قلت لازم يردون ! وين مني يروحون ؟ يردّون .. يردّون هذا طبع الـ يحبّونْ *

بكل مطرح اْنْمرّه
اغرس على الحيطان
" اهنانا مريت "
بلجن يمرون
وانْ شمّو
الريحه
بَلْجَنْ يحنّونْ
بَلْجَنْ يعرفونْ
مـَ اْتْغيّرينا
لوْ شيّبينا
وعلى مينْ
نتغيّر ؟
وْ هْمّا لحمْ هالوِجْه
وآنا بِنِتْهُم
ظهري سندهم
لوْ اْكْسِرُوا
راسِي
لوْ مَرْمِطًو
باسي
مَالِي بِدا عَنْهِم
لوْ بدّلونا !

رمشجْ سعف سِدره
ذاوي يبيله شيل
ما قدّروه اهله !
ما ترحمي حالج ؟
دمعج مِلِِحْ حَامض
ماصخ يبيله هيل!
ماهيّلوه أهله !
ما تذجرين الله ؟
لا تودرينج
قلبج عميْ مَيْشوف
لاتودّرينه
لا تفضحينج
كل هالعيون اتشوف
لا تفضحينه !
باين عليج موادعتهن
وليفينج الغالين مهاجرتهن !
غلّي حزن روحج
لا تْمَضْمِضِينَه
لا ياصل ليُوفج
مِنْ تِبلِعِينه !
مَحّدْ يسَلّف عُمر
لا اتْسَلّفينه !
غلّي ورى ظهرج
خَلْ يِسْتِوِيْ ظهرج
لا اْتْكبِرِينَه !