الإهداء : لِـ ذائقة العذبة هديل الجرح ! :6:

الحمد لله أشتعـل عـود كبريـت ،
................... أحرق قناع الزيف والكذب والـزور


بانت حقيقة وجه ، وجه التوابيـت ،
...................راح الظلام بدنيتـي وأرسـل النـور


كان العشـم أكبـر ويامـا تمنيـت
...................أن الصداقة مـا يجـي يـوم وتبـور


وأن الوفاء ما هـو مجـرد أتيكيـت
...................وأن القلوب اللي عطت صدق وشعور


مـا يـوم تجـزا بالجفـا والتناهيـت
...................ولا تمـوت آمالهـا دون دسـتـور


يا كبر صدمـات القلـوب المفاليـت
...................يوم أنها ما تسمـع الـراي والشـور


بسم الصداقـة بانيـه داخلـي بيـت
...................والبيت صار اليوم خالـي ومهجـور


سألت نفسي حايرة ويـش سويـت
...................وش ذنبي أجني شوك وأقـدم زهـور


وش كثر أنا قدمت وأرخصت وأعطيت
...................طبعي كذا ماحب يجي منـي قصـور


أنـا علـى نهـج الفضيلـة تربيـت
...................ماني من اللـي تاخـذ أيـام وتخـور


يوم أنها صـدت أنـا عـاد صديـت
...................ما عاد له في داخلـي أيـت حضـور


هقيتهـا مثلـي ولكـن تمـاديـت
...................في هقوتي/ ياجرح الأصحاب مشكور


كشفت لي قلـبً كرهتـه ومليـت
...................من سيرته حتى غـدا اليـوم محقـور


كانت قليلة ذوق وإحساسهـا ميـت
...................كانت تمثـل وأتقنـت فعـلاً الـدور


جت تزرع بقلبي حقـول الدناميـت
...................يوم الصداقة كلها جـور فـي جـور


لكن على كل حال شمت وتساميـت
...................هذا وأنا مانـي مثـل باقـي الحـور


و الحمد لله أشتعل عـود كبريـت ،
...................أحرق قناع الزيف والكذب والـزور

سـَ تذهبين مع الريح

بعيداً بعيداً !!