ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له فـ قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
فـ طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..

مخرج ..

ويستمر الصمت أمام البدر ..!

.
____________________________________

.

أطيّر لك حمام البآل وَ أفقد كل ليله سرب ..!*

.
رد مع اقتباس
  #115 (permalink)  
قديم 24-07-2010, 22:22
الصورة الرمزية غريبة في مكاني
دايم على البال !
 
بداياتي : Oct 2006
الـ وطن : حيث الـ وطن ..!
المشاركات: 2,526
تقييم المستوى: 0
غريبة في مكاني is an unknown quantity at this point
افتراضي

.



حنين اعمى ..

إلى .. لا شيء

إلى كل شيء ..!

إلى الذكرى ..

أنا حاله غريبه ما عرفت اشتاق

أو أنسى ..!

أنا اللي وّطن احبابه على ارضه قبل .. لاينفى ..!

أنا بدرب الحنين امشي ..

أشوف اليأس

وأشوف الناس .. وطيفك .. ماترك رمشي ..!

تعبت انثر حنيني في مهب الريح والذكرى ..

ولازمني شعور الذنب ..

كأني ما عرفت آحب ..!

ياليتك صدق تدريبي ..

وتكشف كل الآعيبي ..

عشان تعرف بس إني

رضيت بهالنصيب وبس ..

نصيبي ما هو راضي بي ..!

أنا حاله غريبه ما عرفت آحب

أو انسى ..!

أنا اللي وّطن احبابه على ارضه ..!

قبل لا ينفى ..!!


.
____________________________________

.

أطيّر لك حمام البآل وَ أفقد كل ليله سرب ..!*

.
رد مع اقتباس
  #116 (permalink)  
قديم 25-07-2010, 21:26
الصورة الرمزية غريبة في مكاني
دايم على البال !
 
بداياتي : Oct 2006
الـ وطن : حيث الـ وطن ..!
المشاركات: 2,526
تقييم المستوى: 0
غريبة في مكاني is an unknown quantity at this point
افتراضي صدى اشيائك ..

.

بانت خيوط الفجر وأنتي ,
بَعدِك مَـ جيتي ولا بنتي , !

صبرت لين العُمر شيَّب ,
وهذي عوايدك .. ما تبتي !

تدرين من ليلة غيابك ..
وأنا أنتظر وعْد واعَدتي , !

للحين في مكاننا نفسه ..
أجي .. ولا كنّ أبد غبتي , !

لا زلت أغمِّض على أشيائك !
وألقاك فيها .. كما كنتي .. !

ولا زلت أسافر معَ عيونك ..
ليا خجلتي .. وسلهمتي , !

ولا زلت أمارس معك حقِّي ..
رغم إنْ تخلَّيتي ورحتي , !

ولا زلت أصونك رغم بُعدك , !
مع إنِّك لْوَعْدنا .. خنتي .. !

ولا زلتِ بعمري الأجمل , !
ولا زلتِ أنتي كما أنتي , !

ولا زلت في مكاننا نفسه ..
أجي .. وما كنّ أبد ( متِّي ) , !!


.
____________________________________

.

أطيّر لك حمام البآل وَ أفقد كل ليله سرب ..!*

.
رد مع اقتباس
  #117 (permalink)  
قديم 26-10-2010, 22:42
الصورة الرمزية هديل .
.
 
بداياتي : Oct 2008
المشاركات: 3,847
تقييم المستوى: 17
هديل . will become famous soon enough
افتراضي رد: { .. سالفة عشاق ,

‎‏

لى الموعد بـ / لهفه
جيت لآ مآنع ولآ تأخير . .
لفيت من العصر هآيم ،
مع إن الموعد المغرب . . !
وجتني بس أنا مدري ،
شعرت الجيه هذي غير . . !
وهي تقرب من عيوني ،
شعرت إن الممات اقررب . . !
 
وقلت ؛/ الله يهونهاآ ،
عسى في جيتك لي خييير . . !
انا من شفتك اقبلتي ،
وانا خايف ومستغرب . . !
 
