[ والمسا كل ٍعلى كيفه بيعلن فرحته ] !!

[وشم]

..



ما تأخر نبض قلبي يوم ما عيّد عليك
بس لازم من تأنيه ورزانة خطوته !!

اصبري وانا بأسلوبي اجيب الشمس اليك
تعرفي فيني خفوق ٍ ما يغيّر كلمته !!

كبّري كل الوسايد واحضني النوم بـ يديك
والمسا كل ٍ على كيفه بيعلن فرحته ..!

[وشم]

..

مدخل :

هي صديقة روح ، و هذا عامنا الخامس ..
لمْ التقيها و لكنني أعرفها كما أعرفني ..
و أكثر !!

أنا من لي بخمس سنين عدّت ما أحسّ بْها
أنا ما كنت لو لا الله وحكمة ْ أمره [ انسانة ]

بخمس سنين والدنيا تزهّب لي مآدبها
و افاجأها بجودٍ ما تسدّ الخلق بيبانه

ولو جاؤوا من المشرق إلى آخر مغاربها
لاقابلهم بطيبٍ ما يطيق العقل نكرانه

أنا أشواق بنت شيوخ تِعْجـِزْهُم مآربها
صحف تاريخنا الماضي بهم يا ناس مليانة

أبد مو وحدها الأنساب هي فخر ٍ لصاحبها
وأنا بافخر مع انسابي إذا صاحبت سلطانة

بالأول عيدك مْبارك ؛ بصوتي قمت أجرّبها
وخفت الصوت دون اشعر تعكّر صفوك الحانه

وقلت افضل من انطقها ؛ أقوم الحين واكتبها
وصار الحبر من كثر الفرح تتبدّل الوانه


وأفكّر لاجل أهنيها الكلافة ما تناسبها
وأنا عصفور غرّد بي ضلوع الصدر أغصانه

هدية صدق رمزية : خفوقٍ حيل مات ْبها
وودّه لو يجي له يوم يرجع يسكن اوطانه

وطنـْه ضلوعك اللي ما رأتها عين طالبها
ولا سمعت بها من زينها بالصدفة آذانه

لك الله لي بخمس اعوام دعواتٍ أرتبها
بإني ألتقيك بـْ يوم ما يتغير آوانه

كإني والملا حولي طباعك حيل تطربها
وغيرك داخل المبسم أبد ما يلتقى خانة

إذا كل البشر تفرح إذا شافت أقاربها
أنا والفرْح زعلانين إلين آشوف سلطانة !

مخرج :


أعلاه ليس شعرًا ، بل نزفًا و ابتسامة !

[الجوزاء العتيبي]

وشم..!

لله دركـ,
صح لسآنك وسلم بنآنكـ يالغلا
ومن العآيدين والفآيزين ان شاء الله=)
واعتذر على القصور..
الله يخلي لك سلطآنه ويحفظهآ ويديم عليكم المحبه والأخوهـ
تقديري وخآلص إحترآمي لشخصكـ,

برآيفت لوشم=>^_^ ترى الإجآزهـ قربت تخلص وجديدي متلفهم للنآدي ولك يالغلا,تحآيآ الود

[عنآد..}]

.

إذا كل البشر تفرح إذا شافت أقاربها
أنا والفرْح زعلانين إلين آشوف سلطانة !

يآسسسلام سلم يآسسلام
ولابعد هالنقآء في :
المحبه , الاخوّه , والشعر
عيديّه
صح إبدآإعك يَ وشم

,’

[فال]

الأخت الغالية / وشم

كل عام وأنتي بخير .. والنعم بك و بسلطانه .
عسى الله يحفظ لك كل أحبابك .




- الحديث عن النزف / الإبتسامة وسلطانه والخمس سنوات / الوفاء ..
يحتاج مزاج رايق .. حتى لا يشوّه هذا المساء الجميل .





ب اختصار ..

- بعد إذنك وللتوضيح فقط ( يقولون العارف لا يُعرّف ) ولكن :
( انسانة / مليانة / سلطانة / خانة )
هناك فرق بين الكتابة الشعرية والكتابة الإملائيه في عالم القصيد ..
لإن هنا بعض الأبيات انتهت بالتاء المربوطه وبعضها ب الهاء ..
المفترض تكون جميع النهايات بالهاء وهذا الصحيح .



- ولو جاؤوا من المشرق إلى آخر مغاربها
لاقابلهم بطيبٍ ما يطيق العقل نكرانه

جاؤوا ..
( حسّيتها بالنطق صعبه وماعرفت اقولها ) بس وصل المعنى .




- وأفكّر لاجل أهنيها الكلافة ما تناسبها ..

( توقفت كثير عند هالشطر أحس فيه شي ناقص ؟ ) ..






أشواق الإنسانه ..

ما ذُكر أعلاه وشم فخر وإبتسامه .



كل هالكلام وأنتي ماشفتي سلطانه ؟
الله يستر علينا بعد الشوفه ..

كانك على الشوفه اللي شفت من جدّك
ياكبر فرحتك .. لو تدري عن الخـافي *

نزف مبتسم ..

( ...... ) ياحلم .. ياللي أعرفك إسم
وجهٍ تصـوّره الحــروف .. واتخيّلـه
شيٍ أحس انه قريب .. مـ اوصله

و أعرفها زينٍ وانا ماشفتها ولا جيتها *

فمان الله ..

[هاوي بلاوي]

وشمْ
،
آهلن آهلن بسيدة الشعر
والهدؤء العذب
رآئعة في كل شي
كلمآتك جميلة ونآبعه من القلب .~
كل الدعوآت لكي بتوفيق والسسعآآدة .~

وخييك هآوي .~