توي قريت

( الضربات القويه تهشّم الزجاج فقط .. لكنها " تصقل الحديد " )

/

/

/

توي قريت ..

دفتر يومياتهــا ..

شخابيط مجنونة ..

احلام مرسومة ..

بقلم رصاص ..

تحب الرصاص .. يكتب اسهل .. خطي يطلع احلى بالرصاص ..!!

رسمي يطلع اروع بالرصاص

مادرت سهل يمسح

مادرت سهل يمسح

مادرت سهل يسمح

مادرت سهل يمسح

مادرت إن احلامهـا .. راحت ..

مادرت شخابيطها .. ماتت ..

.. ليتني مارسمت برصاص .. الحبر كان افضل .. !!

وش كثر انا غبية ..!!

لا مو غبية انتي ..

انتي اطهر من نواياااهم ..

انتي اصدق من كذبهم ..

انتي اروع من جهلهم ..

انتي .. انتي ..

آه .. يا أنتي .. .. !!

ليتك ماسمعتي لهم

ليتك بقيتي .. طفلة ..

تذكرين :

مزرعة جدي .. واحلامنا تحت النخل ..

انا مهندسة العائلة ..

وانتي دكتورة العائلة ..

تهقين يرضون ندخل الجامعة ..؟!!

ايه يرضون .. احنا كبرنا


اوص .. اوص .. لا تقولين كبرنــا ..

انتي تعرفين وش معنى كبرنـا عند اهلنا ..

يعني .. مهر .. شبكة .. وعريس

يعني .. فستان ابيض .. وصالة كبيرة .. كل الوجية تحضرها

يعني .. ناس وطقطقة ..

يعني .. تروحين بعيد ..


اوص .. اوص .. لا تقولين كبرنــا ..

انتي تعرفين وش معنى كبرنـا عند اهلنا ..


تكفين اسكتي ..

وخلنا نرجع لأحلامنا الصغيرة ..!!


بس انا كبيرة ..

انتي كبيرة صح .. بس بيننا

لا يسمعونك ..

قولي صغيرة .. رددي .. انا صغيرة ..

يوووه .. انا كبيرة

تكفين انتي صغيرة ..

تكفين انتي صغيرة ..

تكفين انتي صغيرة ..

تكفين انتي صغيرة ..


..
..
..
..


في المجلس اجتمعوا وقالوا .. عرس الكبيرة بعد .. عيد الفطر ..

وجيتي تركضين ..

انا العروس الكبيرة ..

لاتقولين صغيرة ..

انا كبيرة ..

واحلامنا .. الجامعة .. ودكتورة العائلة ..

ماراح تضيع ياحبيبتي

إلا بتضيع ..

مثلك .. بعد ..

يعني .. خلاص ..

بتودعين .. الغرفة الخضراء

بتودعين .. سهراتنااا

بتودعين .. انسي كل شيء .. بتودعيني ..!!

ياحبيبتي .. انا ماراح اكون بعيدة ..

إلا بعيدة ..

فسري لي .. كيف ليل بدونك ..

فسري لي .. كيف البيت دونك ..

فسري لي .. كيف نجتمع على السفرة بدونك ..؟!!

فسري لي .. كيف نطلع بيت جدي بدونك ..؟

صح انتي .. عنيدة .. ودايم تصارخين ..

بس لا تروحين ..

بكرى بيكون هو كل شيء ..

يعني .. هو المهم والأهم ..

وأنــا ,, اختك الصغيرة ..

تنسيني ..؟

كيف انساك .. انا معكم وين بروح .. انا قريبة .. كلها كم شارع ..؟

لا .. بيننا سنين ..

بيننا .. هو ..

يعني .. لو طلبتك تقعدين .. طول العمر اختي الكبيرة بس قريبة .. بتقعدين

ايه طبعاً

يعني مافي شيء بعد العيد ..؟

إلا فيـه ..

هو اهم ..

سنة الحياة

اكره الحياة

استغفري وش هالكلام ؟؟ .. انتي اختي .. ومهما صار .. احنا مع بعض ماراح يفرقنا شيء

إلا هو فرقنااا

يعني تقنعيني .. اول مااصحى الصباح اسمع صوتك ..

قبل اطلع الجامعة .. اتخانق معك ..

تقنعيني ,, نتهاوش من يجلس جنب امي على الغداء ..

تقنعيني .. من اتهاوش معه على .. الكوكيز ..

تذكرين .. كنت دايم تخبينه .. بالدرج ..

وكل ما سألت .. في كوكيز

تردين .. لا تصدقين خلص ..

وبعد شووي .. اشوفك تاكلين ..

واسألك من وين طلع ..؟

آخر حبة لقيتها ..

آه منك والله احبك

لا تروحين .. من يسهر معاي لحد الصبح ..

من قبل لا انام ياخذ كل مافي خاطري ..

انا موجودة مارحت ..

إلا رحتي ..

كلها كم شهر ..

تصدقين .. صرت اكرهه ..

حرااام .. ليه ..؟

نكد علينا العيد

فرحتي صارت نكد

ايه نكد

بكرى انتي له ..

تتقاسمين كل شيء .. معه ..

وابقى انا .. لحالي ..

منتي لحالك ..

صح من قال انا لحالي ..؟

بكرى همي .. يصبح ويمسي ..

معي ..

بكرى جرحي .. بيسير علي ..

..
..
..


خلاص .. العيد ..

ايه ..

طيب يأجلونها ..

ليه .. ؟

مستعجلة على فرقاي ..؟

لا ياعمري ..

بس خير البر عاجلة ..

والله كبرتي ..

اخيراً ضحكتي ..

غصباً علي اضحك ..

مو حلو عليك الزعل

انا مازعلت ..

إلا ..

لا انا متضايقة علشان بتروحين وتتركينــا ..

تصدقين حتى عبودي .. يبكي كل يوم ..

تتوقعين يحس باللي يصير ..؟

يمكن ..

إلا اكيد .. حتى الصغير .. يبكيك

خلاص .. صار كل شيء

العيد .. العيد كرهت العيد ..

لا تكرهينه .. العيد فرحتي ..

انا ماكرهت فرحتك ..

انا كرهت العيد


يالله عاد .. بكرى .. نبدأ مشاوير السوق

وش نويتي تفصلين ..؟

مدري والله ..


امممم .. بديتي تغبين علي ..

لا .. بس مانويت شيء ..

بكرى نشوف السوق ..


..
..
..
..

R and Z



لك كل الـــــــود


فـ الإنتظــار .. أنـــا