|
رد: * في خاطري شي * منذ الولادة. خاصرتني قامتي. لا تنحني، إلا.. لبارئها، سلاما مرسلا،تهــامــية يفيض في نفس، تناجيه مليّا.. أصافح وقتي، بأسياف موتي، لأبقى على فطرة الماء دوما، يذوب على الطين، ينبض حيّا.. ونوافذي حجر، ووجهي برج برق، داعبته الريح، فاعتصرت به ، مطرا نديا.. وأنا التي تتبتل الأنوار في لغتي، وتصفعني الحظوظ. قد نلت من بعضي ، تباريحي، وتحييري، وما أذنبت شيّا.. تهجيت في كل وجه صباحا. فيصدمني الخلف منه عشيّا.. رأيت الصداقات في بعضهن، حروبا، وخبثا، ومكرا خفيّا.. تجليت بالفل شالا بصدري. وبعثرت منه طقوسي وعشقي. وهيأت منيّ ، له مهرة، صهيلها: يسري، بصحوي، ورعدي. ويحرث: أصلاب طيبي، وعرفي، (تهامية) ساحلي جزري. توسد جسمي ضفاف الحجاز. وأورثني الضوء، قلبا نقيّا.. سأخطو بوهجي، بلا وجل. فلا خيبة ،هزمتني خلافا. ولا رغبة، أهدرتني سفاحا. ولا قط. لامست غيّا.. رحيق البنفسج، أنفاس روحي. ولحن الطيور. غذاء شهيا.. على عتمة الليل، أشرع حلمي. يضخ بإكسيره في دمي. وتنسج ألوانه مرسمي. ويفتح للشيح، نبعا وفيّا.. تعاليت، فوق عزاءات صبري. لأغدو، هلالا وليدا. وأكبر، فوق مدار الثريّا.. سأحيا حياتي ، كما أشتهي. فتأخذ منيّ وتحنو عليّا.. وفي مهجتي، صدق كل النساء. وفي ثورتي، موج بحر عتي . يسف المواجع ، سفا قصيّا أحب جنوني، وأهوى غرامي، وأنثر منه بياضي ، كتابا. ينوء به الحب. حتى، يغيض النوايا، ويفضح بالصمت، صدرا غبيّا |
سلطان بن علي العتيبي .. قم يا قصيدي زيّن الليل مسراه وجه النهار اقفى بنوره ظلامه قم لاعدمتك وانت معنى المواساه وانت الرفيق الي يعزّي مقامـه من عاد باقي غير انا وانت والآه وليلٍ سرى ليله .. وحـرّم منامه ياليل وان حدّيت مثلي الى اقصاه قله خذ البرقع .. وهـات العمامه والله لـ اعدّي نايف الجرح .. وارقاه واحكم لجـام الصبر .. واركب سنامه ماهذي اول هم عمري .. ولا اتلاه ياطول ماعضّيت كـف النـدامـه كم لي وانا يكتبنـي الحـزن وامحـاه وكم لي وانا احمل فوق صدري وسامه ولي صاحبٍ ما جابن البيض حليـاه رجلٍ على ماقيل .. يسوى عظامـه يازين طبعـه قبـل هذي ومحـلاه ليته تجنّب .. مـا يقـل احترامـه وياصاحبـي مانيب جاهـل تخطّـاه مثلي يموت .. ولاتمـوت الكرامـه من طاب لي .. يبشر بطيبي ويلقـاه ومن راح .. مالحقتـه عبـاة الملامه يزعل علي الحر .. وامـدح سجايـاه ويرضى علي الخبل .. وافهم مرامـه ماكـل شقٍ سلك وابـره ونرفـاه ولاكل سودا يا ابيض الوجه شامه من راح ياعلّ السلامـه تقفّـاه حقه على ماقيـل .. لامه بلامه غلطان كانه يحسب إنّا خسرناه حمامةٍ طارت .. بدلهـا حمامه وش عاد وان غره بنا طيب مجناه الخشم لـو ينسى.. تعلاه هـامـه له عزةٍ ترفع عن القاع ماطـاه ولي عزةٍ مانزلتنـي مقـامـه اليوم كلٍ شرهته حـدّ يمنـاه لابوه طيب .. ولعنبوها شهامه |
.. محمد الحافي .. لك للغلا لـ ارضاك ولسود الاهداب نفح القصيـد وفرحـة عيون وعيون ياسيّد احبابي على كثر الاحباب من قبل تنشدني عن الحال وشلون ما جابني يمّك وانا اقول وش جاب الا الغلا والخافق اللي غدى طعون من غبت مدري من حضر عقبك وغاب حر طليق بجفوة الوقت .. مسجـون كثرو بعدك وكنهم غُرب واجناب تدري .. وخل مقرّد الخلق يدرون ليل المشاره معك ماضرب له احساب لا لا ولاني للشماميت .. مـديـون هذا انت بعيـوني .. مسافات وابواب وانت بعيـوني شـرهة اللون للـون خاب الرجا ف الوقت .. فيك انت ماخاب أنت الوفا ساس .. ومدارات .. واركون مدّ الرهـا ياسيد تلعـات الارقـاب ماكون أنا لوماحضورك .. ملا الكون |
