سالفة حبك
انا في سالفة حبك نسيت اني معك سلاف = اشوف اطياف عين ٍ ما غفت والنوم كاحلها غدا في ليلها الصافي دليل الساري الحواف = ترام النور دار ما ربت سلما منازلها ولو لف الظلام اطراف صوتك ما عليك خلاف = انا عذال قومك كان ما عينك تعذلها تراء مال الاحبة في جنوب النايفة ميقاف = ولو عليا تغني يا سلامه في مداهلها رمت بحوارها هاك السنه والبادية صياف = لعين اللي خبر سوه بغا يقطع مواصلها يبي منها دليل ٍ يستني به عايف ٍ ما شاف = ورسوله ما وقف دون المفازه لين كملها يقول اني طويت البعد والمشراف بالمشراف = وعلي من النيا غرباتها هوج ٍ مفاصلها شهد حب الثنين الحسو ووشيقر وجال انكاف = وعرق سبيع و البره تناديهم دهاكلها هذا مبدى الغرام اللي تبيه العين يا نواف = تراء عشاق مثلك خيلهم ما تلفح قذلها زما من دونهم حمر ٍ يضايفها السحاب اضياف = تعاف الشقر ماكرها ليا شافت تعزلها |
رد: سالفة حبك مشكورر على القصيدة الرائعة ما اعذب كلماتها وما اقسى تعابيرها تسلم الايادي بانتظار جديدك تحياتي |
الساعة الآن 01:50. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar
جَميِع الحقُوق مَحفُوظه لمنتديَاتْ بُـوووح الأدبيةْ