تدرين وش ودّي ؟
خاطري أجيب كرتون زي حق الموز ,
و أحط كل الحاجات اللي تحاشر فرحتي فيها ,
بعدين أقطع الشطرطون بأسناني و أسكّره بقوووة !
خلاص !!
مافي أحد يأذّيني ! بح بح
واااااو ,
تخيّلي نتطور بالشغلة و نصير نحط البشر الل يحاشرون حياتنا و ينغصونها ؟
مممم ذولي يبيلهم كرتون مكيّف أو غسّالة أو ثلاجّة ما يكفيهم كرتون الموز !!
و يصير مافي بشر ينكّدون عيشتك ! بح بح .

[ ]

يقولون اكتشفوا حياة على سطح زحل مدري بيكتشفون !
و الله لو أنا الل اكتشفت كان كتبت عند باب الكوكب :
يمنع اصطحاب جوالات الكاميرا .
و جنّة البشر منازلهم !

[ ]

ممممم ,
تدرين إن الدنيا ذي محطّة ؟
يا سخفنا سمّوي نتعنّى بـ محطّة !!
يعني وش بقّينا للوصول ؟
بيكفينا الوقود اللي تزوّدنا فيييه ؟
و إلا بنعجز نوصل و نرتاح ؟
ممم دايم لمّا تقفل ف وجهي أبواب كثير ,
أطالع السما و ينغسل همّي !
و أقول : يا الله .
كيف الله كريم معنا كذا ؟
دايم مفتوح بابه و أذنه لنا منصته .
دايم ربّي يمسك يدي
و الله أغبياء يا سمّوي الل نتوسل للحين يد بشر تمسكنا !!

[ ]

مممممم ,
نكذب على مين حنّا للحين سمَا ؟
ع الحكي و لا ع أنفسنا و إلا ع الغييم ؟
شوفي كيف الغيمة بدت تتفتت تحتنا من ثقل الحزن اللي ندسّه تحت رجلينا كل ما طفر !
شوفي كيف صرنا كأنّنا نجلس ع موقد من كثر ما حنّا نخبّي البُكا تحت رجلينا و نقول : يؤ ! سرقته الغوله !
هههههههه و ربّي حالتنا تضحّك !

[ ]

هو الحنين ما يكبر و يصير عاقل ليه ؟
لمتى بيظل طايش و يرااااهق على حساب خواطرنا ؟
لمتى يعني بس لمتى بـ أعيش سااخرة و مستصغرة كل كايدة ,
عشان بس ألعب عليّ و أذكّرني إن مافي شي يسوى !
تدرين عاد سمَا ؟
ياليتني أقدر أجلس سارحه و أذكرني أو اذكرهم ثم أذرف دمعه و أخبّيها إن جاء أحد !
حتّى هالقدرة الهزيلة فقدتها ,
و صرت أفرّغ حزني كلّه من الحنين و الشوق و الغياب ف الضحك و السخرية و الشغل !!
زمان مرّة ما جلست معي و سولفت لي ,
زمان يا سمّوي ما قلت لي : و بعدين معنا يا هديلي ؟
زمان ما قلت للحنين : أدري إن صدري وسيع بس لا تتمطّى أكثر دخيلك .
و زمان ما أثبتت للأشيا و الناس و الأرصفة , إنّي بطلة ما يهزمني جزع الغياااااب .
لمتى بصبر عليّ ؟
هذا بس اللي أبي أعرفه يا صديقة .
اشتقت لي سمّوي ! أبيني

[ ]