.. الحميدي الحربي .. يوم الوفا له في مشاعـرك عِينـه وانا معـك وافـي ورى ماهقيتـي إنسقت مع شوق الخفوق وحنينـه ماقلت كم خذتـي ولاكم عطيتي ؟ أعطيك نون العيـن لـو تطلبينه واخلق لك الاعذار مهمـا قسيتي ويوم اعترفت انك لقلبـي وزينـه طاح القنـاع اللي وراه أختفيتـي وين الحنان اللـي معـي تدعينـه وين الوفا اللي فـي ثيابـه بديتـي صرتي لدهري في عذابي عوينـه هدمتـي اللـي بالامانـي بنيتـي تأكـدي كـل البشـر تخدعيـنـه إلا خفـوقٍ مـن حنانـه رويتـي ماعاد أنا الطفـل الـذي تخبرينـه يزعل وترضينـه متـى مابغيتـي شوقي غدى كتلـة رمـادٍ بطينـه وهو امس نارٍ من وهجهـا دفيتـي وش عقب موت الشوق لك ترتجينه ياللي بـرايٍ مـا نفعـك اقتديتـي غـلاك في قلبي هدمتي حصينه وعليـه بـ أقـدام التعالي وطيتي لادمـع هـل ولا مشاعـر حزينـه سـراب بينتـي سـراب انتهيتـي الحميدي الحربي |
(مساعد الرشيدي) احبك لو يموت الحب وتصير القلوب قبور احبك كلمة لو حرموها حل تفكيري ! احبك من هنا حتى طلوع الفجر حد النور.. صحيح انك قدر محتوم بس اجمل مقاديري ! احد ربي يحطك له حبيب ومايجيه غرور ؟! وانا مهما منحتك من غلاي اشعر بتقصيري ! ولوطالت مشاوير الطريق المظلم المهجور انا لامن ذكرتك قلت احبك يامشاويري ! |
.. أحمد الجريفاني .. يوم العذارى باجمل الصوت غنّن=نسيت همي .. واستمعت الغناوي يا حلو دق طبولهن يوم شالن=والطار صوته في دجى الليل داوي ما منهن اللي بآخر البيت تلْحن=من يوم شالن .. والقصيد امتساوي كلن تقول لنفسها صوتي احسن =انا اشهد ان اللي هوى الفن غاوي شالن ومالن واستهاضن وطربن=وقبل الطرب باعن رهيف الغطاوي تقودهن سمرا غنوجن تفنّن=حفظت قصيدن ما حفظها ( الخلاوي ) الطار في يدها خطير ايتجنّن=يبكي على الفكّـه ولاهو بقاوي وعلى يمينه نافل الزين والدًن=غرون لحزّات الطرب صار هاوي هي منوتي واللي لها خاطري عنْ=عمهوجتن عوده من الزين راوي في حسنها تخْلف وتتلف وتفتن=مطنوختن تلعب بقلب الهواوي قالت حداهن .. شوفن الفجر بيًن=قالن .. وعدنا الليل لحدن يراوي لا تعبت السمرا .. ولا البيض ملًن=محدن يلوم اللي على السهر ناوي الجوْ طاوعهن على ما تمنّن=ليلة ربيعن ما تجي با المناوي مثل الخشوف اشكالهن يوم صفًن=حول الغدير وفوقهن بدر ضاوي زين العذارى غير لامن تجلًن=ومن يجرحنه ما لجرحه مداوي هن راعيات الكيف والذوق والفن=وهن سبًة جروح الوحيد الشقاوي |
رد: { .. سالفة عشاق , لآتعقد حجآجك لجل عين[ تكرم] ~ كـِـِـِـِـِـِـِل آلمدآين فدوةٍ لـآصبعينك هـ آلكثـر‘‘ آحبك،، آنبسسط حيييل يـآعم ..! شف وش كثر؟! عذآلنـا حآسدينك وطآلع بـ عيني وُآعترف هوبقى هم ..؟؟؟! اكيدلآ مـآدآم عيني بـعينك مـآدآم عيني بـ عينك مـآدآم عيني بـ عينك |
الله يسامح غلاك .. وش أذاكر ؟ دامك بوسط الـ دفاتر ! بالـ حروف , وبالـ محابر لا بديت أكتب أخطّك : من ألف روحك ليائك , ولا انثنيت اقرأ لمحتك بـ أوّل السطر اتمرجح ! واتْعلق في شفاتي : انطقك وألمح عليك شي يشابه لل عتاب ! كيف خلّيتك ثواني ؟ منهو من حقه يشتت فكري ونبررات صوتي ! صحّوتي / سكرة سكوتي ؟ وحدك إنت ال مستقر افـ صبح عيني و ممتلي بي للمساء : ممتلي بي لل سهر , ممتلي بي لل غفى , تارك ال نوم يتمادى .. يترك اشياءه وراي , و مايجيني ! إنت قلّي : وش أذاكر ؟ والـ ورق برواز آخر : يحتويك ! ولا يهدّي لي ( حنيني ) - رزان العتيبي - |
{ .. سالفة عشاق , الشيب هذا الضيف الأغبر زارني ! و الضيف له حقه وله تقدير .. و أنا على ما شفتني يا طير .. مثلك أفزّ من الصدى .. احتاج مثلك للمدى .. للبوح .. للتعبير خذني أبي أتنفس .. خذني ما دام إن المسا عسعس ! .. والدار صارت غير!! يا طير يا رفراف خذني ورى الأطراف .. خذني ، وأنا المسؤول عني .. ولا تخاف ! الحزن من ربعي !! وعشقي من عرفته ما تغيِّر .. في الصبايا ... وللرغيف لحاف .. يا طير يا رفراف ... خذني ورى الأطراف خذني وب أحكي بـ صمت .. للشيح ... للقيصوم ... للعزّاف .. عن قصة غياب المطر ... و عن طعم هالدنيا بدون أنصاف ..!! الشيب .. من جيت أنزعه .. قالوا مردّك للبياض .. وكل شعره بـ أربعة ..!! قلت أربعة ! قالوا كثر جهلك ولا لك اعتراض .. والحقيقة موجهة .. آهـ .. ياهي موجعة !! إنّك تخون الشمس .. و البرد يسريبك ! آه ياهي موجعة !! إنك تشوف مرايتك تفرح بتعذيبك .. ي أنت يا طيبك .. أشغلت نفسك في سراب من البشر .. غابوا .. و دورت العذر لغيابهم ..!! و في غيبتك ما دوروا إلا عذاريبك .. تعوذ من إبليس ومن هالناس ومن طيبك .. ي أنت يا طيبك ! لو لاح لك وجهٍ من الماضي .. تشجع وأصفعه .. أو أمنعه .. ما ينفعك مثلك غبي .. ولا تنفعه ..!! الشيب لو زارك ، وقارك فيه .. حييه .. ثم حييه .. ثم حييه .. الشيب مثل أحلى القصايد .. روعته في مطلعه !! .. طفلة وطاحت من زحام .. قالت : سلام! قلت: السلام نام .. وخليني أنام ! من بعد نوّار العمر وش فايدة كثر الكلام !! قالت : سواليفك عسل .. زدني غزل .. زدني غزل .. ومن يطلب الجنة من أمثالك وصل يا شاعري قم .. واسقني نخب الغرام .. قلت : السلام نام ،، وخليني أنام قالت : ولا قلّ الغلا .. أبيك أنا .. وإن قلت لا .!! ولك ما تبيه من الولا ومن الحلا .. ولا لي بديلك في الملا .. ولا لي مقام ..!! قلت : الهوى عند الخفوق إذا استوى جهل وحرام !! و الشيبتين آخر مشاوير الصبا .. و أول مشاوير الصيام و لا على شايب ملام قالت : سلام .. قلت : السلام .. وي الله عسى حسن الختام - صالح الشادي - |
ودي اشوفك قبل اموت ودي أشوفك قبل يآخذنـــي (( المـــووت )) ما عــاد كثر اللي مضى من سنيني !!! وش حيلتي لا صرت بالقلب منحوت ؟؟؟ خلف الضلوع العوج بيني وبينـــي!!! ما أتحمل بعادك فلا تقطع ((الصووت)) ما تــدري إني صرت أوحيـــك فيني؟؟؟ في ((غيبتــك)) مليت أنا الشــرب والقوت .. والنــوم عيــّـا يحتضــن جفـن عينـــي !!! وأقعــد أنــا في النــاس ((ساكت ومكبووت)) ومن كثر *صمتــي* صــار محــدٍ يبينــي !!! ما ودي تبعــد عن مدايــه ولا تفـــوت ،،، أخاف لحظة أفقدك مـــن يدينـــــــي !!! وأخاف تتأخــر وأنــا أموووت منعوت ،،، من كثــر شوقي لك وكثر الحنينــــــي !!! يومٍ يمروا بـــي وأنــــا وســـط تابوووووت ،، (( قـــدّام بيتــــك )) وأنت تــوّك تجينــــي !!! ما عـــاد ينفع عض ((( عنــّابك التـــوت ))) يــــوم تسمع يقولوا : ** أصبح دفيني ** |
.. الغريب / سليمان المانع .. حديث النهايه عذري خطا .. دام المحبـه خطايـه يامن قسيتي.. قسوة الخوف والجوع الحـب مـن رب المخاليق .. آيـه الحب نورٍ من سمـا الله .. منزوع الحب عندي نزف.. ماهـو هوايـه الحب فوق الكم.. والكيف..والنـوع الحـب.. ياحُبّـي وليـد الهدايـه الحب وعد بمهجة الفجر مزروع وقلبي طفل غاوي .. عديم الدرايـه يطرد عصافير البراءه بـلا طـوع خـذاه حُبّـك وانتهـى بالبـدايـه ونا اغتربت ولا بقا .. ودّ .. وربوع تكفين من شحن العواطـف كفايـه الثرثره في نظـرة عيونـك تلـوع كفى عتب عاقل .. على قلـب تايـه عنه العتب .. ياربة الحسن .. مرفوع ودي .. ابوح بلوعتي .. وبشقايـه الصمت بأيامي سفر غير مشـروع وان صرت بأفواه العـواذل حكايـه فالزين خافي صوت والشين مسموع الله كتـب للـحـب ذل الوصـايـه في مجتمع عن حلو الاحلام ممنوع لو نشتكي .. ما للمشاعـر حمايـه كم ذبْلت ورود وكم طفْيت شمـوع ونفس البدايه .. هي حديث النهايـه بدموع حبيتك .. واودعك بدمـوع |
.. متعب التركي .. لاتنشغل فيني أنا بحالي ادرى قلبٍ تعلّق فيك .. ينسى مع الوقت اكثرمن اللي صارلي .. ويش يجرى ؟ بين الرجـا والياس .. فكري تعلّقت مثلي ولوشفته عن همومه ازرى ماقال ليتك في جروحه ترفقت هاك القصايد لاتضايقت واقرى شف وشكثر فيها لبسماتك اشتقت أثرالوفا ينباع عندك ويشرى ماكنت اصدق فيك .. واليوم صدّقت يامشتهي فرقا المواليف حذرى تبعد وأنا من سكرة الحب مافقت لاطافت الفرصه تحريت الاخرى وتروح .. ماكني عليها تشوّقت ساري لو إن الليل مافيه قمرى اشيل من حمل الهوى فوق ماطقت لاصار حظٍ أقشر .. والايام قشرى مافيه احد عاقل يلومك إليا ضقت صحيح بعض الناس .. فرقاه بُشرى وبعض البشر .. لاغاب لحظه تضايقت ليتك خذيت بليل الاحباب مسرى غرّبت من كثر الطواري وشرّقت السيل يبقاله على القاع مجرى ويبقالك التذكار.. لوكنت فارقت اشوفلك من وين مارحت ذكرى لاشفتها صدّيت عنها .. ودنّقت ماكل جـرحٍ لاخـذا أيـام يبـرى بعض الجروح يزيد شرّه مع الوقت |
