|
الشاعر الراحل : عبدالله بن عبدالعزيز العليوي أظن أن البعض لا يخفى عليه اسم الشاعر الحزين : عبدالله العليوي ..وجداني من الطراز الأول , قدم لجمهوره كل إحساس مرهف .. يختار ألفاظاً مزلزلة تناسب حشرجة الموت التي يعبر عنها بسبب شدة الوجد التي تجعله بين برزخ الحياة والموت أنا من أشد المحبين لهذا الشاعر الكبير رحمه الله عليه .. لذا أنا سأكتب عنه كل ما أعرف , وأتمنى أن يكون قد المقام .. * العليوي هو أحد شعراء مدينتي , مدينة ( عنيزة ) .. - ولد الشاعر عبد الله بن عبد العزيز العليوي عام (1373هـ) "رحمه الله" في مدينة عنيزة ، وتلقى تعليمه الإبتدائي والمتوسط في مدينة عنيزة .. وتخرج من ثانوية عنيزة العامة من قسمها الأدبي , ومن ثم التحق في بداية عمله الوضيفي بأحد البنوك الوطنية (البنك العربي) .. وبرز رحمه الله كلاعب كرة قدم في النادي العربي في عنيزة إلا إن موهبته سرقته من معشوقة الملايين .. - حصل على جائزة القصة القصيرة على مستوى المملكه العربية السعودية في منتصف التسعينات الهجرية ، وجاءت تحت عنوان ( لمحة وفاء ) وتدور فكرتها حول قصة شاب يتيم تبرع بكليته لشقيقه اللذي قرر الزواج . - عمل مشرفاً ثقافياً في النادي العربي ، وكان شعلة نشاط وحماس ، فحقق ناديه في ذلك الوقت العديد من الإنجازات الثقافية سواءً داخل منقطة القصيم أم خارجها . - عمل في القطاع الحكومي في مديرية الزراعة والمياه في عنيزة قبل أكثر من سبع سنوات إلا إن معاناته مع الفشل الكلوي أجبرته على الاستقاله قبل أن يكمل عامه الثاني . - تم تكريمه من قبل فرع جمعية الثقافه والفنون في منطقة القصيم بصفته شاعراً مبدعاً ومثقفاً بارزاً في المنطقة . -صدر له أول ديوان مسموع بصوت الأستاذ (محمد الرشيد) وأيضاً صدر لـه أول ديوان مطبوع جاء تحت عنوان ( بقايا شوق ) ضم أكثر من (72) قصيدة , وله ايضاً محاولات في الشعر الشعبي الحديث . - وتغنى له الكثير من الفنانين أمثال ( عبد الله الصريخ ، سلامة العبد الله ، حمد الطيار ،فهد العبد الله ، رباب ، سليمان الهندي ، خالد عبد الرحمن ، صالح الجبري ) - في بداية شهر شوال للعام الهجري (1424هـ) صدر لـه ديوان مسموع ومرئي بواسطة أقراص ( سي دي ) وشرائط ( الكاسيت ) و ( الفيديو ) . وضم هذا الإنتاج المتميز أكثر من عشرين قصيدة ، وقد أعده وأشرف عليه الشاعر : يوسف بن محمد المطلق ، وقام بهندسته الصوتيه والمؤثرات الشاعر : علي بن مد الله المد الله .. والقاه : إبراهيم بن علي الصيخان ، واخرجه فيديو : عبد الله بن محمد الخيفان ، وحيث قدمة هذه النخبه من الأسماء هدية جميلة للشاعر عبد الله بن عبد العزيز العليوي قبل وفاته " رحمه الله " بشهر ونصف تقريباً وعند عرض هذا العمل المتميز عليه ومشاهدته له ذرفت عيناه واكتفى الشاعر عبد الله العليوي بعد الموافقه في طرح هذا العمل بطبع قبلة حانية على جبين من قدموا لـه هذا الإهداء والإنتاج المتميز . * وفاته : يوم الخميس الموافق 2/11/1424هـ في تمام الساعة الثانيه وخمس واربعون دقيقة .. بعد معاناة مع المرض , رحمه الله واسكنه فسيح جناته * قالوا عنه : ـ رفيق دربه الشاعر سليمان السلامة يقول : أن الفقيد كان يرغب البعد عن الاعلام وبحكم قربي منه تأتي عروض كثيرة إليه من وسائل الاعلام وكان يرفض المشاركة ولقد تعلمت منه الكثير .. ومن المواقف الذي يذكرها الشاعر بإنه زار الفقيد أول مرضه واسمعه القصيدة التي قالها فيه : ياشـقـيـق الـــروح روحــــك لـوتـطـيـح كان طاحت من همومك من سنين يــامــروض هـــــم وقــتـــك مـاتــريــح ولـلأســى والـضـيـم راســـك مـايـلـيـن شــامــخ بـالـصـبـر عـيـنــك مـاتـبـيـح دمـعــهــا للهم لـــــو قـلــبــك حــزيـــن حظـك الـلـي بالسـعـادة لــك شحـيـح عــلــمــك تــصــبــر وبالله تـسـتـعـيــن صـرت مــن هـمـك بهـمـك تستـريـح مـثــل نـبــت بـلافــح الـصـحـرا مـتـيـن شامخٍ في وجه شمـس ولفـح ريـح ماثـنـاه القـيـظ مـــع طـــول السـنـيـن يقول : عندما وصلت للبيت الرابع انخرط بالبكاء وفضلت بعدم اكمالها وخرجت من عنده ابادله البكاء ببكاء . وأيضاً أشاد على شاعريته , كبار من كبار الشعر الشعبي ومنهم : الشاعر : عبد الله بن ناصر الرشود .. الشاعر : محمد العثيم .. الفنان : حمد الطيار .. الشاعر : عبدالعزيز السناني وهو صاحب قصيدة ( لا تشتكي من جور الايام للناس ) الفنان : عبدالله الصريخ .. |
رد: الشاعر الراحل : عبدالله بن عبدالعزيز العليوي , * ابيات رثائية فيه رحمه الله : الشاعر سلميان السلامة الذي قال فيه: ماعابني دمعـي علـى الخـد لـو جبـت عـلـيـك دمـــع وســــم بــخــدي أحــــدود ياللي عليك الدمع لو فـاض ماعبـت عيـنـي ولـكـن الصـبـر طـبــع مـحـمـود الـمــوت ماغـيـبـك عـنــا ولــــو غــبــت ذكرك علـى صفحـات الابـداع موجـود أرجـــي عـســى ربـــي كـثــر ماتـعـذبـت يرحـمـك بالجـنـة عــن ايـامـك الـسـود مـاطـابــت الـدنـيــا بـعـيـنــك ولا طــبـــت مايوم في ساعـة فـرح كنـت محسـود اول حـيـاتــك فــــي هـمـومــك تـغـربــت واخــــر حـيــاتــك مـابــقــى لـلـعـنــا زود دنــيـــا الـشــقــا ودعـتــهــا مـاتـطــربــت مـنـهـا بـغـيـر الـهــم والـحــزن مـــردود صـديـت عــن قـاصـي ودانــي وجنـبـت وقـتــك مـعــزة مـاهــو بـرغـبـة صــــدود وتــركــت هـالـدنـيــا لـغــيــرك وغــربـــت مـالــك مـحـاسـيـفٍ ولا شــــئ مـفـقــود عسى العوض