الهنوف اللي سرت من نجد وامست في الحويه
ضيـّقت صدر الرياض .. وسافر الطائف وجــــاها
وانثنى غيم الحجاز .. لخـــد نجــــد النرجسيه
يوم جاته من زعلها كنهـــا تقصـــر خطــــاهـــا
زعـّـلـوهــــا .. وارحلــت واخلـت قصور الفاخريه
والحقتـنـي شـــرهة الزعلان واخطاني رضاهـا
ســافـــرت والله ماخـبــر اللي زعلهــــا عـليّــه
واستبــاحت لله الخيرة سهر عيني ومــــاهــــا
ليتها يوم إستبـــاحت دمعـــة العيــن الشقيــه
ماستبـــاحــت دم قلبي من خلاهـا في خلاهـا
سامح الله ظلمهــا وطعـــونها الخضر النــديــــه
والله يسامح خناجرهـــا ويعـفــو عــن خطـاهــا
.. ضيدان بن قضعـان ..