.. بندر المحيّا .. فيْ المقهى أربع طاولات .. وفيْ الركن الأقصى طاوله مرمـي عليها الأُمنيـات .. ووحْـده عليها المهْزلـه سالت سواليف البـنات .. وأنا أسترق سمع وَ وَلَه وحـده تقول إن الحياة .. حيـاة لكـن مُعضلـه ووحده تقول إن الجهات .. تشير لـه والبوصله ووحده تقول إن الممات.. أرحـم من أكبر منزله ووحده تقول إن الشتات .. في الحب كل المشكله في الطاوله ذيك، الثبات .. بنت ٍ تهـزّ الأسئلـه في ايدينها النعناع مات .. والكاس في فمها : دَلَه فستانها كـان التفات .. تشعر بحـده فـ اوله وفي يدينها كانت تبـات .. محابس الهـا خلخله قلت: الهوى، قالت: صِفات .. قلت: السهر، قالت: صِله قلت: الظما، قالت: شمات .. قلت : الحقـايق سلسله قامت وفي روحي صلاة .. ومرّت بحلم ٍ ما اجهله وهي تعدّى الأُخـريات .. للبـاب قالـت: سجّله عنواني : إني فيْ الحياة .. فيْ حيّ موتـه مَعْزِلـه اسمي: جنون المُغريات .. عمري : مراحل .. مرحله شهادتي: حزن أمهـات .. وميلادي: أصعب مسأله أسكن ببيت الأمنيـات .. فيْ الشارع ابو الأسئله .. بندر المحيّـا .. |
.. ماجد الشاوي / رد إعتبار .. إمسح الدمعـه اللـي فـوق خـدّك وقلّـي ذي رسايل عـزا .. والاّ دمـوع اعتـذار؟ أحسب إن الجفا اللـي فـات كلّـه تغلّـي طـول غيبتـك .. وأيامي رجـا وأنتظـار أنت .. ما كنت أصدّق يوم ترضى بذلّـي وأنت دايم تقـول إن الوفـا لـك شعـار خـل بـاب الميانـه والمجامـل يـولّـي السـراب اكتشفتـه .. والمفـارق قـرار مافعلته كرامة نفـس .. مـا هـو تَخلّـي غلطة العمر مـا خلّـت بوجهـي خَيـار ريحة الجرح فاحت رفْض .. وأنت امتسلّي ياعديـم الوفـا فـرقـاك " رد إعتـبـار " .. ماجد الشاوي .. |
.. الراحل / عبدالله العليوي ثار السكون وبالسما .. لمعة ابروق زمّة سحابه وامطرت ذكـرياتك هلت مدامع حسرتي وابرض الشوق ابكي جنوني فيك .. واذكـر ثباتك فز النهار وكن هالليل ملحوق والنوم حتى النوم سوى سواتك ياسارق احلامي تماديت بالبوق عني وعن هالوضع طال إلتفاتك ماللحزن معنى .. وماللندم ذوق اللي حصل تعبير عن حسن ذاتك جيتك بقايا حيل في قلب محروق وشلون هدّيت السكون بحصاتك |
.. العاليه .. أحكي بهمسك حبيبي .. توّها تغفى جروحي لا تصحيها ترى تنويمها عندي صعب ليه متأخر حضورك ؟ راحت ايامي وروحي ! لي ثلاث سنين بـ احدادي على قول العرب احرجوني في سؤالي عنك وما اقوى ابوحي كل ما قالولي وينه ؟ قلت .. ماربي كتب ! ايش اجاوب ؟ وانت داري عارف الحال بوضوحي من يصدقني اذا قلت الفراق ابلا سبب ؟! توّها تنزل دموعك ! جعلها تكفير نوحي .. الله يسامحك مابي ادعي بـ لحظة غضب صرت ماضي في حياتي وانت بالماضي طموحي دارت الدنيا و يامـا دارت الدنيا عجب ! خذ جنودك من خفوقي ما بقـا لك بي فتوحي جيشك اللي مارحمني .. بعد ما فاز .. انغلب! لا تجيني ودي تنسى دربي وترحم جروحي خلها تغفى طلبتك .. هذا هو آخر طلب , |
الراحل / فائق عبدالجليل غزاني الشيب مشى كل الزمن و أنا في مكاني غزاني الشيب .. فاتتني الأماني و لاني بالفرح موجود .. و لاني بين أحزاني و مهما الوقت عاندني .. تحداني كأن الـوقت في وقتـي ثواني تغيّر وقت .. وجاني وقت وأنا بعْدي .. أنا ذاتي هروبي استحاله صار بكت في الدرب خطواتي و أسافر للفرح .. ألقاه مأساتي أنا وحدي .. جهاتي كلها ضدي أنا وحدي .. وصمتي يبكي من ردي و غير الصمت .. ما عندي و مهما الـوقت عاندني .. تحداني كأن الـوقت في وقتـي ثواني يا حُب .. يا شوق .. يا ليل العسر راضي بحياتي .. تنتهي أو تستمر وأنا صبور .. و بزرع الدنيا صبر و ان شحّت الدنيا علي بـ فرحه و فيّ و أنا وحيد بدنيتي .. وما عندي شي من ذكرياتي .. اشتري لعمري عمر و مهما الوقت عاندني .. تحداني كأن الـوقت في وقتـي ثواني بصوت أبوبكر ( أتوقع أقوى ) |