ياللي من الهم شيبت فـــي جـنــة الـرحـمـن وبــظــل مــمــدود وقال الشاعر بندر المحاسن : يــا الله يـالـلـي بـخـافـي الـقـلـب تـعـلـم ارحـــم عـيــون تــالــي الـلـيــل تـبـكـيـه عــســاه فــــي جـنـتــك فــايــز بـمـغـنــم عسى المرض تكفير ذنب مشى فيه وقيل فيه ايضاً بعد رحيله : تمـت سنـه علـى رحيلـك ومـوتـك أمـنـت بالله كـنــك أمـــس مـتـوفـي فقدت شوفك عقب فقدي لصوتك والـدمـع عـيـا (يالعلـيـوي) يـجـفّـي الـحــكــم لله والـمـصـيـبـه بــفــوتــك عجزت لا أنسى كفك اللـي بكفـي |
رد: الشاعر الراحل : عبدالله بن عبدالعزيز العليوي |
رد: الشاعر الراحل : عبدالله بن عبدالعزيز العليوي http://www.youtube.com/watch?v=5yqUA...eature=related في هذه الأيام أنا أعيش التفاصيل :) على الوفا والصدق هلّت دموعي |
.. قضى العمر ياظالم .. عندما يكون الحديث عن سيرة أول من أدخلنا عالم الشعر .. لا بد أولاً .. أن ندعو له بالرحمة والمغفره وأن يسكنه فسيح جناته .. ( اللهم أرحم عبدالله العليوي واسكنه فسيح جناتك ) ومن ثم نكمل الحديث عن أجمل ماقدمه للشعر الشعبي .. معاد فيني يازمن ماتهدّه .. ابعدت خلّي يازمن وش خليت وذكرى مرور 8 سنوات على رحيل ذلك القلب الطيّب .. يالله الجنّه يابو سليمان . لازلنا نردد بعض قصائده الخالده ب ذاكرة الشعر .. الله يرحمك يافقيد الشعر ويسكنك فسيح جناته .. الحديث يطول عن شاعر أدخلنا عالم الشعر ورحل .. ولكن سوف نخلّد في هذا الموضوع أجمل ماكتب .. يرحمه الله . .. قضى العمر .. قضى العمر يا ظالم وأنا أقول عنك اقفيت والا شفت زولك بالصدف .. هلّت اعيانـي مشى القلب في ظلك يباريك لو صدّيـت ولو عفت حبك يوم .. مـا عفتـه الثانـي أنا ما قويت أنسـى حنانـك ولا ظنيت سألتك بربـك .. ويـش كلفـك نسيانـي ؟؟ وأنا أشوف زلاتـك .. بعينـي إلا زلـّيت وش اللي يفيد الشوف والقلب عميانـي أخذت العزاء مني ولا قلب لـي خلّيـت وأنا من هواك اليـوم حبيـت حرمانـي عطيتك حياتـي يـا قمرهـا ولاردّيــت أبي منك لو نظرة ترى هجرك أشقانــي أبي قلبك القاســي وراضي بمـاسـويّت تعاتـب .. وتجرحني .. وتامـر .. وتنهاني لك الحب مشاني أنا في هـواك إبليــت أحبك .. ولـو صديـت يـا كـل خلاني |
الشوق .. .. الشوق .. لولا غيابك ياهوى النفس ما ضاق صدري ولا بانت بنظراتي الشوق لي قلب مثلك واسهر الليل واشتاق غيرك فلا والله تمنيت مخـلوق بينـي وبينك خطـوة الرجل تنعـاق حسبي على اللي صار من بيننا عوق اجرح وقلبي لك على الطول منساق رمشك ملكني وساقني للهوى سوق كمّل جمـالك والي العرش بأخـلاق حتى الجروح اللي تجي منك له ذوق كيف انتهت ذيك المشاوير با فراق العام الاول كانت احلامنا فـوق |
