تعال / وإنفض غيومي , - الصفحة 5

حنان العجمي · #41 (**permalink**) 02-05-2011, 01:56

اقتباس:

المشاركة الأصلية كتبت بواسطة غريّب كأنيْ أنا

حَنان كُلمَا قرأتُ نصّاً لكِ تَذكرّتُ مَقُولهْ كُنت أُردِدُهَا لأَبيّ قَبَل السَفرْ وَحيّنما يُخَاطِبُنيْ هَاتفيّا " أَعِدُكَ وَعدْ رَجلٌ لرجَل سَأَحمِلُ إِسمُكَ بحَذرْ " وَانتِ حملّتِ إسّمُنا بِكُل مَا هُوَ جميّلٌ

فَخُورٌ بِكِ والله

يا صديقي لست سوى طفله لا تعرف سوى الثرثره بعفويه مزعجه
سعيده بحضورك ومتابعتك محط شكر وتقدير
فكن قريب

حنان العجمي · #42 (**permalink**) 02-05-2011, 01:58

اقتباس:

المشاركة الأصلية كتبت بواسطة لون الماء

ح نــــان..

عندما تَكــون الكـلمات هي وحدهَـا منْ تُحَرك الوجدان بدواخِلِنَا فاأعلمي:
أنها نُسِجَتْ من أوردتَه وشَراينُه التي مازآلت تئنُ من وهَنْ..!

أكمِلَي رجَــاءْ..

سعيده برأيك يا قديره
وأعدك بالإستمرار إلى أن يتوقف نبضي

كوني بخير

حنان العجمي · #43 (**permalink**) 02-05-2011, 01:59

اقتباس:

المشاركة الأصلية كتبت بواسطة أميرة الخالدي

أحتاجُ لأن أهدأ
و كم من عُمرٍ سيحسبُ علي لأجلِ هذا !

الله يشفي الوالد يا أمير ولا يحرمج منه

وبعدين أنتي شاعره الحين قد الدنيا وانا اغار منج / لا تتواضعين

حنان العجمي · #44 (**permalink**) 02-05-2011, 02:00

صحيح إن ماني الأُولى /
ولكنّي أنا الأوْلى
أنا أولابك من أقرابك
أنا أحبابك
ولو عنّي / عشان أشباه
تسدّ الباب
ومن خبالك / تشدّ ركابك لنزوه
وكذا تمشي ..
وتنهش حاجتي نابك!
ولا ترجع وتتناسى / وتتسّلى ! !

أنا الأحقّ من نفسك عليك , وداخلك ببقى
أنا الأنقى
محد يستاهلك غيري ولا بتلقى
لأني ماقدرت أسلى !
تعال
وشوف وش سوّى
رحيلك في وطن عمري
تعال
وشوف وش جوّا
عيوني وإيش في صدري!
حفرت بغيبتك قبري لعلّ أنسى
يا كيف أنسى؟
وأنا اللي ماقدرت أسلى !

أنا أولابك
ولوّي من حنيني لك
بكيت كثير وأغتابك !
أنا أصحابك
تفاصيلك هنا تدري؟
/ وصوتك غافي بقلبي
هنا تبكي
هناك تنام / وهنا تصحى
تضّيعها سنيني : لك!
من عنادك / وبأسبابك!
أبرضى بك
أبشفع لك خطا البارح
ولو من زبدة عتابك:
عرفت إن ماني الأُولى
ولكني أنا الأوْلى!
تراني ما قدرت أسلى!
أمانه
طوّل غيابك
تعال وإمسح دموعي
وقسم بالله ما أسأل .. بعد ما رحت وش جابك!
وقسم بالله ما أسأل .. بعد ما رحت وش جابك!
وقسم بالله ما أسأل .. بعد ما رحت وش جابك!

حنان العجمي · #45 (**permalink**) 15-05-2011, 02:05

إحتياجي لك مقيّدني سنين !
والعذر أقبح من ذنوبك معي

إيه أحتاجك ذخر / أهل وعوين
لا نضحْت امن المواجع / أدمعي

من خذاك الوقت منّي والحنين :
جاعل ٍ وصلك وسيلة :مطمعي

من خذوك الناس والجرح الدفين:
فاضح ٍ عيني وفاتح أضلعي

لك يثرثر وينك أنت وأنت وين
وردّ فعلك عن حياتي :إطلعي

يمكن الحاجه تخليني / ألين
وشي ّ في صدرك ينادي إرجعي!

وكلما جيتك وانا عزمي متين
رحت جثه منْك تحتاج النعي

سوّ نفسك من عنا بعدي حزين
لم أعي بعدك ومثلي لم تعي

صار لك فتره تغيب وما تبين
مو معي حتى ولو جسمك معي

من بذلت الحب واحساس ٍ ثمين
شف ضياعي هو نهايات السعي!

حنان العجمي · #46 (**permalink**) 17-05-2011, 11:41

بإحساس جرحي /بحّتي وإختناقي
يسعد صباحٍ ما يجيبك / طريقي

العوق في قلبي مهو كسْر ساقي
وإحتجت لك قلب ٍ صديق وحقيقي

ضيّعتني من طيش/ وش عاد باقي؟
ضاع العمر مابين حزني وضيقي

ومن يوم شفتك غايتك / في فراقي
يا مرحبا في ضيعتي و بـ حريقي