رد: { .. سالفة عشاق , مري علي قبل الرحيل مري علي مثل الوفاء مثل الجميل مري علي مري علي ردي حياتي وارحلي مري علي من بعد شوفك ماعلي مري لو الفرقا قدر قولي قدر قولي زماني بك غدر يمكن غدر عذر العيون السود دمعه ماتخيب تمحي الضنى وتجود بالامل الغريب الله وش قبل الجفاء غير الجفاء غير البكاء لك والحنين كان الامل انك تجين وتسألين الله وش بعد الجفاء غير الجفاء الله يعين الصابرين الله يعين |
.. العيون / ضيدان بن قضعان .. ,., يا مرحباً ترحيبةٍ تجـرح الـروح لا نيب قايلها .. ولا نـيب ساكـت تقولهـا عيني وأنا اصد ما بـوح من الزعل وورود الاحباب شاكت باللي لفت عقب البطا تلعن النوح بعيونها لو كان هي مـا تحاكـت عينٍ لعيني تشكي البعـد وتفـوح بدموعها والعين الأخرى تراكـت على الجفون وما لها أي مصلوح سوى رضى اللي في لقاها تشاكت كنت أحسب اللقيا مسرّات وفروح واثـر العيون اليا تلاقـت تباكـت |
.. نسيانك / منصور المنصوري .. ,., خلّنـي أعيش نسيـانك لاتذكّر قـلب مايقـوى مُنيتي من يـوم هجرانك أتصبّر عنـك بالسلـوى مانويت ابـ يـوم عصيانك لا ولا بالعـون لي هقوى كم وكم واسيت بـ احزانك ناسيـ ن لي مهجةٍ تكوى من غلاتك عندي وشـانك قلت حتى الروح لك فدوى عشت مغرم فيك وايمانك بالنهاية تصـد بالجفـوى إعلم اللي صار من شانك والحياة ابـلاك ماتسوى |
{ .. نـذر , ,., اخْـذي فـوادي والعبي به وشقّيه وتصرفي بـه مثـل ما تشتهينـه في غيـر حبّـك مالنـا حاجةٍ فيه لا والذي دخّـل غـلاك بـ كنينه مدامك اول من سكـن في ملاويه نـذرٍ علي انـك اخـر مغـادرينه اخذيه لا قصى غبّة البحر وارميه واقفي .. واذا ناداك لا تجاوبينه خليه يقعد .. جعله القوم خلّيه ارتاح منه .. ومن عناه وحنينه وعيشي سعيده والاسى لا تعانيه وخلي لي النفس الحزينه .. حزينه |
.. مهدي بن سعيد .. ,., هربت من الزمان اللي يسمونه صباح النور وزبنتك يا الظلام وستر مجروح الزمن ثوبه لقيتك ماسمعت احلى النصايح والعتب والشور على زين النهـار اللي لقيت اشتقت لغروبـه تجاهلت الشموس ولاالتفت لنورها المنشور وتلقيت الطريق المظلمه دوب القدم دوبه حسبت خطاي وعيوني مداها للعصى والسور صحيح الشوف لكني خذيت من العمى اسلوبه انا لي بالعمر مبدا ثبت بي والسنين اتدـور ملبسني لبـاس المنتصر .. والنفس مغلوبه يجملني بضحكه في صداها خاطرٍ مكسور يغنّـي في شمالـه واـلدموع تهلّ لجنوبه أنا خصمي زمن واقوى سلاحي حظي المعثور اسـوق به الركـاب محمّله و تـردّ مسلوبـه يعاند غيرة ٍ فيني ربت صدق وثقه وغرور تسامت في زمانٍ يفـرش الهامات لدروبه أدوّر للوجيـه المقبلـه وجهٍ حيـاه يثـور ابي منه احتجاج على الزمان المر وعيوبه تهجيت الملامح والسطور اللي قريت سطور طـريق ودخلتني في قيود الذنب والتوبه تصدّد بي عيوني من حياها والدروب سفور تورينـي وجيه في زوايا الذنب مصـلوبه تقلبها اليـدين العابثه كن اليـدين صخور عليها ذكـريات مؤلمـه بالدمـع مكتـوبه أنا وشلون ابستوطن رحابك ياصباح النور وانا فيني وطن ينزف قبايل دين .. وعروبه |
.. نجيب بطيش .. ،.، عرفنا بعض بالطيّب .. نسيّب بعض بالمعروف بلاش نضيع الطيّب .. نفارق والعوض مخلوف دارينا وضعنا بتفكير .. لقينا صفونا تعكير بلاش نضيّع الطيّب ، بودّي لو تفاهمنا .. وعشنا وضعنا بمفهوم ولكن .. كل شي بيننا .. تعدى الحد والمقسوم أنا مقدّر لإحساسك .. وعارف ظرفك القاسي ولا أنسالك إخلاصك .. على الله ما تكون ناسي دارينا وضعنا بتفكير .. لقينا صفونا تعكير بلاش نضيّع الطيّب |
