06-09-2010, 14:28
|
 | .... نَوْرَسَة ! | | بداياتي
: Jun 2008 الـ وطن : البحرين
المشاركات: 954
تقييم المستوى: 16 | |
 رد: - يَومِيّات -
4 / 9 كنت قاعدة أسوّي الكنافة , وكان البطل الصغير يطالعني وانا أقطّعها وأحطها في القالب , سألته : لمّن تكبَر راح تساعد زوجتك وتطبخ معاها والاّ لأ ؟! قال لي : لأ ما راح أطبخ معاها هي تطبخ وأنا اشتري لها الأغراض قلت له : زين واذا هي قالت لك اطبخ معاي ما بتطبخ معاها ؟ قال لي : لا ما راح أطبخ معاها , انا أشتري الأغراض وهي تطبخ ! قلت له : زين النبي محمّد صلى الله عليه وآله وسلم كان يسوي أعماله بنفسه , و الامام علي كان يساعد السيدة الزهراء في أعمال المنزل . قال لي : اممممم النبي يسوي أشيائه بنفسه , والامام علي يساعد زوجته ؟ قلت له : اي ! قال لي : امممم .. انا بعد بسوي أشيائي بنفسي وبساعد زوجتي بس انا ما ابي اطبخ .. قلت له : ليش أجل تحب تطالعني لما اطبخ وتساعدني وتجهز لي كل شي , وتحب تخلط الأسكريم ؟ قال لي : اممممممم .. لأني احب اطالعش ! قلت له : زين لما تتزوج يعني ما بتساعدها خلاص ؟! قال لي : سارة قلت لش انا بشتري الأغراض وهي تطبخ , قلت له : واذا تعبت هي من الطبخ قال لي : خلاص نشتري أكل جاهز :d بعدين .. لمّن صارت الكنافة جاهزة سألته : بتعزمني على بيتكم أفطر معاكم لمّن تكبر ؟ قال : اي اكيد بعزمش ! .. كل يوم بعزمش قلت له : حلو , يعني كل يوم افطر عندك ؟ قال لي : اي بس مو اول ما تصير عندي زوجة قلت له : متى عجل ؟ قال لي : قال لمّن يصير عندي بيت وأسكن فيه مع زوجتي قلت له : اتوقع لمّن تكبر البحرين بتكون مساحتها خلصَت ما في مكان لبيتك ! وقعد يفكر .. ويفكر ويفكر ! وقال لي آخر شي : خلاص انتي اعزميني على بيتش :d  ____________________________________
نجدُ الإجابة.. حين ننسى الأسئلة*
|