الأخ الغالي / تركي

أسعد الله اوقاتك بالخير والسعادة ..

قمة الجمال هنا ياتركي .. تنسيق أكثر من رائع ..
هدوء ومحاولة نسيان الألم ب الأمل .

عزيزي ..
أذكر انك قايل ( النقد مفتوح والصدر رحب ) ف بعد إنك وإذا سمحت لي بذكر بعض النقاط وتأكد ذكرها مايعني ان العمل لا يستحق .

التصميم مرّه رايق وفيه هدوء عجيب .. ولكن :
- أنا اشوف إن الخط مره صغير وخاصة إن التصميم مافيه إلقاء للكلام المكتوب ..
كنت اتمنى إن الخط يكون أكبر من هذا شوي ( تكّه ) وعلى ذوقك ..
يمكن التنسيق على إن النص يكون متوسط لكلمة الأمل أجبرك على تصغيره ..
ويمكن لو كبرته راح يشوّه الجمال .. ف إنت أعرف بكل الأحوال لكن تبقى ملاحظة وحبيت اذكرها .

- إذا كان الكلام لتركي أو لشخص معروف كنت اتمنى ذكره ب نهاية التصميم ..
وإذا كان لشخص غير معروف ممكن نذكره ب شرح العمل ان الكلام مقتبس ( لحفظ الحقوق فقط ) .

- توزيع النص خطير ويساعد على التفكير والسرحان .. الله على هيك تنسيق .

- صورة الولد والطيور .. جميله جداً
كنت اتمناها من غير نقط بيض تتساقط لأن ( بعض الحركات تقطع التفكير والتركيز ) .
ياليت تركّز معي بس من غير نقط أتوقع راح تلاحظ إختلاف ( مجرد ذوق ) .

- المؤثر الصوتي رايق .. وصح الاختيار .

تركي .. الغالي
مهما إختلفنا ب وجهات النظر على التصاميم ..
لابد أن نتفق على إن تركي فنان جميل جداً وذوق ..
الف شكر على جمالك وربي يحفظك .

بعد الألم ..
الأمل لولاه عليّا .. كنت في حبك ضحيه *

فمان الله ..