مُنتدياتْ بوُووح الأدبيهّ

مُنتدياتْ بوُووح الأدبيهّ (http://www.booo7.org/vb/index.php)
-   مَـاتْ حُـبكْ وإنتهينَـا ماعلىَ بالِي تجِـينْ !! (http://www.booo7.org/vb/forumdisplay.php?f=32)
-   -   وَ البُكا شايِب غَبينَه , مَاصَرخ [ غَبنَه ] حَشيمَــه ! (http://www.booo7.org/vb/showthread.php?t=3289)

هديل . 06-11-2010 19:32

وَ البُكا شايِب غَبينَه , مَاصَرخ [ غَبنَه ] حَشيمَــه !
 
إعِتِرافْ :
وُمابِقابِي شَيْ !
تِقدَر تعيشَه حَقيقَة .
أو تحاول بس تحيا به دقيقة .
وُمَابِقابي شَيْ !
يستدعي قدومك ..
لا تهندِمهَا هدُومِك ،
ب آتهَندَمْ .. لأجل أشُوفِك ..


ثُم أندَمْ !

إنِّي في ليلة كِسَبتِك !


كيف حالك ؟

هو صحيح أسرجت بالك ؟
يمْ ذكرى جمَّعتنا .. في محطات السنين .
هو صحيح أزريت هَالِك ؟
تنسى طيفي لا حضرتِك في انين ؟
هو صحيح البرد شالك ؟
لـ انتِفَض بِك في غطا صوتي حنين ؟
هو حقيقي .. مابقالك ؟
... غير : أحِبِّك حتّى و إنتِ ترحيلنْ !
وهو حقيقي ..
ياصديقي ،
مَابِقابي شَيْ ! / يحتاج لـ يدين .
زيّ رِمَادة هالسِجَاير ,
اللي يَامَا عصّبَت بِي , من معَناقهَا لِـ شِفاتِك كل حين !
قُول : إففففْ | قُوووم : هِفْففف !
بـ أتِناثَر برّا صدرِكْ ,
... يِمكن ألقَابِي سِنينْ .
تقدر تعيش انتثاري ، وأتلملم فيها وحدي مع ظلالك .
... يِمكن ألقَابِي سِنينْ .
تشبه آهات انكساري ، وأتجاوب فيها وحدي مع سؤالك !
... يِمكن ألقَابِي سِنينْ .
ماتمانع إنتظاري ، لـ إنكِسارك في وسَط عين إحتمَالِك .
لمَا تِصحَى لـ يُوم دوني , ماني حُولَه ولا قِبالكْ !
وقتَها شِ ودّي أشوفك ...
.

كيف حالِك ؟
دون حسِّي كيف حالِك ؟













... يَاترى لِسّى حَزين ؟





‎‏



‎‏

... :



كِيفَ أصِيحِك ؟
والدموع اللي تسولف عن غيابك .. ما اذْخَرتنِي !
طاحت تنادي رجوعك ..
ما افْهمَت إني عنييدة !
ما افهمت إنّ إنكساري لُو وصل بي للحديدة !!!
ما اتِسنّد غير .. مَتنِي !
كِيفَ أصِيحِك ؟
والحكايا عن تفاصيلي بدونك ..
تستريحك !
موت وِ إسهَابَة وَهَم ،
لبِّستني في وِفاتي , حِفنة أحزنا وُ نِدمْ .
و إدفَنَتنِي , في عيُونِك ..
اللي مِن صدّت | صِباحِي ارتِبَك عتمَة و غَمْ !
كِيفَ أصِيحِك ؟
وَ البُكا قصّة قديمَة , جَنب قصّتنا الأليمَة !
وَ البُكا حالَ الضعِيف , و أكبَر أكثَر من غَرِيمَه !
وَ البُكا صدر اليتِيم | اَللي توفّت بَه يتِيمَه !
وَ البُكا حيلَة حَزَانا , حِزنُهُم أبلَج عتيمَه .
وَ البُكا شيطان أخرَسْ | صُوتَه وَسواسَة رجِيمَه !
وَ البُكا طِفلَة أماني , تِحضِن الشارِع وُ ضِيمَه .
وَ البُكا شايِبْ غَبينَه | ماصَرَخ غبنَـه حَشيمَه !
وَ البُكا رجواااااااااااااكْ , لكِن رَجوتِك هذي حريمَه !
كِيفَ أصِيحِك ؟
وَ أنتْ مابقّى غِيابِك وَرد أزيِّن بَه , ضرِيحِكْ .
كِيفَ أصِيحِك ؟
وَ الصِياح اللي بَغيتَه , صااااااحْ مِقسِم مايبِحِكْ .












إقتِرافْ :
قوم أموتك ..
دام بُكره جاي دُونِك | ما أبِيني !
ودامها صارت .. مِفَارَقْ !
روح يالله ،
و إحفره قبري بيدينك .
لا .. تجيني !
دام في يدِّكْ غياب ، وعينك تشيل التذاكر !
ما أرِيدِك | ما أبِيني ,
كِلّها واحد مادامِك | هذي الليلة مِسافِر !
و إلاّ تدريِ ! قُوم أعيشِكْ ,
قبل أمُوت فِ بُكره بعدِك .
قبل هذا الليل يِهرِبْ ,
و اختِنِقْ بَه صُبح صدِّكْ ,
اللي أَهديتَه عيُوني | وطَشّها لأعمَى غِيابِك .
أو أقُولِّك , قُوم أصيحِك !
خَلنِي أرسِمنا بـ دمُوعي ,
واحِد وُ وَحدَه حَزينَة ,
سَابهَا لـ حزنَه و سافر , ما سأل فِيها وُ فكَّر .
كيف تِتصبَّر صِيااح , وحِزنَها مع جَرحَه يِكبَر !
قُوم أحَمْلِكْ .
وَ أنجبِك | لأسوَد صبَاحِي !
ذاكِرَة تشغِل فراغَه , قَبل أزاحِمه بِـ صياحي !
اَللي يَشكِيك لـ شرُوقَه : كيفَ أَبنسَى يا صِباحِي ؟
قُوم أبِيحِك ,
مِن جريمَة إنِّي عِشتِك , وَ أنوي الليلَة : أمُوتِكْ !
هَاااات يدِّك . خلنِي أوشِم فيهَا حِزني .
هـااتَ أبكتِب : كِنت أعيشَه يا مَدينة , بَس مِسافِر !
يَعنِي لازِمني أمُوتَه | قَبل " إ " يغادِر يا مَدينَة !
خبِّريهُم ماهُو ذنبَه , خبِّريهُم لايمينَه .
ذنبَه إنِّه ناوِي يِرحَل , ماهُو ذنبَه يا مَدينَة .








