واعيني اللي كل ماذعذع من الغربي هبـــوب
يحلى لها لــون الغـــروب الي يذوب قبـــالهـــا
وياويل حالي كل مايحلى لها لـــون الــــغروب
تطري لي الريم اللعوب وسالفـــة ترحــالها
وياجر قلبي كل ماتطري لي الريم اللـــعوب
حرمت امد ايدي على حاجه وانا ماقوى لها
من سافرت ريم الغلا صديت عن كل الدروب
ماهو قصور بالعذراى لكن هـــذيك لحــالهــا
من فارقتني ماخطف قلبي من الحور محبوب
ولا لقيت الجـــادل اللي تستحق احيـــالهـــا
.. حامد زيد ..