مُنتدياتْ بوُووح الأدبيهّ - .. [ جرحي يناديك ] ..

مُنتدياتْ بوُووح الأدبيهّ (http://www.booo7.org/vb/index.php)

- - .. [ جرحي يناديك ] .. (http://www.booo7.org/vb/showthread.php?t=3449)

.. [ جرحي يناديك ] ..

,

مايحس بالجرح إلا من يعانيه ..
هذه القصيدة صوت من القلب لعلها تصل ..

قلت الوداع , وهلّت العين تبكيك
ترجي رجوعك والجمر فوق خدّي

تعال واسمع صوت جرحي يناديك
يمكن تروف بحال حظ امتردّي

كلي مواجع فوق هذا اداريك
رغم اللي قالو ضد روحك وضدّي

يغيظ حسادي وجودي حواليك
وأقول روحوا ما انتم اليوم قدّي

اشرد بذهني وعين قلبي تناجيك
ياكيف ابشرح زود حبي وودّي

لاموني خلق الله وزدت بتبليك
تكفيني اللوعات ما عاد أبدّي

اهدم حواجز وانت تبني مبانيك
كنك تحرض بي عنادي وصدّي

خلاص يكفي ماجنيته بأياديك
تركت حبك عقب ماهو بيدّي

مهما تقدم لي من أعذار ماضيك
بغض طرفي عن زمان متعدّي

واليوم تكفى ابعد الله يخليك
أخاف كرهك غصب ماهو بودّي

ولا ضاق بالي وحنّ هالصدر يبغيك
بمدّ شوفي في مدارات مدّي

ودّي أهاجر فيك وأدفن أمانيك
وأسابق الخطوه على درب جدّي

ماعاد ينفع هالصبر مع تغلّيك
ولاعاد تتحرى اذا رحت ردّي

رد: .. [ جرحي يناديك ] ..

حزن وعتاب مستوطن داخل هذه الأبيات ،، نقل لنا صورة واضحة إبتدت ب ( قرب ) وإنتهت بـ ( فراق )

قلت الوداع , وهلّت العين تبكيك
ترجي رجوعك والجمر فوق خدّي

جميل جداً هذا البيت ،،

ماعاد ينفع هالصبر مع تغلّيك
ولاعاد تتحرى اذا رحت ردّي

-
نقلـة جميلـة ، من بدايـة الأبيات إلـى نهايتها ..

لاهنتِ وصح إلسانك

رد: .. [ جرحي يناديك ] ..

تبرعين بالغناء شعراً رويدا رويدا :)

رد: .. [ جرحي يناديك ] ..

جداً جميل ورائع ماقرأت هنا ياأميره صح لسانك ..

تحياتي لك ..

رد: .. [ جرحي يناديك ] ..

لم ارى حرفا يتلحفه البياض ويتنفسه الخلود كحرفك
رائــعــه بـــروعـــة حــضــورك
وارجوا ان تقبلي اعجابي بما يكتب قلمك

اختك نسيم اليل