يبدو أنهم كذلك يا تائهة ,, قد أخذت القهوة من راحتهم الكثير ومن صحتهم أكثر
فاعتزلوا المكان محاربة للعودة للإدمان ..



أتمنى أن تكونوا بخير ..

____________________________________

رمضان كريم يا آل بوح
كل عام وأنتم بخير

____________________________________

أهلين ..


من زمان ماشفت ناس نفسيه مثل اللي شفته اليوم ..
شكله مواصل ورايق والدليل الوقفه عند البوفيه ..
( اللهم اخزيك يا شيطان ) .

بعض الصُدف تجيب فيك العيد ..
( الله يكفينا شر الـ بعض ) .

أحلى شي ان الواحد يتعب على نفسه و بس ..
لأن مافيه احد مستاهل هالايام .. وخاصه ( أهل العند ) .


قهوة فرنسية سكر خفيف .. وجلسة ب اخر المقهى .

____________________________________

مستكترين .. دا ( العُمر قليل ) ..
و حرام يضيع كده .. من غيرهم *


هات قهوة فرنسية .. سكر وسط مع اي شي حالي ( أنت وذوقك عاد )

____________________________________

الاجواء هاليومين تساعد ع الجلسه ب اماكن مفتوحه ..
وخاصة اذا كان معك ناس تفتح النفس ومالها بالنكـد و نكبات ( حزيران ) .
زمان عن المقهى .. ويا زمان العجايب بس .
الحمدلله ع السلامة والف لا باس عليك .. ويا شين التقليد يا ناس ..
شاي سكر زياده .. قبل ما نعْلق بالزحمه بعد شوي ( ااخ .. والله يعين ) .

____________________________________

،.،




أهلين ..


الواحد يتعب اذا كان النادل ( متنّح )
لان مو معقول تطلب 3 مرات ( السكر قليل ) ويجيبه لك زياده !
وفوق هذا يجيك هواش حتى لو من غير كلام ( النوايا واضحه بالعصبيه ) .


زمان عن الطلعات .. لكن اخر طلعه تكفي لشهر قدام ..
وخاصة ( احتفالية الميلاد السريعه ) كانت غريبه حبتين ..
الله يديم الافراح يا رب .. وبس .



الانتظار يقهر كثير ( قسم بالله مالنا بالتنظيم ابد ) .

هات .. قهوة فرنسية سكر قليل او من غير سكر وخل نشوف اخرتها معك

____________________________________

أهلين ..


للتوضيح فقط ..
مو اي احد يزبط القهوة الفرنسية ..
( عشان محد يقول إن الذوق رايح فيها .. وبعدين ماله داعي نخسر بعض عشان قهوة .. وفرنسية بعد ) .


بصراحة ..
فيه ناس عليها مزاج رايق و يجنّن ب اختيار الاماكن والجلسات ..
لأن هذي ثاني مرّه اروح معك لـ مكان يشرح الخاطر ويفتح النفس ..
( الله يسعدك يا شيخ ) .

____________________________________

،.،




بعض ( اكشاك / مقاهي ) المطارات عندنا بالذات ..
تحتاج اعادة تاهيل وياليت ياخذون الزباين معهم مره وحده .

صالات الانتظار افضل مكان لاستعادة بعض الحسابات وخاصة ( العلاقيه ) .

هات .. اي شي بارد لان الحر والغبار شي ( متعب ) .

الضحكة كانت كفيله ب عودة الروح ( الله يخليك لنا ولايحرمنا من اطهر قلب ) .

____________________________________

,.,


أهلين ..
الازعاج ( الاجتماعي ) ع الصبح ..
يمكن يكون عامل مساعد للـ صحصحه بس مو بالشكل هذا كانك قاعد ب سينما .

( هات ) كافي سكر وسط .. وطمني ع الجميع .

____________________________________

أهلين ..


احساسي يقول ان القهوة العربية ب البلاد الغربية
يكون له كيف / طعم غير شكل ..
ف الله لايهينك يانادل عطنا العلم الاكيد او خل نجرب و بشرط ع حسابك .


ياليت تحط زعفران ولاتصير القهوة ثقيله .

____________________________________