على كثر الحكي مدري ،
كأنه خآنها التعبير. . !
* قالت لي جمل واشياء ،
لآ تكتب ولآ تعرب!
 
هدت فجأة تطآلعني ،
وأنا في حاااجة التفسير . . !
لجل نحكي بهدوء أكثر ،
سألت الحلوه ، وش تشرب ؟
 
وصآحت بي ،
أنا احببببك . .
ولك في هالحشى تقدييير!
وتدري إن المثل فينا وفي إحساسنا
يضرب!
 
صحيح إنك وفي ،
وبري من تهمة التقصيير . . !
ولكــٍن ذي عوآيدهم ،
من ايام وزمن (يثرب) !!
 
تكون البنت لــ / إبن العم ،
ورغبآت الكبآآر تصير . . !
*وتدري الأقربون » أولى « ،
مع إنك للخفوق أقر ر ر ب !
 
وتدري للقدر كلمة !
ولعآدات الأهل تأثير ،
لذا ارجووك . .
تتركني ، ومن دنياك انا بهرب. . !
 
شعرت بحكيها كنه قصآآص ،
وأمر بالتعزيير !
*شعرت الدنياآ ضاقت بي ،
من المشرق إلى المغرب . .
 
مشت خلت وراها (طفل) ،
مايدرك وش التدبير!
يحسب إن الغرآم أشعار . .
شاعر وإغنية مطرب!!

*ضحكت وماقدرت إني الاقي
لضحكتي ،تبرييير !!
من اللي بوقتنا مرة ضحك ،
من لدغة العقررب ؟
 
رفضت أستوعب اللي صار !
ولآ استسلمت للتغيير !
ثمآن شهُوور ,
اجي نفس المكآن بحززة المغرب !

*برغم إن الثمان شُهـورّ
(جرح) وكلفتني كثيييير . . !
أنا لليوم اجي وادعي ،
تجي يارب ، تجي يارب *







____________________________________




"أجيب لك قلب ثاني منين؟"

رد مع اقتباس
  #118 (permalink)  
قديم 18-02-2011, 23:50
الصورة الرمزية مشااااري
.
 
بداياتي : Aug 2006
المشاركات: 562
تقييم المستوى: 0
مشااااري is an unknown quantity at this point
افتراضي رد: { .. سالفة عشاق ,

يا هيه إلتفت لي وإسمع دعاي لك يا هيه
ترى عادك بتشبع مـن البعـد وتواجـه
دعيتك بصوت ياصلك ليه ماتوحيه
وانا اسمع ضلوعك من صدى الصوت لجاجه
عليك الفؤاد إخلاجـه مصمـخ راعيـه
خف الله في راعيه ما تسمـع إخلاجـه
ترى العفو قد جاك أوله وإغتنـم تاليـه
وترى الحلم بحرٍ غير لا تآمن أمواجـه
وترى الود ليلٍ مظلـمٍ جيتلـك ساريـه
سراجه وصالك والجفا ينفـخ سراجـه
وترى قصرنا اللي كم سنة نجمع ونبنيه
هوى العذل طيح بابه العـود وسياجـه
لي أيام مدري وين دارك ولا أدري ليه
وأنا خابر إني بـاب شفـك ومزلاجـه
غيـابٍ بـلا سبـة هجـادٍ بـلا تنبيـه
وجفا أغلى العرب نارٍ على الكبد وهاجة
نضج قلبي من البعد وش حاجتك تكويه
جفاك الجمر والصبر في بعدك الصاجه
طبع حبك بقلبي والأيـام مـا تمحيـه
هذا هجرك يحاول يموجـه ولا ماجـه
يموت الأمل لكن ظنـون الغـلا تحييـه
وعروق الوفا فالروح والقلب وجاجـة
خبرتوا حدٍ يبكي علـى واحـدٍ يبكيـه
وخبرتوا حدٍ مسجون ما يبقي إفراجـه
أحبه ولا أبغضته علـى شـيٍ يسويـه
ولا زالت رقاب الرجـا فيـه منعاجـة
عسى منزلٍ ضمه حقوق الوسم تسقيـه
وتضحك له الدنيا وهو يضحك حجاجـه
فقد خاطري شي مـن الضيقـة مسليـه
وغدت روحي من الناس والليل هجاجة
أروح لمكانٍ خابـره .. خابـره يآتيـه
أسوق القدم صوبه وهي مالهـا حاجـة
مكانٍ نزيـه وأول مواجهـي لـه فيـه
وأنا خابرٍ مـا رجـل مثلـه بدواجـة
لعل وعسى ما حدنـي للمجـي يدعيـه
وأشوفه وأنا ما ودي أسبـب إحراجـه
يحب الجريح آخر دروب اللقى ويجيـه
وتحب القدم جيـة مكـانٍ أول مواجـه

