الرياض









جيت أجدد بعض طيشي يالرياض
.............................لا تلوميني إذا جيتك وله

في قفص صدري (طيور وإنتفاض )
.......................خوف مدري إنشراح وبلبله

شوق بلل جرهد إحساسي وفاض
.......................من شعوري (إلتفات وأسئلة)

يمكن القى في سكيك الحي ماض
....................في وجيه الناس خل ٍ و أجهله

في القلوب اللي تسربلها البياض
...................نبض من نبض السنين الأوله

في عيون العابرات اللي مراض
.................عشق ماضي ماعرف مستقبله

جارةٍ جال الحسن فيها وراض
...................من وصوف البدر فيها أمثله

مرها الصبح وسكنها , بإفتراض
.......................مرت الصبح بنسيم تعلله

من مثل ( ليلى ) , مشاعرها الغضاض
......................من مثل( ليلى ) بقلبي منزله

من يساويها سوى عشق الرياض
...............عشق باقي في ضلوعي أحمله

الرياض

أنفاس

وإحساسٍ

وماض
................تسلب الشاعر قصيد وتثمله

الرياض

مزون

وبروق

ونواض
.................من سماوات السعاده منزله







.

نايف بن محمد