البارحه فـ السوق ..
امي تقول ( كان لقيتوا للملكه شي .. اشتروه ) !!
لحظه شوي ,, خلني استوعب امي وش تقول !!
- باقي ع الملكه اكثر من شهر ؟
- بعد شهر مو اكيد تلقون !!
" تسمّرت " بـ مكاني شوي !!
خلاص مابي سوق .. ولا هم ولا يحزنون
رجعوني البيت الحين ,, تكفون خلوني " ابكي " شوي !!
لحظه شوي ..
دنيا نبّهني بـ شي !
هـ الاضحى احتمال منتِ بـ جنبي " تكونين " !!
الاضحى ذا .. اشك انه عيد ..
( لو رحـتي تـوعديني انـك تتصليـن فيني كل يوم ؟؟
تـوعديني إنـك ترسلين لي مسجـات كل يوم ؟؟
تـوعديني إنـك تجين عنـدنا كثيـر ؟؟
تـوعديني اذا اتصلت فيك ما تقولين لي إنـك مشغوله معـاه بـعدين اتصل فيك ؟؟
توعـديني لو ضـاق صدرك تقـولين لي ؟ )
اوعديني ,, تكفيييين
( طيب تـوعـديني إنـك تقـرين الهـذيان اللي كتبته فيـك ..؟ )
لا استني شوي .. لا توعدين ..
اخاف توعدين .. و تقرين .. بعدها تبكين
مابيك تبكين .. ابيك بس " تضحكين "
/
/
/
/
( يعني تقنعيني .. اول مااصحى الصباح اسمع صوتك ..
قبل اطلع الجامعة .. اتخانق معك .. )
تذكرين .. كنت اقوم و " فيني ضيقه "
تجيني تقولين .. - ليه كذا ؟ وش فيتس ؟!
- لا .. ولا شي !! بس صدري .. من الجامعه / ضايق شوي !!
- تصدقين .. نفس الشعور خلاص اسمعيني كنسلي هـ المحاضره
- لحظه .. وش ناويه تسوين ؟
- لا ابد .. بس نطلع ( بتي فرانس ) نوسع صدورنا شوي .. بس لا تعلمين !!
طيب بكرا .. ان صحيت و صدري ضايق .. القى مين ؟
( خلاص .. صار كل شيء
العيد .. العيد كرهت العيد ..
لا تكرهينه .. العيد فرحتي ..
انا ماكرهت فرحتك ..
انا كرهت العيد )
انا كرهت العيد
انا كرهت العيد
/
/
/
كلها كم يوم و يقبل علينا " رمضان "
تدرين ان الدعوات تزيد و تستجاب ..
بس تتوقعين .. ان دعواتي لـ غيرك منها نصيب !!