هـذا انا يا انـا لك جيتك احبي حبي
تارك ارضاي واصحابي وجيت احتريك


انتظرتك , وعيني والسهر واغلبي
نحتضر في زوايا صمتنا ونحكيـك !


وينك أنت ؟ الليالي تسلب أمي صبي
كان لاغاب وجه النور يبكي يبيـك


قارب الفجر . طاح الليل . شفني شبي ؟؟
قبل مـ ابكي عليّ اللـه يرضى عليك


شف نخيلي سقيته بس خان ارطبي
ماتقدر ظروفي واحتيـاجي إليـك ..؟!


اتعبتني سواحل غربتـي , واركبي
كثر مـ اجثوا عليها , ماقدرت ارتويك


ياااااااه احبك , واحبك حُب لـ امي وابي
بايع الناس , كل الناس , بس اشتريك ؟؟


.
.

غرفتي / والمرايا / والقلم / مكتبي
شعر و اوراق / ظِل انسان : منك وفيك


غيرها من مدينه نشرب وتشربي
طيش , فوضى , ذنوب اصحاب و...... ماعليك

.
.



انتخاوى فـ ضيقة بال .. يا مطلبي
مملكتك الصدر , وانته بقلبي مليك


من غَيَـا/بك غِـيابك ضاع كل احطبي
مـ اطول البرد في غيبتك وين ألتقيك ؟؟


يامماتي , وراحة خاطري واتعبي
خايف انساك , مـ اجهل شاعرك لو نسيك


هاتني منك , لو مافيك شي ٍ يبي
شاعرٍ كم في شبّـاك حزنه بكيـك


علقتني هنا يدّين شاعر غبي ..!
تحبس النور / تحلم في مصافح يديك


آآه منك وسواليفك : مسافات بي
كم ركضت آتخيّـلني بها محتويك


بس وينك !! ذبل صمتي على مكتبي
ماقدرت اقتلك فيني ولاموت فيك .. !