ابن فطيس
____________________________________

مير اشوف التسلي عن هواه استحال
رد مع اقتباس
  #119 (permalink)  
قديم 03-06-2011, 21:07
الصورة الرمزية نور الدنيا
كل الحكايه .. اشتقت لك
 
بداياتي : Aug 2006
الـ وطن : هنا .. حيث الملاذ و سلام الروح
المشاركات: 1,265
تقييم المستوى: 0
نور الدنيا is an unknown quantity at this point
افتراضي { ..

.
.

فـرق بين احتياج العاطفة والغـرام
مثل فرق ..الثريّا فالسمـا والثـرى

لأنّ الاّول :يدفّـك مـن ورى للأمـام
لكن الثاني :انـت اللـي تدفّـه ورى

ممكن تميل .. لايّ آخر عطاك اهتمام
بس ، قلبك فقط لانسان غير الـورى

ان لمحته .. تطاير من ظلوعك حمـام
وان فقدته .. على الاحزان ليلك سرى

افهمي ياالفراشة وان وصلك الكلام
علّمي قلبـك اللـي دالـهٍ مـادرى


فيصل السواط

.
.
____________________________________

يا هواي اللي بـ صدري ، أختنق لو ( فيك شئ )

.
رد مع اقتباس
  #120 (permalink)  
قديم 03-06-2011, 21:16
الصورة الرمزية نور الدنيا
كل الحكايه .. اشتقت لك
 
بداياتي : Aug 2006
الـ وطن : هنا .. حيث الملاذ و سلام الروح
المشاركات: 1,265
تقييم المستوى: 0
نور الدنيا is an unknown quantity at this point
افتراضي { ..

.
.

خـذني لـ بـلد ْ
مافي شوارعها مطر ّ
دام المطر كلّه حنين
خذني لـ أماكن مزعجة للـ عابرين
مبغى سكون
أخاف لحظة أختلي مع ذاكرة مليانة بـ وجيه وتعب
وأبكي وأنا
موعوده بـ الفرحه هنا وأحنّ له ..
وأنا صديقة للـ ظلام وللمطر
وعشان أحافظ عـ الصبر !
بصلّي المغرب وأنام ..
أبكره الليل الطويل
وأبعشق إزعاج النهار المزدحم ..
بس المهم :
ماأختلي مع ذاكرة مليانه بـ وجيه وتعب وأكتب شعر ..
إذا قريته بعد يوم أستنكره
وأستغرب إني قد كتبته ( من كثر ماهو حزيـن )
آآآيـ الحنين .


مي اللاّفي

.
.
.
____________________________________

يا هواي اللي بـ صدري ، أختنق لو ( فيك شئ )

.
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 02:45.


Powered by vBulletin Version 3.8.7
Copyright ©2000 - 2022, Jelsoft Enterprises Ltd
Translation by Support-ar
جَميِع الحقُوق مَحفُوظه لمنتديَاتْ بُـوووح الأدبيةْ

Security byi.s.s.w

 


Search Engine Friendly URLs by vBSEO 3.6.1