.. وجيه الغدر .. وجيه الغـدر عفت أنا الدنيا إلا جار الصديق كل واحد صار بالشكوى يضيق من يدوّر له بذا الغابـه رفيـق ينقضي عمره ولا يلحق منـاه دمْعتي تجري ولا أحدٍ لي بكـى عندهـم شكواي ما تلقى صـدى ياوجيه الغـدر وين أهل النـدى أبْعدوا عنّي ترا عفـت الحيـاه كـم انا مخـدوع فيكم من سنين عشت أنا المظلـوم وأنتم ظالمين ليـه خفاياكـم ورا تـوّه تبيـن يوم دار الوقت وأظهر لي رداه كنت أشارك في همـوم الكل منكم كـم تمنّيت أحمـل الضيقات عنّكم لـو دريت أن الوفـا وهم بنظركم ماقضى عمري وأنا أزرع في صفاه |
.. وداعك موت .. ,., وداعك كيف ابتحمـل وداعـك وداعك موت .. يا كل الحبايب دخيلك لا تلوّح في ذراعـك ترى قلبي بنـار الشوق ذايب دخيلك قبـل ماتطوي شراعك منين الصبر قلّي وأنت غايب على الفرقا وأنا أشوف اندفاعك وأقـول الله يادنيـا العجـايب شريت الـزين ياقلبي وباعـك وراح اليوم وجروحك عطايب نهايتنـا بكلمـه قلتهـا لك وداعك موت .. يا كل الحبايب وذكرى مرور 10 سنوات على رحيل الشاعر / عبدالله العليوي ( رحمه الله ) |
الشاعر الراحل : عبدالله العليوي ( رحمه الله ) ،.، مع زمـاني لا تحـاربني بـ صدّك خلنـي بالعُمـر أضحك لـو ثواني كـان لك قلبٍ على غيـري يحـدّك وش ترى في قلبـي اللي لك حـداني ؟ بالجفـا يـا صاحبي عـدّيت حدّك ما وصلني منك يالغـالي كفـانـي اشتكي لك .. لا تعـذبنـي بـردّك لا تصد أرجـوك .. يوم الله بلانـي ليت حـبٍ ضـاع للـذكرى يشـدّك تذكر انك صرت ضدّي .. في ثواني ليتنـي مرتـاح من قلبي .. و حبّـك ليت لي يـا زين مثلك .. قلب ثانـي |
: الشاعر الراحل : عبدالله العليوي ( الله يرحمه ) ،.، ودّي ابْـشوفك .. يا مطـوّل غيـابك بَعـدك علي الكـون .. ياعزوتي ضاق أسهرت عيني .. في رجاوي كتـابك يمكن يهـدّي بين الاضـلاع خفّـاق جفت غصون القلب .. و ابطى سحابك للموت روحي .. ياهوى البال تنساق ناشدتك الله .. لا يخيب الرجـا بـك عساك لي يا مـالك الروح مشتـاق قلبي معك .. لو تجرحه في عتابـك لا شك من دونـك خطاويـه تنعـاق يـازين قلبـي من هـواك التجى بك لاتجـرحه زودٍ على جـرح الاشواق |
:الشاعر الراحل : عبدالله العليوي ( رحمة الله عليه ) ،.، قلبي لقى غيركـم .. شخصٍ يهلّي بـي يشفـق علـي .. وأنـا بالحيل مبلي به أرجـوك لا تعتذر يكفينـي اللي بـي والله يسامحـك منك العـذر مالـي به مـن واهجٍ بالحشـا شقّيت أنـا جيبي ومن لامني بالهـوى .. يصلى لواهيبه لـولاك للنـاس ما بـانت عـذاريبي يا مـا تجاهلت حبّـي وأنت تدريبـه يـوم أنت مـرتاح في همّي وتعذيبي ماقلت لك يـوم تفقدنـي وتبكـي به يـازين .. ماشـوف لك عندي مطاليبي حبّيت غيرك .. و حبّك ويش أسوي به ؟ |