سَما . 06-11-2010 19:40

رد: وَ البُكا شايِب غَبينَه , مَاصَرخ [ غَبنَه ] حَشيمَــه !
 
بـ أتِناثَر برّا صدرِكْ ,
... يِمكن ألقَابِي سِنينْ .

كِل شَيء هِنا يوجع / كل شيء هنا يصيح
معقولة به ألم هالكبر ,

لن تفي كلماتي المُتعبه هذا القلم حقة ,

أصبتِ داخلي وبقوة ياهديل :2:

ديمه 06-11-2010 21:53

رد: وَ البُكا شايِب غَبينَه , مَاصَرخ [ غَبنَه ] حَشيمَــه !
 
وبعد سنين من غيابي ...اتمنى اعرف,,!
هو صحيح بعدي الهوى زارك ..
وشنهي آخر اخبارك ..
وبعد ...!
اول ليله من بعد ك حلفت لأقضيها اخونك..!
وبعد سنين اعترفلك..! ماقدرت !!

هديل
إن القلوب يلوكها الوجع/فخافي الله في احرفك وفينا ,,
يكفينا وربي يكفينا

مذهلة واكثر:10:

عبدالعزيز عبدالله 07-11-2010 03:03

رد: وَ البُكا شايِب غَبينَه , مَاصَرخ [ غَبنَه ] حَشيمَــه !
 

لا .. تجيني !
دام في يدِّكْ غياب ، وعينك تشيل التذاكر !
ما أرِيدِك | ما أبِيني ,
كِلّها واحد مادامِك | هذي الليلة مِسافِر !

,

ما قلت لك إنك مصيبه !!؟
: )

ســـاره . 07-11-2010 18:57

وَ البُكا شايِب غَبينَه , مَاصَرخ [ غَبنَه ] حَشيمَــه !
 









أنا مصدومة ,
يـلعن : الجرح / وسنينه / و : هو ..



هديل .. !
لحظة .. قبل أقول أي شيء .. ’
لحظة ,
والله إني دآريه بلقاني هنا ...













ما أعرف من وين ابدأ .. , قريتهآ حرف حرف .. بس عجزت
وش أقول .. !
بس ..... أووص ’

برجع / لو قدرت أوفي هالـ نبض حقه / يآ دميره :10:





أميرة الخالدي 08-11-2010 17:47

رد: وَ البُكا شايِب غَبينَه , مَاصَرخ [ غَبنَه ] حَشيمَــه !
 
,




تدرين يا هديل ..
فتحت الماسنجر وحصلت رابط القصيدة من سمآ ..
ومن ذاك اليوم والكلام بصدري , ماهو راضي يطلع ..
لكن اليوم حسيت أني أحتاج البكا وجيت هنا من جديد .. :)

وبرجع مره ثالثة وأكتب الرد اللي يليق ..

وَنَّـة خَفوقْ، 15-11-2010 10:56

أبجديـ ة مشاعِر ،
 


هديل :
كُلما قرأتُكِ أشعر أنكِ تعديتي ب أبجديتُكِ الثمانيـ ةَ وعشرون حرفاً الفقيره في أبجديات لُغتُنا ,
أنتِ أبجديـ ة مشاعر مُختلفـ ه وأكثر يَ هديل ,:2:


تاج 15-11-2010 14:17

تجاوزت الجمال
 
هَاااات يدِّك . خلنِي أوشِم فيهَا حِزني .
هـااتَ أبكتِب : كِنت أعيشَه يا مَدينة , بَس مِسافِر !
.
.

مؤلمة!
طيب واللي رحل وترك قلبه في مدينة؟!

هديل :10:

-شعرتُ بكمية ألم الرحيل هنا وأكثر

صَمتْ الرمَـال } 15-11-2010 21:23

رد: وَ البُكا شايِب غَبينَه , مَاصَرخ [ غَبنَه ] حَشيمَــه !
 


هل تعلمين ماهو السر ، الذي يجعلني استنشق الكثيرالكثيرالكثير من الهواء
لأستطيع أن اصلب حرفي هُنا ..؟




هديلي / :10:





الحوراء 19-11-2010 20:46

رد: وَ البُكا شايِب غَبينَه , مَاصَرخ [ غَبنَه ] حَشيمَــه !
 
هديل يا هديل
ماذا أبليتي فينا ؟؟
يالاجرح كهذا ... وربي في الصميم يا هديل

سأتردد هنا ..

هديل
:10:


الساعة الآن 16:07.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by Support-ar
جَميِع الحقُوق مَحفُوظه لمنتديَاتْ بُـوووح الأدبيةْ

Security byi.s.s.w

 


Search Engine Friendly URLs by vBSEO 3.6.1