مُنتدياتْ بوُووح الأدبيهّ - عرض مشاركة واحدة

دِيسمّبر ، · #13 (**permalink**) 07-09-2007, 15:52

شعــوري ذا الليـلة غـريـب ..

كيف الحبـيب يجـفي حبـيـب ..!!

انـا مـاني زعـلانـه على غيـابك ياخـتي ..

بس ليـه مـاقلتي لي من الأول إنـك بتتـركيـني ..!!

طيب ليـه على الأقل ما أجـلتي المـوعد ليه تختـارين بعـد العيـد ..؟

وإلا يعنـي مستخـسره علي هنـاي بيـوم العيـد ..؟

يـرضيـك عيـد بـدون فـرحتي فيـك ..!!

ادري بتكونين معاي هـالعيـد بس بيشغـلني الهـم والتفكيـر فيـك ..!!

طيب يـاقلبي بس كـان أجلتي شهـرين علشـان افـرح بدل العيـد عيـدين ..

يـاقلبي 20 سنـه وانت كل عيـد معـي ..

الحيـن تجيـني تقـولين بعـد العيـد المـلكـه ..!!

طيب بس ابي عيـدين وبعـدها ربي يـوفقـك ..

تخـيلي العيـد الجـاي مـاراح الآقيـك ..!!

مـاراح آلاقي وحـده اقولها وش رايك بهـذا الفستـان ..؟

تخيلي يوم ازعجك ..

وش رايك بهـذا الصنـدل يليق مع هـذا الفستـان والا اللي قبل أحلى ..؟

تكفين يالله قولي هـذا أحلى والا اللي قبـل ..؟

اوف خلاص قلت لك اللي قبل احلى ..

..

كـل شـي مـر في بـالي لمـا قـلتي المـلكـه بعـد العيـد ..

كثـر مـافرحت كثـر مـاضـاق صـدري على فقـدك ..

..

انـا مـا اقـولك هـالكلام زعـل ..

بس يـاقلبي تخيلي شـلون الدنيـا بدونـك ..؟

( يـاعيـد مـاتسـوى بلا ريحـة إختـي )

تخيلي اذا انتـي رحـتي من يفتح علي باب الغرفـه الصبـاح ويـزعجنـي ..!!

تخيلي من يخـانقنـي الصبـاح اذا تـأخرت ..!!

صح كنـا نتخـانق كثيـر ..

صح كنـت أأخـرك كثيـر في طلعـاتك وكنت اقولك انتـظريني وتعصبيـن ..

بس كنت احبـك ..

صح مـاكـان يعجـبك مـزاجي احيـانـاً بس كنتـي تحبيـني كثيـر ..

صح وصح وصح ....

كل شي صح ..

وكل هـالوقت احبـك ..

وكل هالـوقـت فـرحت لك وفـرحت فيـك ..

بس ..!!

تدري وش ابي اقولك ..!!

يـارب يسـعدك وبس ..

ويـارب يخليك لي ..

طيب اسمعـي ..

لو رحـتي تـوعديني انـك تتصليـن فيني كل يوم ؟؟

تـوعديني إنـك ترسلين لي مسجـات كل يوم ؟؟

تـوعديني إنـك تجين عنـدنا كثيـر ؟؟

تـوعديني اذا اتصلت فيك ما تقولين لي إنـك مشغوله معـاه بـعدين اتصل فيك ؟؟

توعـديني لو ضـاق صدرك تقـولين لي ؟

اممم

طيب تـوعـديني إنـك تقـرين الهـذيان اللي كتبته فيـك ..؟

خـلاص حـاضـر ولو إنـك كثـرتي الـوعـود بس شسـوي فيـك ..

أتفقنـا ..؟

اوكي .. اتفقنـا ..

طيب بـعدي عنـي شـوي خليـني اروح اسمـع ..

ســاري ..

واصـوتـلك ابيـك ..

النـظـرة في عـيونـي تبيـك ..

والـرعشـة في قلبي تبيـك ..

شعـوري ذا الليـلة غـريب ..!!

كيف الحبيـب يشـكي حبيـب ..!!

انـا ملكـتـك وانا فقـدتـك ..

ليـتـنـي لمـا عـرفـتـك مـاتركـتـك ..

اسأل زمـاني والمـكـان ..

واجمـع سـواليف الزمـان ..

انا ملكـتـك ..

وانـا فقـدتك ..

ليــتـني لما عرفتـك مـاتركـتك .. !!

* / هنـا كـان الهـذيـان بالشـكل الصحيح ..

كـلام خـارج عن المـألوف ولكن كـانت الحـالة توحي بهـذا الشكـل لمخيلتي ,,

شكـراً لهـكـذا هـذيـان وشكرا وشكرا وشكرا ..

سـأنتـظرك وسـأنتظر وسـأنتـظر

وهـل لي بـدعـوة يـوم الزفـاف

سننـتـظر الفصـل الثـاني من المشـهـد لشعـورك ..

* / تـوي الآن خـرجت من هكـذا مـزاج لهـكذا هـذيان ..

وإنتبهـت بـأن اقـول في هـذه الجمـعة المبـاركـة ..

الله يـوفقـهم ويجمـع بينهم في خيـر ويـوسع في رزقهم

ويجعل دربهم هنـاء وسعـادة بإذن الله تعـالى ..

اللهم وفقهـم واجمع بينهم في خير ..

اللهم وفقهـم واجمع بينهم في خير ..

اللهم وفقهـم واجمع بينهم في خير ..

.