مسكين ابن المطوع ..


مات مـع درب مجهـول

عطشان في راس أبرق ٍ نايف ٍ عـال


هذه مشكلة الحب الجنوني .. احيان تعشق انسان ..

ويكون الفرق كبير بينك وبينه .. سواء بالعمر او باشياء اخرى

وتكون عارف نهاية هذا الحب .. بس القلب " مايعرف عمر وما عمر "

يعرف يحب وبس ..



البدر .. رد على كلامي وباختصار شديد وقال :


تصدقي ماخترت انا احبك .. ماحد يحب اللي يبي

ياحبي المر العــذب .. سكنتي جرووحي " غصب "



هذا عايض بن طريف العصيمي..

عندما صور قصة العشق الجنوني .. وحب انسااانه تكبره بعشر سنوااات


أعدمنا بقصيدته .. وانا اعتبرها من اروع القصائد " الانتحارية "


في فـــالـهـــا راااحت .. وانا رحـت في فــــال .


اسف للاطاله بس القصيده هذي تعني لي الشي الكثير

واحس ماوفيتها حقها بالوصف ..


على العموم .. اخليكم مع جنون العشق ..

وتخيل انسان يموت من العطش والقهر

بعد ما سمع كلمة " توك صغير " من اغلى انسانه بالوجووود .




ابن المطـــوع


ابن المطوع مـا لقـا الـدار ماهـول

مخل ٍ جنابه من جميع الونـس خـال


شافه خلا من عقب ما هـوب منـزول

وأقفا على أقدام الحفـا يهـذل أهـذال


ابن المطوع مات مـع درب مجهـول

عطشان في راس أبرق ٍ نايف ٍ عـال


لكن سواتـي مـا بعـد عاشهـا زول

ولا قد سمعتلها مع أهل الهوى أمثـال


عايشتها عمري ثلاثـة عشـر حـول

أو هو يقل عن الثلاثـة عشـر حـال


أنا صغيـر وناحـل الخصـر مدلـول

سبع وثـلاث معديتنـي ورى الجـال


الفرق عشر ٍ فيهـن أريـاف ومحـول

فـارق هوانـا فـرق راحـل ونـزال


صبرت عـل الصبـر ينـدار بحلـول

وحمل العنا عن بايـد الحيـل ينحـال


أقـول أظـن الصبـر ينـزال ويـزول

وصبرت وأثر الصبر ما هـو بحـلال


ونويت أكسر حاجز الصمـت وأقـول

أمـا طمـع وألا مناكيـف وأجــزال


واجهتهـا خايـف وسايـف ومذهـول

وأخبرتها بالحال عـن خافـي الحـال


واجهتها من راس مرسلـت مرسـول

وردت بعلم ٍ ما خطر لي علـى البـال


قالت واشافيهـا تفـرق عـن اللـول

توك صغيـر ولا بعـد صـرت رجـال


بيني و بينك سيف الاعمـار مسلـول

وينحاك عن ممشاً معي .. عمر الاطفال


لا اشتد عودك وأصبح الزنـد مفتـول

ومشيت مـا بيـن المناعيـر تختـال


يمديـك تلقـى مـن يسليـك بدلـول

ويحطلـك بأقصـا خفايـاه مـنـزال


وأقفت يلحفهـا مـن الليـل مجـدول

ما غطته عـن ناظـر الطفـل بجـلال


أقفت وأنا في ماقف اليـاس مخـذول

مفلس فلاس مضيـع الجـاه والمـال


تفتر بي دنيـاي فـي حيـل مشلـول

وفي ما قفي ما طاعت الرجـل تنـزال


وقفى الزمان وغيب الايام مجهول

في فالها راحت وانا رحت في فال


واقفى الزمان وراح واطول بي الطول

وابطيت في رجوى خيالات وهبال


أصبحت جرحي في خفايـاي مشيـول

نوب يهيض ونـوب يلتـف بأسمـال


لا طاب من مابـه ولا مـات مقتـول

أبطى وتاثيره علـى النفـس مـازال


جرح ٍ يزوره ساري الطيـف محمـول

على متون الليـل فـي مهمـه الـلال


واليا انتبه جرحي من النـوم مثمـول

عادة عليـه أتـراح الافـراح تنهـال


هذا جواب اللي عن النـاس معـزول

عزل الجبال الصم عن جـرد الاسهـال


واتلا الجواب من المساهيـر هملـول

تهدي لهاك الـزول مـن بـد الأزوال





عايض بن طريف العصيمي ..





قصة عشق مجنونه