الراحل / فائق عبدالجليل ،.، أنا اللي يوم تمنّيتك ترجيتك وناديتك أنا اللي قلت لك كل الفرح بيتك تعب صوتي .. ومليتك تعب قلبي .. وخليتك حبيبي .. لا أبد مو انت ذاك اللي تمنيتك أنا آسف .. أنا آسف اذا في يوم حبيتك نثرت الروح في كفك أماني وقلت اطلب .. كل الأرض مفروشه بحناني وكل الشوق سويته اغاني لا انت صوبي ولا يمّي ولا حسيت في همّي جيت الحين ترعاني تصورت الجروح تطيب في لحظه .. وثواني أنا اللي قبلك مضحّي ولا تحتاج حق شرحي تدري يا سبب ياسي وسبب جرحي انت ادري .. انت ادرى ولا تحتاج حق شرحي ايدي اللي كتبت اسمك بدت تمحي .. |
.. سلمان بن بندر .. ,., ابي أنساك ساعدني ابي انسى اي ذكرى .. جمعتني يوم ويّـاك ابي انام الليل .. وارتاح لا صوت يجي يمّي .. ولا ذكرى تعيد اجراح كل ما حاولت ابي اسلى .. يرجّعني لك الماضي .. ياخذني غصب يمّك ولو ما كنت انا راضي .. واتذكّر سواليفك .. وضحكاتك .. وتنهيدك كثر ما شفت من ويّلك .. بظلّ اهـواك حبيبي ويا بعد عمري .. اذا فعلاً في قلبك خير تساعدني على النسيان .. ونتذّكر بعضنا بخير حرام اتعب انا .. وانت بعيد ولا يهمّك شي ابي انساك .. ابي انساك .. ابي انساك |
الراحل .. محمد النفيعي ،.، جيتـك جـراءة سيــف يقْطـر بطولـه جيتـك غـرور وكبريـا .. جيتك اصـرار جيتـك مواقـف بـدو .. تنضح رجولـه احـرار ماتـوا .. مثل ماعـاشوا احـرار جيتـك عصا شيــخٍ تهش الطــفولـه تجتاحني لحظات .. مــاقبل الاعـصار جيتـك شعـر .. كل المـلا صفّقـوا لـه جيتـك قـوافـي حـالـمه مثل الازهـار جيتـك عذر واهـي .. و دمـعه خـجوله نصفي جفـاف .. ونـصفي الثاني امطـار جيتـك عطـر .. و اشفـاه ريحٍ تقــوله للحالميـن .. و تـشعل اهدابهـم نــار الله يرحم الشاعر / محمد النفيعي و يسكنه فسيح جناته .. و يالله الجنّه . |
.. صالح الشادي .. ,., يقولون الصبر .. طيّب و رحمه .. تقول إذا زعلتها .. طيّب و جدّي .. لانشدته كيف حالك ؟ قالّي .. طيّب و أمي .. من شمال الارض لاصاحت وش اخبارك ؟ أردّ ابْساع انا .. طيّب سعيد وخاطري طيّب .. ويا كثر الحكي الطيّب تناسيت الكثير .. وجيت ابذكـر أطيب الأصحـاب لقيت اجحـود .. والتقصير حـارس من وراه ابواب وعـرفت اني اعيش اوهام عمري .. والحصاد اتراب وشفـت ان القمـر لا لاح فجرٍ في عيوني .. غـاب يبيـك اللي يبيـك .. ولا بغيتـه فـص ملـح وذاب و أنا طيّب .. سعيد وخاطري طيّب .. وياكثر الحكي الطيّب .. |
.. العنود عبدالله .. ،.، من ذاكرة عُمري اللي راح من اخر النّسيان جيت ! من حلمي الهارب على حد السّهاد .. أوقظْتِني ! في صُوتك الماضي يمِر ماتدري الماضي عُمر ! هو صدق هذا صُوتك ؟ الصّوت الحزين .. هو صدق هذا إنت ؟ ياغايب سنين |
.. رزان العتيبي .. ،.، لـ الصبح .. لـ أصوات العصافير لـ بكاي لـ أحـلامـي الخجـلى وأنـا وسط عينـه لملمت بعضي جيتـه أركض من أقصـاي بـ يـدي حنيـن .. وذكـريـاتٍ حزينـه الصّمت طـوّل .. وإعتـذاري من أشيـاي فنجـان شـوقي .. غـرفتـي .. والمدينـه الكـلّ فـ غيـابـه تململ من اخْطـاي والكـلّ صـرّخ يـا [ وطن ] فـاقدينـه والضّيق جـاورني حضن خـط ممشاي لين إختنـق من قـوّ دمعـي .. ونيـنه محتاجه أشرح له بعض جـور دنيـاي كيف الضّياع أًصبح لقلبـي .. سكينـه مـن علّمـه يكسـر أمانيـه جـوّاي مـافهّمـه وشلـون جبـر الغبينـه عندي يقينٍ بـ انه .. أكبر خطاياي وإن أبسط جروحي سببهـا يدينـه |
.. خالد الفيصل .. ،.، إلى منّه جفاك اللي تودّه ولا تدري وش الّلي عنك صدّه تجرّع مالح العبرات واصبر ترى كثر الشكاوي ما تردّه والى من الليالي عوّدت بـه تغانم كل فايت .. واستردّه حذار تنشغل بعتاب خلّك ترى كثر العتب يمحي المودّه ليالي العمر لحظاتِ قصيره ومـا ودّعت منها .. لا تعدّه |
.. السامر .. ،.، علّموه إني على عهد الهوى باقي ٍ مادام في عمري مدد ياحبيبي لو يطول بك النوى والله ان أصبر على رجوى العهد حبك اللي من على القلب التوى جيت ابفكّه .. ولكن انعقد لو نحل حالي من الحب الخوى مالي بغيرك من الغالين أحد الشباب اللي من الحسن ارتوى ماحد ٍ مثله ملا عيني ابد خلّك اللي مالقى لجرحه دوى ناظر بوجهه علامات الجهد إن قوى فرقاك .. وإلاّ ماقوى ماله إلا الصبر في رجوى الوعد |