الشاعر الراحل : عبدالله العليوي ( رحمه الله ) ،.، لـو تلتفت ياناوي الصدّ وتشـوف تلقى بـدال افراقنا .. حـل ثاني يشدّني حبك .. و يبعدني الخـوف ضيّعت في رجوى حنانك زمـاني حاولت أصوّر ماخفى عنك بحروف لقيت حبّك .. فـوق كـل المعانـي أنـا على قـربك شفوقٍ وملهـوف أقْبـل وتبعـد خطـوتك عن مكاني اللي بقلبي لك من الـودّ معـروف حسيبـك اللي في هـواك ابتـلاني يا قلـب ماظنّك على ذاك موقـوف بليت باللي بـاعنـي مـاشـراني |
الشاعر الراحل : عبدالله العليوي ( رحمه الله ) ،.، لو طال صبري يا هوى البال .. له حد مـاودي إنك توصل الصبر .. حـدّه رسمت لك شكـواي .. والدمـع يشهد عقْبـك خطيـر القـلب .. ينباح سدّه كيف أحتمل ياعزوتي عيشـة الصد أعطيك روحـي .. والشقـا لي تمدّه حاولت كتم الشوق .. والشوق يشتد أرحـم رحمك الله .. تـراني بشدّه لا تجرح المشتاق .. في قاسي الرد قلبي عن الفرحـه معـك لا تلـدّه قلبي معك .. والله ماخنت لك عهد ليت الحنان اللي مضى لي تـردّه |
الشاعر الراحل : عبدالله العليوي ( الله يرحمه ) ,., يـاللـي تناسيت العهـود الـوثيقـه ماعـاش من قبـلك بدنيـاه مرتـاح لابـدّ مـن يـومٍ وتلقـى الحقيقـه وتشوف لوعات الزمن كيف تجتـاح وتعـود لي طيرٍ مضيّـع فريقـه وأقـول يا غدّار عهد الوفـا راح تغيّرت حتى الوجيـه الصديقـه والقلب الأبيض أصبح اليوم سفّاح يا ما تحمّلت الجـروح العميقـه والشوق بعيوني الا أقفيت فضّاح فيما مضى روحي بحبك غريقـه مثل السفينـة بالبحر دون مـلاح واليـوم أنـا قلبي تغيّر طـريقـه مايرجع الماضي بالأعذار يا صاح في خاطري .. عبـرات همٍ وضيقه وشلون مات الحب في عز الافراح |
الشاعر الراحل : عبدالله العليوي ( رحمه الله ) ,., اعتبر حبٍ مضى .. وهـم وخيال واعتبر ما فات كلّـه .. حلـم ليل لاتقـول افـراقنـا يصعـب عليك لا تقـول الـذكرى ما هانت عليك كـل ذا منّك .. وهـذا اللي بغيت اعتبرني أي واحد مر صدفه في طريقك واعتبـرني لا تقـابلنـا غـريـب كنت أنا في يـوم يا ظالـم حبيبـك يا عـديم القلـب ضيّعـت الحبيب كـل ذا منّك .. وهـذا اللي بغيت ابتعد يكْفين منك اللي حصل ما بقى في دربنا شمعة أمل ابتعد عنّي أنا منْـك انتهيت كل ذا منك وهذا اللي بغيت |
الشاعر الراحل : عبدالله العليوي ( الله يرحمه ) ،.، أنا عرفتك بالهوى .. الف خدّاع وأنا بنظرات الوفا منك مخدوع لا واحسايف عمري اللي معك ضاع لا صار لك قلبٍ على الغدر مطبوع تركتني وحدي على الدرب ملتاع اخذت عمري .. والعطا منك ممنوع تبي السموحه وأنت لي صرت بيّاع وما زال قلبي من سواياك مفجوع يا ما نهيت القلب .. لاشك ما طاع وأنا أشهد إني مابعد شفت لك نوع ما نيب ل أعذار تجي منك سمّاع يكفين ماعشته بدنياك .. مخدوع |
