اليوم كل شي " اختلف " .. فيني شعور { ما ينوصف }
.. لا هو فرح ولا هو حزن !!
اليومـ سمعت انّ " الملكه بعد عيد الفطر " !
يعني افهمـ انّ حياتي بعد " عيد الفطر " ما هي حياه !
اي حياهـ من غيرها ؟!
في " صباحي " تدخل علي و تقول : { يكفي نت } !!
كنت اقول : { مالك شغل }
يعني انسى ( الساعه 7 ) !
لما كنّا " نتسابق " عَ الريموت !!
كـنت اقول : حطي فوور !
تقولين : لا تحاولين _ انا " الكبيرهـ " ..
كنت ازعل واقوم .. كنتي تصارخين ( بعد " قرانديزر " حطي الي تبين ) !
ياآه .. تكفين قولي وشلون انسى ؟!!
طيب .. وان نسيت الي مضى !! _ كيف ابنسى الي بجي !
هالتيشيرت ولاّ القميص احلى ؟!
الصندل ولاّ الشوز ؟!!
الراشد ولا جيان !
موندو ولا شيليز ؟
اتركينا من هذا كلّه _ واسمعي هـ الاسطوانه الحين ..
_ حلو الفستان ؟! اشتريه ؟!
_ لا .. عادي
_ بس عاجبني ،، واروح المحاسب .. واشتريه !
_ طيب ليييه تشاورين ؟!
علميني .. اشاور ميين ؟
تصدقين ..
اني " احسده " !! واني كل يوم اسأل : هو يستاهلكـ ؟!
آه لو تدرين ،،
فيني عبرهـ
اخاف " ابكي " وتجيني " تضحكين "
و بعد ما تضحكين _ تبكين !!
تدرين ..
ودي اعرف " بعد عيد الفطر " وش بكون ؟
و ودّي افهم { شعوري } الحين ..