.. البـدر .. ,., مما بروحي .. لـ أزعج الصوت وادعيه غـديْه يسمع صيحتـي .. من عذابـه اللي هجرني .. ما درى ويش أنا فيه أقفـى و قفّـى ما يـرد الإِجـابـه لولا الحيا .. ثوبي من الغبن لـ أفريه وأجـدع هـدومٍ .. ما وقتني حرابـه وأبْكي وأبكّـي من شكى ظلم غاليـه واللي فقد شوف الأهل .. والقرابـه وأصفق بكفٍ وأتبـع الصبـر باقيـه وأقول تكفـى .. واصله حـد بابـه وأجعل ظلام الياس نور الرجا فيـه وأتبع ولو في القاع مغّـوي سرابـه عل الرجا يلحق على الطول راجيـه والا جريح الحب .. يشفـى صوابه |
.. أوهام .. ،.، جيتي من الماضي مثل طيف الأحـلام صوتك مثل طيـفٍ سرى وسط عيني جيتي من الماضي تشيليـن الايــــــام اللي دفعت احسـابهـا من سنينـي أيــام كانت واصبحـت مثل الأوهـام مـا عـاد بـاقي غيـر جـرحٍ دفيني جيتي فرح .. مدري حـزن .. مدري الهـام في لحـظةٍ دمعـي يعـانق يديني كن الدموع اللي بعيني من العــــام في مثل هالموقف غدت تحتريني الله وأكـبر .. من يقـول الهنـا دام شوف عجـايب لعبة الوقت فيني قبل أمــس لاغبتي .. يجي الليـل مانام واليوم صرت استغرب .. انك تجيني نضـحك على انفسنا .. والايام قدّام نحـلم .. ونحـلم .. والحقيقه تبيني |
.. سعد الحريّص .. ، هبّت جنوب .. وطاح برد المكاتيب وياكثر ماهب الجنوب .. وذكرتـه يملى حضوري من حضوره .. وانا أغيب وياما غيابي في غيابه .. حضرته إن جا مطر .. صارت له اضلوعي اشعيب وإن راح ريحٍ .. طيّر اللى بذرته جنّبت لو مالي عن الدمع تجنيب من وين ما هج ابجروحي .. شعرته وا صمتي اللى صار .. بعيونهم عيب وا جرحي اللى لو فضحني .. سترته لي صاحبٍ .. يملي كفوفه تراحيب لولا الحيا من ضحكته .. مـ اعتبرته و ياصاحبي .. ماهي عليّا مقاضيب عذروبي انك .. ذخري اللى ذخرته عذروبي انك .. شوّهتك الاكـاذيب عذروبي انك .. جاك طيب و نكرته إن جيتني بفراق .. زود العذاريب لاجيك انا .. من زود صبرٍ صبرتـه للطير جنحانٍ .. وريش .. ومخاليب لكن يضيّع صيدته .. في اغبرته من جزم نفسي .. يوم صار الردى طيب حلمي قبل لا يكسرونه .. كسرته ومن راح منّي قلت .. يا علّه امصيب دوّرت له عذرٍ كريم .. و عذرتـه للي يبي بُعدي .. انا ماني اقريب إن ماربحني .. والا انا ماخسرتـه قلبي خويّي .. ما لقلبي معازيب اللى حقرني من رداه .. احتقرتـه رغم الجروح اللى بقلبي معاطيب حبيت كفّين الزمان .. و شكرتـه .. :6: .. |
عابرة سبيل .. الله يرحمها ,., العيد باكر .. اسعد الله ممساك والله مدري وين خدٍ .. جلسته وين انت ياللي عيدنا في محيّاك !! كف القدر من ضيقة الخلق .. بسْته من يوم ما لوحت لي كف يمناك لليوم دمعي بالخفا .. ماحبسته ومن يوم ما ذوّقتني حر فرقاك والياس زرعه في حياتي .. غرسته شريت لي ثوبٍ على شان لقياك والثوب راحت موضته .. مالبسته وشريت عطرٍ مازهاني .. بليّاك اربع سنين بعلبته .. ما لمسته ودفتر قصيدٍ كل يوم يترجاك مافيه يوم ماسهرت .. و درسته |
.. عبدالله ابو راس .. ,., ماهي قضية ( فقد ) موضوعي اكبر انا مع الايام .. موضوع ثاني مدري غرقت اشلون وانا على البر وش راح منّي .. وش بقى من اماني !! لاطبت ياقلبي ولا هو غدى الشر برضاك وإلا غصب عنك تعاني مر الزمان اللي عن انياب كشّر ماعاد خلّا .. للبلابل اغاني الى متى و اوراق عمري تبعثر بين الرحيل و بين غربة مكاني كريم ياحزني .. يجي منك اكثر بخيل يافرحي .. وحظي اناني اذا اعتزلت الناس قالوا تكبّر واذا بديت الطيب .. يخسر رهاني العين مخلوقه على شان تسهر والليل جاملها .. وطوّل عشاني يذبل زهر واغصان عمري تكسّر تعصف بي الونّه .. تزلزل كياني لابارك الله فيك .. يالحظ الاقشر اللي على ضيم الخلايق حداني الحلم بعيوني على دمعي ابحر غادر وخلالي عذاب المواني هذا العمر عدّى .. و هذا هو اسفر عن مقتل احساسي .. و صابت حناني |