الشاعر الراحل : عبدالله العليوي ( رحمه الله ) ,., شفتك مع اللي صار عقْبي حبيبك واحتارت العبره بعيني وصـدّيت مدري هي الصدفه لدربي تجيبـك مدري انا اللي في دروبك تحرّيت ملكتني واقفـيت ربـّي حسيبـك ما تعرف الرحمـه بقلبٍ تولّيـت يا قلب جرحك سبّتـه من طبيبـك يا قلب ليتك بالوفا .. مـا تماديت من حبّنـا كـل السعـاده نصيبـك يا فـاقـد الاحساس عنّـي تخلّيت وش فايـده لا قلت عنّـي حبيبـك وانت بحياتك يوم .. مـاظن حبّيت |
الشاعر الراحل : عبدالله العليوي ( رحمة الله عليه ) ،.، مما جرى يا صاحبي لا تكدّر حزني طبيعه ماتعودت الأفراح الصبر ينفذ .. والغرابيل تكثر صار الأمل للياس والهم مفتاح ابكي شبابي وأشتكي وأتذكّر وقتٍ مضى ليته توقف ولا راح ابكي شرْه .. وابكي ندم واتعبّر من حر مابي ليت من مات وارتاح طبع الوفا ياناس فينا تغيّر حتى الوفا مسكين من غدرنا طاح الله معك .. مابيك مني تعذّر يكفين عنك اسهيل والطير لا ناح يمك حدان الشوق ما ني مخيّر واللي حداه الشوق معذور لو صاح |
رد: الشاعر الراحل : عبدالله بن عبدالعزيز العليوي جميلة جداً القصائد وانتقاءك لها ، مميزة جداً وقريبة من القلب :2: |
الشاعر الراحل : عبدالله العليوي ( رحمه الله ) ،.، وجيتك .. شايلٍ قلبي على كفي أقول اللي مضى يكفي تعالي .. ضاقت الدنيا وش الدنيا .. بلا حبك وش القمرا .. بلا نورك وش الذكرى .. بلا ذكراك وقلتي .. عفْت أنا حبك أنا ملّيت .. من دربك وصار افراقنا .. أرحم من التعذيب في نارك لغيري .. وفّر أعذارك أنا ملّيت ذاك الحب ولا عندي أمل رجعه نويت أبعد .. نويت أنساك وتلاقت عيني بعينك لمحتي دمعتي صدفه .. وفي لحظه .. نسيتي كل ماقلتي . الاجمل حضورك .. ياصبر والشكر للأخت .. أميره :2: |
الشاعر الراحل : عبدالله العليوي ( الله يرحمه ) ,., خلاص لا ترْجـع تـرانـا سلينـا ما كنت أصدّق يـوم انّـي ابنساك فـي بُعدكـم يامـا عليكـم بكينـا واليوم ماتطري على البال طرْيـاك وأنا ادري انك رغـم صدّك تبينـا لا شك ناسٍ ضدّنا تقْصر اخطـاك من سكرة الحب الصناعي صحينـا حتى المجالس عفتها خوف ذكّـراك خـل الـذي غيّـر حنانـك علينـا يعطيك من قلبـه ربـع ماعطينـاك بـاحـلام ليلي لـو خيالك يجينــا قضيت تـالي الليل في دفن ذكـراك وش عـاد لا صـار السلام ابيدينـا قلبـي وقلبـك بينهـا دارت افـلاك ودّعت ماضـي حُبنـا وانتهينـا وقلبٍ نسيته يوم لا بـدّ ينسـاك ذكـراك ياغـدار هانـت علينـا حتى دموع العين فرحت بفرقـاك حُـبٍ جديـدٍ غيـر حبـك لقينـا حدّيتنـي جعـل الليالـي تحـدّاك |
| الساعة الآن 14:36. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar
جَميِع الحقُوق مَحفُوظه لمنتديَاتْ بُـوووح الأدبيةْ