.. مهدي بن سعيد .. ,., يا غايبه .. لوغبتي الدهر كلّه بيني وبينك يوم .. لابد ياتي كني اشوف ارموشك المستظلّه تضحك تهنيني بلحن اغنياتي ياصامته .. والصمت هذا مذّله الصمت موتي .. والقصيده حياتي جيتي .. وانا اضيّع طريقي وادلّه ورحتي .. وانا متورطٍ في شتاتي عطشان .. والصبّار محدود ظلّه وش لي بظلٍ مايبلل لهاتي خاويت هالعالم على كل ملّه ولالقيت اللي ثباته ثباتي أول قدوم وجيههم .. مسفهلّه والى أدبرت .. صارت بلون العباتي يا غايبه .. لو لي مع الوقت ذلّه عاتبت وجهي لين ترضى جهاتي كنّي صدوق .. وعالم الصدق قلّه ياغربتي ضاع الطريق وعصاتي كنّي ملول .. وذكرياتي مُملّه وشلون اهاجر من زمن ذكرياتي عمري شقاوي.. والفنا غايةٍ له في يوم ميلادي .. سمعت بوفاتي بحر( الجنون ) اللي يخيفك مطلّه انا على شاطيه .. كاتب وصاتي اما غرقت .. ويضحك البحر كّله وإلا نجيت .. وفاخري في نجاتي |
.. عبدالرحمن بن مساعد .. ,., رحل .. إشتاق لجراحـه .. رحـل رحل .. إشتاق لجراحي .. رحـل يحق له .. طيبتـي ماتُحتمـل قليلـه فـي وقـتي الهـمـوم ما كنـت أعاتـب أو ألـوم يحق له مايُحتمل هـذا الملـل أسدلـت أيـامـي لعـنـاده حبيته فـي قُربـه وبعـاده مُتعبـه هــذي السـعـاده رحـل .. رحل اللي حصل .. كيـف أفهمـه ! واللـي رحـل .. مـن علمـه ! من علمـه يهجـر .. إذا غطـى الـفـرح كــل الـزوايـا من علمـه يغـدر .. إذا صـار الوفا نـبـض وحنـايـا مـــــن عـلــمــه يـتـلاعـب بـروحـي مــن علـمـه .. يـمـشـي عــلــى جــروحي مـن علمـه .. يقـتـل فــي أيــامــي الأمــــل من علم اللي إشتاق لجراحه و رحل يا سيدي .. أقسى مـا في اللـي بيجـي ما هو العذاب اللـي ابتـدأ ولا الصدى .. اللي خذا منّي نداي ولا غروبـك .. عـن سمـاي أقسى مـا فـي اللـي بيجـي كـل الحـكـي .. و الأسئـلـه متـى رحـل .. ليـه رحـل ؟ و الا تعـابـيـر الآسى علـى الوجـوه الصامـتـه و الا الـعـيـون الشـامـتـه و الا لعـذول اللـي يـقـول اللي حصـل ماهـو غريـب و اللى يقول .. ماكـان يستاهـل يـكـون .. أغـلـى حبـيـب أقسى مـا فـي اللـي بيجـي إني أقــول .. ( هـذا كـل اللـي حـصـل ) |
.. سعود بن عبدالله .. ,., يا هلا فكرةٍ حنّت .. وحنّ القصيد المزون المشاعر .. و السحايب أنا يا قديم المودّه .. مرحباً بك جديد رد فيني شعورٍ .. كنت أظنّه فنا ولع الشوق جمره .. والهقـاوي بعيد وأعرف إني أعيشك .. في غيابك سنا إلتوى بي غرامك .. صرت عاشق عنيد مايهزه كلام .. و لا يردّه عنا أنهل الحب عمرٍ .. والعمر مايزيد ماتفيد الحسوفه.. لين ضاع الهنا أصعب العمر للعاشق .. نهاره وحيد لين وقّف وناظر .. في الهوى وش جنا ياحبيبٍ نسيته .. بين قلب و وريد في خفوقي مشاعر .. والكتابه أنا |
{ .. نايف صقر , ,., ضعفي محبّه .. لاتحسب اني ضعيف عز الله انه كان لي .. قلبٍ قوي تقول .. لك قلبٍ من الرقه شفيف واقول .. ليته عن عذابي يرعوي لي عام .. قلبي لايهيد و لا يقيف ماغير يلعب فـ الضلوع وينزوي جرحتني جرحٍ علي جرحٍ كليف وخليتني مثل الغريب ابلا خوي تبينا نجلس .. لا يجي هرجك عنيف تبيني اغادر .. غديت إلك جلوي تخاف منّي ليش .. حس اني وليف انا .. ما خاف إلا ان عودك ينذوي ما باقي الا اهديك .. عِرْقي و النزيف و تجدّد الكيّه .. على ما تهتوي عطني الفصول .. و لا يجي فصل الخريف مـ دام عشبك فـ المعاليق .. ثروي و من الثريّا للثرى .. مالك وصيف و لا تنتوصف .. بالكلام المعنوي ثقيل انا .. و اودعتني مثل الخفيف وشلون هذي في حبيبك .. تستوي اضحك علي نفسي .. من الامر الظريف وابكي علي حالي .. من الامر السوي |
| الساعة الآن 04:41. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar
جَميِع الحقُوق مَحفُوظه لمنتديَاتْ بُـوووح الأدبيةْ